இன்று அத்திவரதரை தரிசிக்கிறார் குடியரசு தலைவர்: பிற்பகலில் பொது தரிசனம் ரத்து

பதிவு செய்த நாள் : 12 ஜூலை 2019 09:56

காஞ்சிபுரம்,            

காஞ்சிபுரத்தில் அத்திவரதரை தரிசிக்க குடியரசு தலைவர் ராம்நாத் கோவிந்த் இன்று வருகிறார். அவரது வருகையையொட்டி இன்று மதியம் 1 மணி முதல் மாலை 5 மணி வரை பொது தரிசனம் ரத்து செய்யப்பட்டுள்ளது.

காஞ்சிபுரம் வரதராஜபெருமாள் கோவிலில் அத்திவரதர் கடந்த ஜூலை 1ம் தேதி முதல் பக்தர்களுக்கு காட்சியளித்து வருகிறார்.

இந்நிலையில், குடியரசு தலைவர் ராம்நாத் கோவிந்த் இன்று (வெள்ளிக்கிழமை) மதியம் 3 மணி அளவில் அத்திவரதரை தரிசனம் செய்ய காஞ்சிபுரம் வருகிறார். அவரது வருகையையொட்டி, காஞ்சிபுரத்தில் பலத்த போலீஸ் பாதுகாப்பு போடப்பட்டுள்ளது.

அவரது வருகையையொட்டி இன்று மதியம் 1 மணி முதல் மாலை 5 மணி வரை பொது தரிசனம் ரத்து செய்யப்பட்டுள்ளது.

நேற்று தேமுதிக தலைவர் விஜயகாந்து தனது மனைவி பிரேமலதா, மகன்களுடன் வந்து அத்திவரதரை தரிசனம் செய்தார். பாஜக மாநில பொதுச்செயலாளர் வானதி சீனிவாசன், பாமக இளைஞர் அணித் தலைவர் அன்புமணி ராமதாஸ், பாமக மாநிலத்தலைவர் ஜி.கே.மணி, முன்னாள் மத்திய அமைச்சர் ஏ.கே.மூர்த்தி, நடிகர் மயில்சாமி உள்ளிட்ட ஏராளமானோர் தரிசனம் செய்தனர்