உள்ளாட்சி தேர்தல்: 13 மாவட்டங்களுக்கு திமுக வேட்பாளர் பட்டியல் வெளியீடு:

பதிவு செய்த நாள் : 14 டிசம்பர் 2019 13:16

சென்னை,

13 மாவட்டங்களுக்கான உள்ளாட்சித்தேர்தல் வேட்பாளர்கள் பட்டியலை திமுக வெளியிட்டுள்ளது இதுகுறித்து திமுக தலைமைக்கழகம் வெளியிட்ட செய்திக்குறிப்பு.

வருகிற டிசம்பர் 27 மற்றும் 30 ஆகிய நாட்களில் நடைபெற உள்ள ஊரக உள்ளாட்சி மன்றத் தேர்தலுக்கான வேட்புமனுத் தாக்கல் தொடர்ந்து நடைபெற்று வருகிறது.
தி.மு.க. தலைமையிலான கூட்டணிக் கட்சிகள் சார்பில் போட்டியிடும் வேட்பாளர்களுக்கான கலந்தாலோசனை அந்தந்த திமுக  மாவட்டக் கழகங்கள் சார்பில் நடைபெற்று வருகிறது.
தற்போது வரை,திருவண்ணாமலை வடக்கு,திருவண்ணாமலை தெற்கு,திருச்சி வடக்கு,திருச்சி தெற்கு,கரூர்,சேலம் மத்திய, சேலம் மேற்கு கோவை தெற்கு,நீலகிரி,மதுரை வடக்கு,மதுரை தெற்கு,

தூத்துக்குடி வடக்கு, தூத்துக்குடி தெற்கு,கன்னியாகுமரி கிழக்குஆகிய கழக மாவட்டங்களில் கூட்டணிக் கட்சியினருடன் சேர்ந்து சுமூக முடிவெடுக்கப்பட்டு, தலைமைக் கழகத்தின் ஒப்புதலோடு, அந்தந்த மாவட்டக் கழகங்களின் சார்பில் வேட்பாளர் பட்டியல் வெளியிடப்பட்டுள்ளது என்பதை தெரிவித்துக் கொள்கிறோம்.

மற்ற திமுக மாவட்டக் கழகங்கள் சார்பில் தோழமைக் கட்சிகளிடையே பேச்சுவார்த்தை நடைபெற்று வருகின்றது. விரைந்து அந்தந்த மாவட்டக் கழகங்கள் சார்பில் பட்டியல் வெளியிடப்படும். 

இவ்வாறு திமுக செய்திக்குறிப்பில் தெரிவிக்கப்பட்டுள்ளது.