Search Full Result

கேள்வி : sir how my marriage wife & future life...when debits close..how my life will go

மா.சிவா

பதில் :

லக்னம் –  கன்னி

ராசி – மீனம்

நட்சத்திரம் – உத்திரட்டாதி 1ம் பாதம்


தங்கள் ஜாதகப்படி தங்களுக்கு நடப்பு புதன் திசையில் வியாழன் புத்தி      4-10-2020 வரை உள்ளது. 

லக்னத்திற்கு 7ல் செவ்வாய் இருப்பதால் செவ்வாய் தோஷம் உள்ளது. அதனால் தான் திருமணம் காலதாமதமாகிறது. எனவே முடிந்தால் காளஹஸ்தி சென்று செவ்வாய் தோஷ பரிகாரம் செய்து கொள்ளுங்கள். விரைவில் திருமண யோகம் வரும். 

வரன் பார்க்கும்பொழுது இதேபோல் செவ்வாய்தோஷம் உள்ள வரனைப்பாருங்கள். தோஷத்திற்கு தோஷம் சேரும்பொழுது யோகமாக மாறிவிடும். 

தட்சிணாமூர்த்தி வழிபாடு வியாழக்கிழ்மை தோறும் செய்யுங்கள். உங்கள் சிரமங்கள் நீங்கும். லக்னாதிபன் திசை என்பதால் உங்களுக்கு யோகம் அதிகம் இருக்கும். திருமணத்திற்கு பிறகு வாழ்க்கையில், நல்லமுன்னேற்றம் வரும். விநாயகர் வழிபாடு தினமும் செய்யுங்கள். எண்ணிய எண்ணம் ஈடேறும் லக்னத்திற்கு 12ல் கேது இருப்பது சிறப்பு

கேள்வி : திருமணம் & வருங்காலம் எவ்வாறு அமையும்

மா.பிரியா

பதில் :

லக்னம் –   சிம்மம்

ராசி – கடகம்

நட்சத்திரம் – ஆயில்யம் 3ம் பாதம்


தங்கள் ஜாதகப்படி தங்களுக்கு நடப்பு சுக்ர திசையில் சனி புத்தி 21-11-2020 வரை உள்ளது. 

தங்களுக்கு செவ்வாய் தோஷம் இல்லை. ஆனால் 5ல் ராகு இருப்பது சர்ப்பதோஷம் அதனால் தான் காரியத் தடை உள்ளது. 

செவ்வாய்கிழமை தோறும் ராகு காலத்தில் துர்க்கையம்மனுக்கு எலுமிச்சை விளக்கில் நெய்தீபம் ஏற்றி வழிபடுங்கள் துர்க்காஷ்டகம் படியுங்கள். 

இப்படி தொடர்ந்து நான்கு வாரம் செய்யுங்கள் தடை நீங்கி விரைவில் திருமணம் நடக்கும். 

உங்கள் விருப்பத்திற்கு ஏற்ற வரன் அமையும். சிவன், தட்சிணாமூர்த்தி வழிபாடு உங்கள் சிரமங்களுக்கு பரிகாரமாகும்.  

கேள்வி : ஐயா எனக்கு எப்போது திருமணம் நடக்கும். வாழ்க்கை துணையின் குணம் எப்படி இருக்கும்.

Ravikumar

பதில் :

லக்னம் –  மிதுனம்

ராசி – கன்னி

நட்சத்திரம் – அஸ்தம் 2ம் பாதம்


உங்கள் ஜாதகப்படி நடப்பு ராகு திசையில் சந்திர புத்தி 7-11-2019 வரை உள்ளது. 

கன்னி ராசிக்கு 7ல் செவ்வாய்  செவ்வாய் தோஷம் உள்ளது. எனவே காளஹஸ்தி கோவில் சென்று வருவது நல்லது. 

உங்களுக்கு பார்க்கும் வரன் ஜாதகம் செவ்வாய் தோஷம் உள்ளதாக பார்த்து தேர்வு செய்யவும்.

தோஷத்திற்கு தோஷம் உத்தம்ம. அடுத்து வரும் அக்டோபர் மாதத்திற்கு பிறகு திருமண வாய்ப்பு வரும். 

வரன் பொறுமைசாலி, நீதி, நேர்மை, பார்ப்பவராக இருப்பார். கடின உழைப்பாளி, அனுசரித்து போகும் சுபாவம் உள்ளவர். சுவாமி ஐயப்பன் லெட்சுமி ஹயக்ரீவர், தன்வந்திரி போன்ற தெய்வ வழிபாடு உங்களுடைய சிரமங்களுக்குப் பரிகாரமாக இருக்கும்.

கேள்வி : திருமணம் எப்போது நடைபெறும் உகந்த காலம்

அருன்குமார்

பதில் :

லக்னம் –   மேஷம்

ராசி – கடகம்

நட்சத்திரம் – ஆயில்யம் 3ம் பாதம்


தங்கள் ஜாதகப்படி தங்களுக்கு தற்பொழுது சுக்ர திசையில் சனி புத்தி 7-8-2020 வரை உள்ளது. 

லக்னத்திற்கு 12ல் செவ்வாய் இருப்பது செவ்வாய் தோஷம் உள்ளது. வரன் பார்க்கும்பொழுது செவ்வாய்தோஷம் உள்ள வரனை பார்ப்பது உத்தமம். லக்னத்திற்கோ ராசிக்கோ 2,12ல் செவ்வாய் இருந்தால் உத்தம் சேர்க்கையாகும். 

தோஷத்திற்கு தோஷம்  யோகமாகும். அடுத்து வரும் அக்டோபர் மாதத்திற்குள் வரன் அமையலாம். இப்பொழுது வியாழநோக்கு உள்ளது. அப்படி இல்லாவிட்டால் 2020 மார்ச் மாதத்திற்கு பிறகு மீண்டும் வியாழநோக்கு வரும்பொழுது திருமண வாய்ப்பு வரும். உங்களுக்குப் பிடித்தமான அம்மன் (காமாட்சி . மீனாட்சி) வழிபாடு செய்வது உஙள் சிரமங்களுக்குப் பரிகாரமாகும்

கேள்வி : திருமணம் எப்போது நடைபெறும்?

பார்வதி தேவி

பதில் :

லக்னம் –  கும்பம்

ராசி – சிம்மம்

நட்சத்திரம் – மகம் 4ம் பாதம்


தங்கள் ஜாதகப்படி உங்களுக்கு நடப்பு சந்திர திசையில் ராகு புத்தி 23-03-2020 வரை உள்ளது. உங்களுக்கு லக்னத்திற்கு 4ல் செவ்வாய் இருப்பது செவ்வாய்தோஷம் உள்ளது. தோஷ பரிகாரம் செய்தால் திருமணத் தடை விலகும். வரும் அக்டோபர் மாதம் முதல் குரு வக்ரநிவர்த்தியாகி தனுசு ராசிக்கு வரும்பொழுது உங்களுக்கு வியாழநோக்கு வரும். 1 வருடம் உள்ளது. 

வரன் பார்க்கும்பொழுது செவ்வாய்தோஷம் உள்ள வரன் பார்ப்பது உத்தமம். தோஷத்திற்கு தோஷம் யோகமாகும். சிவன் வழிபாடு விநாயகர் வழிபாடு உங்கள் சிரமங்களுக்குப் பரிகாரமாகும்.

கேள்வி : ஐயா, எனக்கு திருமணம் எப்போது நடைபெறும்

செல்வராஜ்

பதில் :

லக்னம் –  ரிஷபம்

ராசி – மேஷம்

நட்சத்திரம் – அஸ்வினி  1ம் பாதம்


தங்கள் ஜாதகப்படி நடப்பு  சந்திரன் திசையில் ராகு புத்தி 8-10-2019 வரை உள்ளது. 

தங்களுக்கு லக்னத்திற்கு 7ல் கேது சர்ப்பதோஷம் உள்ளது. 

ராசிக்கு ஏழில் செவ்வாய் இருப்பது செவ்வாய் தோஷம். உடன் சனி இருப்பதால் தான் திருமணத் தடையாக உள்ளது. 

ஒருமுறை காளஹஸ்தி கோயில் சென்று தோஷ நிவர்த்தி செய்வது உத்தம்ம. 

அக்டோபர் மாதத்திற்கு பிறகு குரு வக்ர நிவர்த்திஆகிறது. அப்பொழுது உங்களுக்கு வியாழநோக்கு வரும். அதே சமயம் உங்களுக்கு குரு புத்தி ஆரம்பிக்கும். அப்பொழுது திருமண வாய்ப்பு வரும். 

வரன் பார்க்கும்பொழுது செவ்வாய் தோஷம் உள்ள ஜாதகத்தை தேர்வு செய்யுங்கள்.  தோஷத்திற்கு தோஷம் உத்தமமாகும். 

செவ்வாய்கிழமை ராகு காலத்தில் துர்க்கையம்மனுக்கு எலுமிச்சை விளக்கில் நெய் தீபம் ஏற்றி துர்க்கை வழிபாடு செய்யுங்கள். தொடர்ந்து 4 வாரம் செய்ய வேண்டும். 

அதேபோல் அரசமரத்தடி விநாயகர் கோயிலுக்கு வெள்ளிக்கிழமை சென்று வழிபட வேண்டும். இது ராகும், கேது தோஷ நிவர்த்தியாகும். வியாழக்கிழமை தட்சிணாமூர்த்தி வழிபாடு குரு பலம் சேர்க்கும்.

கேள்வி : எனக்கு வேலை எப்போது கிடைக்கும்? திருமணம் எப்போது நடக்கும்? திருமண வாழ்க்கை எவ்வாறு இருக்கும்?

கிருத்திகா

பதில் :

லக்னம்   துலாம்       

ராசி சிம்மம்  

நட்சத்திரம்மகம் 4ம் பாதம்

 

தங்கள்ஜாதகப்படி நடப்பு திசை சூரியன் திசையில் சனி புத்தி 13.3.2020 வரை உள்ளது.

லக்னத்திற்கு7ல் கேது சர்ப்பதோஷம் ராசிக்கு 7ல் சனி இருப்பதால் திருமணம் காலதாமதமாகவேநடக்கும்.

உங்கள்கல்விக்கு ஏற்ற வேலை வாய்ப்பு அக்டோபர் மாதத்திற்கு பிறகு அமையும்.

நீங்கள்வெள்ளிக்கிழமை தோறும் விநாயகர் வழிபாடு மகாலெட்சுமி வழிபாடு செய்யுங்கள் திருமணத்தடை நீங்கும்.

உங்களுக்குசெவ்வாய் தோஷம் கிடையாது. ஆனாலும் களத்திரபாவத்தில் கேது ராசிக்கு களத்திரபாவத்தில்சனி இருப்பதால் திருமணம் காலதாமதமாகும். மற்றபடி உங்களுக்கு திருமணம் வாழ்கைசிறப்பாக இருக்கும்.

கேள்வி : என் திருமணம் கால தாமதம் ஆகிக் கொண்டிருக்கிறது.நான் வேலை பார்க்கும் பெண்.அலுவலகத்திலும் வீட்டிலும் கேட்கும் கேள்விகள் என்னை மிகுந்த மன உளைச்சலுக்கு ஆளாகிறது.பெற்றோரும் வேதனை மில் உள்ளனர். திருமணம் எப்போது நடைபெறும். கேது திசை நடைபெறுவதால் தாமதம் என்கிறார்கள். திருமணம் நடைபெற வழி கூறுங்கள்

பேச்சியம்மாள் (எ) பிரியா

பதில் :

லக்னம் –   கடகம்

ராசி – கடகம்

நட்சத்திரம் –

பூசம் 4ம் பாதம்


தங்கள் ஜாதகப்படி  தற்பொழுது சுக்ர திசை ஆரம்பித்துவிட்டது. லக்னத்திற்கு ஏழில் சனி ஆட்சி அதனால் தான் காலதாமதம் ஆகிறது. 

இப்பொழுது 4,11க்குடைய சுக்ரன் லாபஸ்தானத்தில் சூரியன் புதன் சேர்க்கை எனவே, 16-05-2019 க்கு மேல் குரு வக்ரமாகி 5ஆமிடம் வருகிறார். 

நடப்பு கிரகம் அக்டோபர் மாதம் வரை அங்கு இருப்பார். 

இந்த காலகட்டத்தில் உங்களுக்கு சுபகாரியம் நடக்கும். தவறினால் 2020ல் குருப்பெயர்ச்சி மகரத்திற்கு போகும்பொழுது உங்களுக்கு தோஷம் எதுவும் கிடையாது. சுத்த ஜாதகம். இருந்தாலும் 7ல் சனி இருப்பதால் தினமும் அதிகாலை காக்கைக்கு ஏதாவது உண்ண வைக்க வேண்டும் சனி உங்கள் களத்திர காரகன் என்பதால் சனிக்கிழமைதோறும் வெங்கடேச பெருமாள் சனீவாச பெருமாளை வழிபடுங்கள் உங்கள் சிரமங்கள் விலகும். வரன் பார்க்கும்பொழுது தோஷம் இல்லாத வரன் பார்க்கும் பொழுது தோஷம் இல்லாத ஜாதகம் குறிப்பாக செவ்வாதோஷ இல்லாத ஜாதகம் பாருங்கள் உத்தமம்.

கேள்வி : thirumanam yogam ullatha

revathi c

பதில் :

லக்னம் –   மேஷம்

ராசி – விருச்சிக 

நட்சத்திரம் – கேட்டை 2ம் பாதம்


தங்கள் ஜாதகப்படி நடப்பு சுக்ர மகாதிசையில் சுக்ர புத்தி 22-01-2021 வரை உள்ளது. லக்னத்திர்கு 2,7 ஸ்தான அதிபதி சுக்ரன் என்பதால் திருமண யோகம் உள்ளது. 

வைகாசி  மாதம் குரு ராசிக்கு வக்ரமாகி வருவதால் குருச்சந்திர யோகம் உங்களுக்கு திருமணம் பிராப்தி அமையும். சுக்ரன் உச்சம் என்பதால் பொருளாதார சூழ்நிலைகள் முன்னேற்றமாகும்.

உங்களுக்கு ராசிக்கு 4ல் செவ்வாய் இருப்பதால் செவ்வாய் தோஷம் உண்டு. வரன் பார்க்கும்பொழுது செவ்வாய் தோஷம் உள்ள வரனைப் பார்ப்பது உத்தமம். வெள்ளிக்கிழமைதோறும் மகாலெட்சுமி வழிபாடு செய்வது சிரமங்களுக்குப் பரிகாரமாகும். ஏழரை சனியில் பாதசனி என்பதால் தினமும் காக்கைக்கு உணவு வையுங்கள்.

கேள்வி : நான் வெகு நாட்களாக அரசு வேலைக்கு முயற்சி செய்து வருகிறேன் தற்போது கூட டி என் பி எஸ் சி கூட்டுறவு சங்க இளநிலை ஆய்வாளர் பணிக்கு முயற்சித்து உள்ளேன் எனக்கு அந்த வேலை கிடைக்குமா எனக்கு எப்போது நிலையான தொழில் அமையும் என் எதிர்கால விஷயங்கள் ஆன சொந்த வீடு திருமணம் பற்றி கூறுங்கள் ஐயா

Pachaiyappan

பதில் :

லக்னம் –   மீனம்

ராசி – கடகம்

நட்சத்திரம் – புனர்பூசம் 4ம் பாதம்


தங்கள் ஜாதகப்படி இப்பொழுது உங்களுக்கு புதன் திசையில் கேது புத்தி    10-07-2019 வரை உள்ளது. லக்னத்திற்கு 10ஆமிடத்தில் நான்கு கிரக சேர்க்கை நடப்பு அதே இடத்தில் சனி கேது, குரு சேர்க்கை உள்ளது. 

எனவே உங்கள் முயற்சிக்குப் பலன் கிடைக்கும். 

ஆறாமிடம் என்பதால் கடுமையான போட்டி சிரமங்கள் இருக்கும். எனவே வியாழக்கிழமை தோறும் தட்சிணாமூர்த்தி வழிபாடு செய்யுங்கள்.   சிரமங்கள் குறையும், உங்களுக்கு ராசிக்கு 5ல் ராகு சார்ப்பதோஷம் உள்ளது. திருமணம் 26 வயதுக்கு மேல் தான் 

இதற்கு பரிகாரம் செவ்வாய்கிழமை தோறும் ராகு காலத்தில் துர்க்கையம்மனுக்கு எலுமிச்சை விளக்கில் நெய் தீபம் ஏற்றி துர்க்காஷ்டகம் படியுங்கள் தொடர்ந்து நாலு வாரம் செய்தால் தடைகள் நீங்கும். சொந்த பூமி வாங்கி வீடு கட்டுவீர்கள்