சென்னையில் கொரோனா வைரஸ் தொற்றால் பாதிக்கப்பட்டோர் எண்ணிக்கை 64,689 ஆக உயர்ந்தது

பதிவு செய்த நாள் : 04 ஜூலை 2020 11:04

சென்னை

சென்னையில் கொரோனா வைரஸ் தொற்று நோயால் பாதிக்கப்பட்டோர் எண்ணிக்கை 64,689ஆக உயர்ந்தது. 15 மண்டலங்களில் அதிகபட்சமாக இராயபுரத்தில் 8459 பேருக்கு கொரோனா தொற்று கண்டறியப்பட்டுள்ளது.

சென்னை பெருநகர மாநகராட்சியில் உள்ள 15 மண்டலங்களில் எந்தந்த மண்டலங்களில் எத்தனை பேர் கொரோனா வைரஸ் தொற்றால் பாதிக்கப்பட்டுள்ளனர் என்ற விவரத்தை சென்னை மாநகராட்சி இன்றும் வெளியிட்டுள்ளது.

சென்னையில் 4 மண்டலங்களில் கொரோனா வைரஸ் தொற்றால் பாதிக்கப்பட்டோர் எண்ணிக்கை 5000ஐத் தாண்டிவிட்டது. மேலும் 2 மண்டலங்களில் எண்ணிக்கை 4000ஐ தாண்டிவிட்டது. மேலும் 3 மண்டலங்களில் எண்ணிக்கை 2000ஐ தாண்டிவிட்டது

தமிழ்நாட்டில் 1,02,721 பேர் கொரோனா வைரஸ் தொற்றால் பாதிப்படைந்து உள்ளனர். இதுவரை 58,378 பேர் மருத்துவ சிகிச்சை முடிந்து சென்றுள்ளனர்.

பெருநகர சென்னை மாநகராட்சி பகுதிக்குள் கொரோனா நோய் தொற்று பாதிப்பு நிலவரம் :

சென்னையில் அதிகபட்சமாக நேற்று ஒரே நாளில் 2,082 பேருக்கு கொரோனா தொற்று உறுதி செய்யப்பட்டு உள்ளது. கொரோனா தொற்றால் பாதிப்பு அடைந்தோர் எண்ணிக்கை 64,689ஆக அதிகரித்துள்ளது.

சென்னையில் தற்போது வரை கொரோனா வைரஸ் நோய் தொற்று கண்டறியப்பட்டவர்களில் 23,581 பேர் மருத்துவ சிகிச்சையில் உள்ளனர்.

இதுவரை மருத்துவ சிகிச்சைக்குப் பிறகு குணம் அடைந்தவர்கள் 40 ஆயிரத்து 111 பேர்.

சென்னையில் கொரோனா வைரஸ் பாதிப்பு அதிக அளவில் உள்ளது. சென்னையில் இதுவரை 996 பேர் கொரோனா வைரஸ் தாக்கி இறந்துள்ளனர். இதனால் தமிழ்நாட்டில் கொரோனா வைரஸ் தொற்றுக்கு பலியானோர் எண்ணிக்கை 1,385- ஆக உயர்ந்துள்ளது.


15 மண்டலங்களில் அதிகபட்சமாக இராயபுரத்தில்  8459  பேருக்கு கொரோனா தொற்று கண்டறியப்பட்டுள்ளது.

தண்டையார் பேட்டையில் கொரோனா வைரஸ் தொற்றால் பாதிக்கப்பட்டோர் எண்ணிக்கை 7050 ஆக  அதிகரித்துள்ளது.

தேனாம்பேட்டையில் 7096 பேருக்கும்,

கோடம்பாக்கத்தில் 6868 பேருக்கும்

அண்ணாநகரில் 7009 பேருக்கும்

இதுவரை கொரோனா வைரஸ் தொற்று பாதிப்பு  மருத்துவ பரிசோதனையில் உறுதியாகியுள்ளது.

பெருநகர சென்னை மாநகராட்சிக்கு உட்பட்ட பகுதிகளில் கொரோனா நோய் உறுதி செய்யப்பட்டவர்களின் மண்டலவாரியாக பட்டியல் கீழே தரப்பட்டுள்ளது.