மசூதி கட்ட நிலத்தை வழங்கிய சீக்கியர்!

பதிவு செய்த நாள் : 14 டிசம்பர் 2019

சுக்­பால் சிங் பணக்­கா­ரர் அல்ல. ஆனால் அவர் மனது தாரா­ள­மா­னது. இவர் உத்­த­ர­பி­ர­தே­சம் முஜா­பர்­ந­கர் மாவட்­டத்­தில் உள்ள புர்­கு­யாஜி என்ற நக­ரைச் சேர்ந்த ஜவுளி வியா­பாரி.

இந்த நக­ரின் மக்­கள் தொகை 30 ஆயி­ரம். இதில் மூன்­றில் இரண்டு பங்கு பேர் முஸ்­லீம்­கள். சீக்­கி­யர்­கள் 200 பேருக்­கும் குறை­வா­கவே வாழ்­கின்­ற­னர். இந்த ஊரில் முஸ்­லீம்­கள் மசூதி கட்­டு­வ­தற்­காக 900 சது­ர­அடி நிலத்தை நன்­கொ­டை­யாக சுக்­பால் சிங் வழங்­கி­யுள்­ளார்.

உத்­த­ர­பி­ர­தே­சத்­திற்­கும், உத்­த­ர­காண்ட் மாநில எல்­லைப் பகு­தி­யில் உள்ள புர்­கு­யாஜி நக­ரில், 1857ம் ஆண்டு பிரிட்­டிஷ் அர­சின் அடி­மைத்­த­னத்­திற்கு எதி­ராக கிளர்ந்து எழுந்த 500 சுதந்­திர போராட்ட வீரர்­கள் தூக்­கி­லி­டப்­பட்­ட­னர்.

இந்­தி­யாவை அடி­மைப்­ப­டுத்தி ஆண்டு கொண்­டி­ருந்த பிரிட்­டிஷ் அரசு இந்த சுதந்­திர போராட்ட வீரர்­களை தூக்­கி­லிட்ட இடம் சுலி­வாலா பக் (சதுக்­கம்) என்று அழைக்­கப்­ப­டு­கி­றது. இன்­ற­ள­வும் மக்­கள் அந்த சுதந்­திர தியா­கி­களை ஒவ்­வொரு வரு­ட­மும் நினைவு கூறி அஞ்­சலி செலுத்­துகின்­ற­னர்.

புர்­கு­யாஜி நகர பஞ்­சா­யத்து சேர்­மன் ஜாகிர் பருக்கீ கூறு­கை­யில், “இந்த வரு­டம் சீக்­கிய மத­குரு குரு­நா­னக்­கின் 550வது பிறந்த தினம் கொண்­டா­டப்­ப­டு­கி­றது. இந்த நேரத்­தில் குரு­நா­னக்­கின் பிறந்த நாளை கொண்­டா­டும் வகை­யில் ஏதா­வது செய்ய வேண்­டும் என்று சுக்­பால் சிங் விரும்­பி­னார். அவர் குரு­நா­னக்­கின் பிறந்த நாளை கொண்­டா­டும் வித­மாக மசூதி கட்ட நிலம் வழங்­கி­யுள்­ளார்.

எங்­கள் ஊரில் பல மசூ­தி­கள் உள்­ளன. இப்­போது கட்­டப்­போ­கும் மசூதி சிறப்­பு­டை­யது. ஏனெ­னில் ஒரு சீக்­கி­யர் அவ­ரது மதத்தை கொண்­டா­டும் வகை­யில், நிலத்தை மசூதி கட்ட வழங்­கி­யுள்­ளார். இந்த ஊரில் மத­நல்­லி­ணக்­கம் சிறப்­பாக உள்­ளது. நாங்­கள் எல்லா மத விழாக்­க­ளை­யும் கொண்­டா­டு­கின்­றோம். சுக்­பால் சிங் பெரிய பணக்­கா­ரர் அல்ல. அவ­ரது மனது பெரி­யது. அவர் சாதா­ரண ஜவுளி வியா­பா­ரி­தான்”­என்று தெரி­வித்­தார். “எங்­கள் குரு எல்லா மனி­தர்­க­ளும் சம­மா­ன­வர்­கள். நாம் எல்லா மதங்­க­ளுக்­கும் மரி­யாதை செலுத்த வேண்­டும் என்று கூறி­யுள்­ளார். அத­னால்­தான் மசூதி கட்­ட­நி­லத்தை வழங்­கி­யுள்­ளேன். உல­கம் முழு­வ­தும் சீக்­கி­யர்­கள் குரு­நா­னக்­கின் 550 வது பிறந்த நாளை கொண்­டா­டு­கின்­ற­னர். நான் செய்­தது எனது குரு­வுக்கு மகிழ்ச்­சியை உண்­டாக்­கும் என்று நம்­பு­கின்­றேன்” என்று சுக்­பால் சிங் தெரி­வித்­தார்.  

இந்­தியா சுதந்­தி­ரம் அடைந்து மூன்று வரு­டங்­க­ளுக்கு பிறகு டில்­லி­யில் பிறந்­த­வர் சுக்­பால் சிங். அவ­ருக்கு மூன்று வயது இருக்­கும் போது, அவ­ரது குடும்­பம் புர்­கு­யா­ஜிக்கு இடம் பெயர்ந்­தது.

சிறு வய­தில் இருந்தே, இந்த நக­ரத்­தில் வாழ்ந்து வரு­கி­றார். இவர் 1967ல் ஜவுளி கடையை தொடங்­கி­னார். இந்த கடையை ஐம்­பது வரு­டங்­க­ளாக நடத்தி வரு­கி­றார். முஜா­பர்­ந­க­ரில் மொத்த வியா­பா­ரி­க­ளி­டம் இருந்து துணி­களை வாங்கி விற்­பனை செய்­கி­றார். இவ­ருக்கு இரண்டு மகள்­க­ளும், ஒரு மக­னும் உள்­ள­னர்.

“நான் மசூதி கட்ட நிலத்தை வழங்க

எண்­ணிய போது, இது பற்றி குடும்­பத்­தா­ரு­டன் ஆலோ­சனை நடத்­தி­னேன். இது நல்ல காரி­யம் என்று அனை­வ­ரும் சம்­ம­தித்­த­னர்” என்று சுக்­பால் சிங் தெரி­வித்­தார். சென்ற முதல் தேதி பஞ்­சா­யத்து நடத்­திய எளிய நிகழ்ச்­சி­யில், சுக்­பால் சிங் மசூதி கட்­டு­வ­தற்­கான நிலத்­தின் ஆவ­ணங்­களை பஞ்­சா­யத்­தி­டம் ஒப்­ப­டைத்­தார்.

“எங்­க­ளுக்கு கட­வுள் தேவை­யான அனைத்­தை­யும் கொடுத்­துள்­ளார். இதை அதி­க­பட்ச மக்­க­ளுக்கு பல­னிக்­கும் வித்த்­தில் பயன்­ப­டுத்த வேண்­டும். நம்­மி­டம் இருப்­பதை எல்­லோ­ரி­டத்­தி­லும் பகிர்ந்து கொள்ள வேண்­டும். ஏனெ­னில் இவை அனைத்­தை­யும் கொடுத்­தது கட­வுளே. நமக்கு எது­வும் சொந்­த­மில்லை” என்று சுக்­பால் சிங் தெரி­வித்­தார்.

இரு­பது வரு­டங்­க­ளுக்கு முன், சாலை அமைக்க நிலம் தேவைப்­பட்ட போது, சுக்­பால் சிங் மகிழ்ச்­சி­யு­டன் சாலை அமைக்க நிலத்தை வழங்­கி­னார். அவர் எதை நம்­பு­கின்­றாரோ அதன்­ப­டியே செயல்­ப­டு­கின்­றார்.

நன்றி: ரீ டிப் இணை­ய­த­ளத்­தில்

கணேஷ் நடார்.