இந்திய பங்குச்சந்தை இ்ன்று ஏற்றத்துடன் நிறைவு

பதிவு செய்த நாள் : 25 மார்ச் 2020 18:08

மும்பை,

இந்திய பங்குச்சந்தை இன்றும் உயர்வுடன் நிறைவடைந்தது. மும்பை பங்குச் சந்தை சென்செக்ஸ் 1,861 புள்ளிகள், நிப்டி 516 புள்ளிகள் உயர்வுடன் நிலைபெற்றது.

இந்தியாவிலும் கொரோனா பாதிப்பு அதிகரித்துக் கொண்டு வருகிறது. அதே போல உலக வர்த்தகமும் ஏற்றம் இறக்கமாக காணப்படுகிறது. ஏற்றுமதி இறக்குமதி பெரிய அளவில் பாதிக்கப்பட்டுள்ளன. அமெரிக்க டாலருக்கு நிகரான இந்திய ரூபாயின் மதிப்பு 76 ரூபாய்க்கு இறங்கியுள்ளது.

நேற்று மாலை, 26,674 புள்ளிகளைத் தொட்டு வர்த்தகம் நிறைவடைந்த சென்செக்ஸ், இன்று காலை 26,499 புள்ளிகளில் வர்த்தகம் தொடங்கியது.

இன்று மாலை வர்த்தகம் முடியும் பொழுது மும்பை பங்குச்சந்தை சென்செக்ஸ் 1861.75 புள்ளிகள் உயர்ந்து 28,535.78 புள்ளிகளில் நிலைபெற்றது.

இதைபோல் தேசிய பங்குச்சந்தை நிப்டியும் 516.80 புள்ளிகள் உயர்ந்து 8,317.85 புள்ளிகள் நிலைபெற்றது.

ரிலையன்ஸ் இண்டஸ்ட்ரீஸ் நிறுவன பங்குகள் 14.65 சதவீதம் அதிகரித்தது. எச்.டி.எஃப்.சி வங்கி, எச்.டி.எஃப்.சி, ஐ.சி.ஐ.சி.ஐ வங்கி மற்றும் மாருதி. ஆகிய நிறுவனங்களின் பங்குகள் ஏற்றத்தில் முடிந்தன.

மறுபக்கம் இண்டஸ்இண்ட் வங்கி, ஓ.என்.ஜி.சி, ஐ.டி.சி மற்றும் பஜாஜ் ஆட்டோ ஆகிய நிறுவனங்களின் பங்குகள் சற்று சரிவைக் கண்டது.