கரோனா தடுப்பு நடவடிக்கைகளுக்கு இந்தியாவுக்கு ரூ.21.7 கோடி நிதியுதவி : அமெரிக்கா அறிவிப்பு

பதிவு செய்த நாள் : 29 மார்ச் 2020 12:02

வாஷிங்டன்,

உலகம் முழுவதையும் பாதித்துள்ள கொரோனா வைரஸ் தொற்றுநோயை எதிர்த்துப் போராட, இந்தியாவுக்கு 2.9 மில்லியன் டாலர்(ரூ. 21.7 கோடி) உட்பட, 64 நாடுகளுக்கு 174 மில்லியன் டாலர் (ரூ.130 கோடி) கூடுதல் நிதியுதவியை அமெரிக்கா அறிவித்துள்ளது.

கரோனா தொற்று நோயின் அபாயம் அதிகம் உள்ள நாடுகளில், நோய் பரவுவதை கட்டுக்குள் வைக்க, இந்த கூடுதல் நிதியுதவியை அறிவித்துள்ளது.

இந்தியாவிற்கான இந்த நிதியுதவி, ஆய்வகங்களை உருவாக்கவும், கரோனா பாதிக்கப்பட்டவர்களை விரைவாக கண்டறியவும், தொழில்நுட்ப வல்லுநர்களை தயார்நிலையில் வைத்திருப்பதற்காகவும் வழங்கப்படுகிறது.

இதேபோல், இலங்கைக்கு 1.3 மில்லியன் டாலர், நேபாளத்திற்கு 1.8 மில்லியன் டாலர் வங்கதேசத்திற்கு 3.4 மில்லியன் டாலர், ஆப்கானிஸ்தானிற்கு 5 மில்லியன் டாலர் அமெரிக்கா உதவி அறிவித்துள்ளது.