நியூஸி – இந்தியா அணிகளிடையே 2வது ஒரு நாள் கிரிக்கெட் போட்டி – நியூஸி அணி வெற்றி

பதிவு செய்த நாள் : 08 பிப்ரவரி 2020 16:27

ஆக்லாந்து,

ஆக்லாந்தில் நடைபெற்ற 2வது ஒருநாள் போட்டியில் 22 ரன்கள் வித்தியாசத்தில் வெற்றி பெற்ற நியூசிலாந்து அணி 2-0 என்ற விகிதத்தில் வெற்றிபெற்றுள்ளது



இந்தியா - நியூசிலாந்து அணிகளுக்கிடையே 2வது ஒருநாள் போட்டி ஆக்லாந்தில் இன்று நடைபெற்றது.

டாஸ் வென்ற இந்திய அணி நியூசிலாந்து அணியை மட்டைவீச அழைத்தது.

தொடக்க ஆட்டக்காரர்களாக களமிறங்கிய நியூசிலாந்து அணியின் மார்டின் கப்தில் மற்றும் ஹென்றி நிக்கோல்ஸ் வலுவான தொடக்கத்தை அளித்தனர்.

நிர்ணயிக்கப்பட்ட 50 ஓவர்களில் நியூசிலாந்து அணி 8 விக்கெட்டுகள் இழப்புக்கு 273 ரன்களை குவித்துள்ளது. இதன் மூலம் இந்திய அணிக்கு 274 ரன்கள் வெற்றி இலக்காக நிர்ணயிக்கப்பட்டது.

 பந்து வீச்சில் இந்திய அணி தரப்பில், சஹால் 3 விக்கெட்டுகளையும் தாகூர் 2 விக்கெட்டுகளையும், ஜடேஜா 1 விக்கெட்டையும் கைப்பற்றினர்.

இந்திய அணி பேட்டிங்

இந்திய அணியின் தொடக்க ஆட்டக்காரர்களான பிரித்வி ஷா 24 ரன்கள் மற்றும் மயங்க் அகர்வால் 3 ரன்கள் எடுத்து ஆட்டமிழந்தனர்.

கேப்டன் கோலி 15 ரன்களில் வெளியேறினார். 

ஸ்ரேயாஸ் அய்யர் (52) அரை சதம் பூர்த்தி செய்துள்ளார்.

ராகுல் 4 ரன்களில் ஆட்டமிழந்துள்ளார். 

கேதர் ஜாதவ் 9, ஷர்துல் தாகூர் 18, சைனி 45, சாஹல் 10  ரன்களில் வெளியேறினர்.

ஜடேஜா 54 ரன்களுக்கு ஆட்டமிழந்து உள்ளார். 

பும்ரா ரன் எதுவும் எடுக்காமல் ஆட்டமிழந்தார்.

இந்திய அணி 50 ஓவர்களில் 9 விக்கெட்டுகள் இழப்பிற்கு 251 ரன்களே எடுத்திருந்தது.

இதனால் நியூசிலாந்து அணி 22 ரன்கள் வித்தியாசத்தில் வெற்றி பெற்று 2-0 என்ற கணக்கில் 3 போட்டிகள் கொண்ட தொடரை வெற்றி பெற்றுள்ளது.

இரு அணிகளுக்கிடையிலான 3வது மற்றும் கடைசி ஒருநாள் போட்டி பிப்ரவரி 11ம் தேதி நடைபெற உள்ளது.