அத்திவரதரை தரிசிக்க இன்றும் கட்டுக்கடங்காத பக்தர்கள் கூட்டம்

பதிவு செய்த நாள் : 06 ஆகஸ்ட் 2019 12:57

காஞ்சிபுரம்,

நின்ற கோலத்தில் அருள்பாலிக்கும் அத்திவரதரை தரிசிக்க பக்தர்களின் கட்டுக்கடங்காத கூட்டம். ஆயிரக்கணக்கான மக்கள் காத்திருக்கும் நிலையில் நெரிசலை தவிர்க்க உள்ளூர் மக்கள் கோவிலுக்கு வர வேண்டாம் என காவல்துறையினர் வேண்டுகோள் விடுத்துள்ளனர்.

24 நாட்கள் சயன கோலத்தில் அருள்பாலித்த அத்திவரதர் நின்ற கோலத்தில் இன்று 37-வது நாளாக அருள் பாலிக்கிறார்.
அத்திவரதருக்கு இன்று நீலநிறப் பட்டாடையில் அலங்காரம் செய்யப்பட்டுள்ளது.

அதிகாலை முதலே பக்தர்கள் சுமார் 3 கிலோமீட்டர் தூர வரிசையில் சுமார் 4 மணி நேரம் காத்திருந்து தரிசனம் செய்து வருகின்றனர்.
அதிகாலை முதல் காலை பத்தரை மணி வரை 50 ஆயிரத்துக்கும் மேற்பட்டோர் தரிசனம் செய்துள்ளனர். தொடர்ந்து பல்லாயிரக்கணக்கான பக்தர்கள் வரிசையில் காத்திருக்கின்றனர்.
இதையடுத்து கூட்ட நெரிசலை உள்ளூர் பக்தர்கள் தரிசனத்துக்கு வராமல் ஒத்துழைக்குமாறு காவல்துறையினர் வேண்டுகோள் விடுத்து வருகின்றனர்.
பக்தர்கள் கூட்டம் அதிகமானால் தரிசன நேரத்தை நீட்டிக்கவும் நடவடிக்கை எடுக்கப்பட்டுள்ளது.