அமெரிக்காவுடன் பேச்சுவார்த்தை நடத்த தயார் என கூறிய வடகொரியா மீண்டும் ஏவுகனை சோதனை

பதிவு செய்த நாள் : 10 செப்டம்பர் 2019 09:57

சியோல்,            

அமெரிக்காவுடன் பேச்சுவார்த்தைக்கு தயார் என கூறிய நிலையில் வடகொரியா திடீர் ஏவுகணை சோதனையில் ஈடுபட்டுள்ளது.

அமெரிக்காவுடனான பேச்சுவார்த்தையில் உடன்பாடு ஏற்படாததால், அவ்வப்போது ஏவுகணை சோதனையை நடத்தி வரும் வடகொரியா, நடப்பு மாத இறுதியில் அமெரிக்காவுடன் பேச்சுவார்த்தைக்கு தயாராக இருப்பாக கூறி இருந்தது. இந்நிலையில், மீண்டும் வடகொரியா ஏவுகணை சோதனையில் ஈடுபட்டுள்ளது.

இன்று அதிகாலை இரண்டு முறை, தெற்கு பியாங்கன் மாகாணத்தில் இருந்து ஏவுகணை சோதனையை வடகொரியா நடத்தியதாக தென்கொரிய தரப்பில் தெரிவிக்கப்பட்டுள்ளது. ஜூலை மாதத்திற்கு பிறகு வடகொரியா நடத்து ஏவுகணை சோதனை இது என்று தென்கொரியா தெரிவித்துள்ளது. மேலும், சோதனை நடத்தப்பட்ட ஏவுகணை எந்த வகையைச் சேர்ந்தது என்று உடனடியாக விவரம் எதுவும் தெரியவில்லை என்றும் தெரிவித்துள்ளது.

வடகொரியா ஏவுகணை சோதனை நடத்தியிருக்கும் தகவலை தாங்கள் அறிந்து இருப்பதாக அமெரிக்க மூத்த அதிகாரி ஒருவர் கூறினார். மேலும், வடகொரியாவில் நிலவும் சூழலை எங்களின் கூட்டணி நாடுகளுடன் இணைந்து உன்னிப்பாக கண்காணித்து வருவதாகவும் அமெரிக்க மூத்த அதிகாரி ஒருவர் தெரிவித்தார்.

அமெரிக்காவுடன் பேச்சுவார்த்தை நடத்த தயாராக இருப்பதாக வடகொரியா தெரிவித்திருந்த நிலையில், இந்த ஏவுகணை சோதனை மேலும் பதற்றத்தை அதிகரித்துள்ளது என்பது குறிப்பிடத்தக்கது.