திருச்செந்தூர் சுப்பிரமணிய சுவாமி கோயில் மாசித் திருவிழா தேரோட்டம் வெகு விமரிசையாக நடைபெற்றது

பதிவு செய்த நாள் : 08 மார்ச் 2020 12:15

திருச்செந்தூர்

திருச்செந்தூர் சுப்பிரமணிய சுவாமி கோயில் மாசி மகத் திருவிழா தேரோட்டம் வெகு விமரிசையாக இன்று நடைபெற்றது.

முருகப்பெருமானின் அறுபடை வீடுகளில் 2ம் படை வீடான திருச்செந்தூரில்  நடைபெறும் முக்கிய விழாக்களில் மாசித் திருவிழாவும் ஒன்றாகும். இந்த ஆண்டு மாசித் திருவிழா கடந்த பிப்ரவரி மாதம் 28ம் தேதி கொடியேற்றத்துடன் தொடங்கி நடைபெற்று வருகிறது.

மாசித் திருவிழாவின் சிகர நிகழ்ச்சியான தேரோட்டம், இன்று காலை 6.35 மணிக்கு தொடங்கியது.

அமைச்சர் கடம்பூர் ராஜூ, ஆட்சியர் சந்தீப் நந்தூரி உள்ளிட்டோர் திருத்தேரினை வடம்பிடித்து இழுத்து தேரோட்டத்தை தொடங்கி வைத்தனர்.

சுவாமி குமரவிடங்கப் பெருமான், வள்ளி, தெய்வானை அம்பாளுடன் பக்தர்களுக்கு எழுந்தருளினர்.

பல்வேறு பகுதிகளிலிருந்தும் வந்திருந்த பக்தர்கள் பக்தி முழக்கமிட்டு தேரினை வடம்பிடித்து இழுத்தனர்.

தேரோட்டத்திற்காக வெளியூர்களிலிருந்து வந்திருந்த திரளான பக்தர்களின் வசதிக்காக மாவட்ட நிர்வாகம் மற்றும் கோவில் நிர்வாகம் சார்பில் அடிப்படை வசதிகள் செய்யப்பட்டிருந்தன.