தொகுதியைச் சேர்ந்த அதிமுக வேட்பாளருக்கு வாக்களியுங்கள்: அமைச்சா் ராஜேந்திரபாலாஜி பேச்சு

பதிவு செய்த நாள் : 09 அக்டோபர் 2019 17:19

நாங்குநேரி,

நாங்குநேரி தொகுதி மக்கள் தங்களது சொந்த தொகுதியைச் சோ்ந்த அதிமுக வேட்பாளருக்கு வாக்களிக்க வேண்டும் என அமைச்சா் ராஜேந்திர பாலாஜி பேசினார்.

களக்காடு ஒன்றியத்திற்குள்பட்ட சிங்கிகுளத்தில் பால்வளத்துறை அமைச்சா் கே.டி. ராஜேந்திர பாலாஜி, இன்று (புதன்கிழமை) திண்ணைப் பிரசாரம் மேற்கொண்டார்.  கிராம மக்களிடம் குறைகளைக் கேட்டறிந்த அவா் செய்தியாளா்களிடம் கூறியதாவது :

ஜெயலலிதா வழியில் தமிழ்நாட்டில் ஏழை, எளிய மக்கள் விரும்பும் ஆட்சி நடைபெறுகிறது. விவசாயிகளின் நலன் கருதி எண்ணற்ற திட்டங்கள் செயல்படுத் தப்பட்டு வருகிறது.

பாட்டாளிகள், படைப்பாளிகள், நெசவுத் தொழிலாளா்கள், சுமை தூக்கும் தொழி லாளா்கள் உட்பட அனைத்து தரப்பு மக்களும் எவ்வித இடையூறும் இன்றி நிம்மதியாக தொழில் செய்து வருகின்றனா். தற்போது தமிழ்நாடு அமைதிப் பூங்காவாகத் திகழ்கிறது.

ஏற்கனவே நடைபெற்ற மக்களவைத் தோ்தல் என்பது மத்தியில் யார் பிரதமராவது மோடியா அல்லது ராகுலா?

தமிழ்நாட்டை எடப்பாடி பழனிசாமி ஆள்வதா? ஸ்டாலின் ஆள்வதா? என்பதற்கான தோ்தல். நாடு முழுவதும் மோடியே பிரதமராக வேண்டும் என்றும் முதலமைச்சர் எடப்பாடி பழனிச்சாமி ஆட்சி தொடர வேண்டும் என மகத்தான தீா்ப்பை மக்கள் அளித்தனா்.

அதிமுக சார்பாக நாங்குநேரி தொகுதியில் போட்டியிடும் வேட்பாளா் நாராயணன் உங்களது சொந்த தொகுதிக்காரா்.

 எம்ஜிஆரின் பக்தா், ஜெயலலிதாவின் விசுவாசி. இந்த தொகுதிக்கு எண்ணற்ற வளா்ச்சித் திட்டங்களைக் கொண்டு வருவார்.

குறிப்பாக கிராமங்களில் அடிப்படைவசதிகளை மேம்படுத்துவார். எனவே அவருக்கு வாக்களியுங்கள்.

அதிமுக அதிக வாக்குகள் வித்தியாசத்தில் வெற்றி பெறும் என்று அமைச்சர் ராஜேந்திரபாலாஜி தெரிவித்தார்.