World Open 2020 செஸ் போட்டி: முதலிடம் பிடித்த இனியனுக்கு துணை முதல்வர், அமைச்சர்கள் வாழ்த்து

பதிவு செய்த நாள் : 06 செப்டம்பர் 2020 09:46

சென்னை

48வது World Open 2020 சதுரங்க போட்டியில் முதலிடம் பிடித்து சாதனை படைத்துள்ள ஈரோட்டைச் சேர்ந்த கிராண்ட் மாஸ்டர் பி. இனியனுக்கு தமிழ்நாடு துணை முதலமைச்சர் ஓ. பன்னீர்செல்வம், அமைச்சர் எஸ்.பி. வேலுமணி ஆகியோர் வாழ்த்து தெரிவித்துள்ளனர்.

துணை முதல்வர் ஓபிஎஸ் வாழ்த்து

அமெரிக்காவின் World Open 2020 பட்டத்திற்கு இணையதளம் மூலம் நடைபெற்ற சதுரங்க போட்டியில் முதலிடம் பிடித்து தாய்நாட்டிற்கும் தமிழகத்திற்கும் பெருமை சேர்த்துள்ள ஈரோட்டை சேர்ந்த இந்திய கிராண்ட் மாஸ்டர் பி. இனியன் அவர்களுக்கு எனது நெஞ்சம்நிறைந்த பாராட்டுகள்! வெற்றிப்பயணம் தொடர வாழ்த்துகள்!

என தமிழ்நாடு துணை முதலமைச்சர் ஓ. பன்னீர்செல்வம் தனது டுவிட்டரில் வாழ்த்து தெரிவித்துள்ளார்.

அமைச்சர் எஸ்.பிவேலுமணி

48வது World Open சதுரங்க போட்டியில் முதலிடம் பிடித்து சாதனை படைத்துள்ள ஈரோட்டை சேர்ந்த இந்திய கிராண்ட் மாஸ்டர் பி. இனியன் அவர்களுக்கு என் நெஞ்சார்ந்த பாராட்டுகள்.

இதுபோன்று பல பட்டங்கள் வென்று இந்திய நாட்டிற்கும் தாய் தமிழ்நாட்டிற்கும் பெருமை சேர்க்க வேண்டும் என வாழ்த்துகிறேன்.

என தமிழ்நாடு உள்ளாட்சித் துறை அமைச்சர் எஸ்.பி. வேலுமணி தனது டுவிட்டரில் வாழ்த்து தெரிவித்துள்ளார்