கொரோனா அச்சுறுத்தல் எதிரொலி விஐடி நுழைவுத்தேர்வு ரத்து

பதிவு செய்த நாள் : 11 ஜூலை 2020 20:54

சென்னை, 

கொரோனா அச்சுறுத்தலை தொடர்ந்து விஐடி  பல்கலைக்கழகத்தின் , நுழைவுத் தேர்வு ரத்து செய்யப்பட்டுள்ளது இது குறித்து விஐடி வெளியிட்ட செய்திக்குறிப்பு

விஐடி பல்கலைக்கழகத்தில் மாணவர்கள் படிப்பதற்கு ஆண்டுதோறும் விஐடி நுழைவுத் தேர்வு நடத்துகிறது. விஐடி பல்கலைக்கழகத்தில் பல்வேறு பிரிவுகளில்  பொறியியல் படிப்புகள் இருக்கின்றன. விஐடி பல்கலைக்கழகத்தின் வேலூர், சென்னை, அமராவதி (ஆந்திரப்பிரதேசம்),  போபால் (மத்தியப்பிரதேசம்) வளாகங்களில் மாணவ மாணவிகள் தங்கள் படிப்பை தொடர்வர். ஆனால் தற்போது கொரானா அச்சுறுத்தலை தொடர்ந்து  மாணவ, மாணவிகள் மற்றும் பெற்றோர்கள் பாதுகாப்பில் அக்கறை கொண்டு விஐடி பல்கலைக்கழகம்  இந்த வருடத்திற்கான நுழைவுத் தேர்வை ரத்து செய்கிறது.

மேலும் மாணவ,  மாணவிகள் தங்களின்  +2  இயற்பியல், வேதியியல்,  கணிதம் மதிப்பெண்கள்  அடிப்படையில் விஐடி பல்கலைக்கழகத்தில் தங்களுக்கு விருப்பமான பொறியியல் பாடப்பிரிவில் சேர்ந்து படிக்கலாம்.

அதேபோல் ஜே. இ.இ தேர்வு மதிப்பெண்கள் பெற்ற மாணவ, மாணவிகளுக்கு விஐடி பல்கலைக்கழகத்தில்  சேர்வதற்கு முன்னுரிமை கொடுக்கப்படும். மாணவ-மாணவிகள் தங்களின் ஜே.இ.இ மதிப்பெண்களை விஐடி பல்கலைக்கழக இணையதளத்தில் பதிவேற்றம் செய்ய வேண்டும்.  +2 தேர்வு முடிவுகள் வந்தவுடன் மாணவ, மாணவிகள் தாங்கள் பெற்ற மதிப்பெண்களை உடனடியாக விஐடி பல்கலைக்கழக  இணையதளத்தில் பதிவு செய்ய வேண்டும்.

 மேலும் விவரங்களுக்கு கீழ்க்கண்ட இ-மெயிலை தொடர்பு கொள்ளலாம் ugadmission@vit.ac.in ,  

வாட்ஸ் அப் தொடர்பு எண்: 95666 56755,  

 டோல் ஃப்ரீ தொடர்பு எண் 1800 102 0536 வழியாகவும் தங்கள்  சந்தேகங்களுக்கான பதிலை தெரிந்து கொள்ளலாம்.