நாவலர் நூற்றாண்டுவிழா அரசு விழாவாக நடக்கும்: ஓ.பன்னீர் செல்வம் உறுதி

பதிவு செய்த நாள் : 11 ஜூலை 2019 18:58

சென்னை,

   மறைந்த நாவலர் நெடுஞ்செழியனின் நூற்றாண்டு விழா அரசு விழாவாக நடக்கும் என சட்டசபையில் துணை முதல்வர் ஓ.பன்னீர்செல்வம் கூறினார்..

சட்டசபையில் இன்று எதிர்க்கட்சி துணை தலைவர் துரைமுருகன் பேசும்போது, நடமாடும் பல்கலைக்கழகம் என போற்றப்படுபவரும், அடிப்படை திராவிட கொள்கையிலிருந்து மாறுபடாதவருமான நாவலர் நெடுஞ்செழியனின் நூற்றாண்டை சிறப்பிக்கும் வகையில், தமிழக அரசு அவருக்கு சிறப்பு செய்ய வேண்டும் என வேண்டுகோள் விடுத்தார்.
அதற்கு பதிலளித்த துணை முதல்வர் ஓ.பன்னீர் செல்வம், நாவலரின் நூற்றாண்டு குறித்து முதலமைச்சரிடம் ஆலோசனை நடத்தியதாகவும், திராவிட இயக்கத்தின் தூணான நெடுஞ்செழியனுக்கு தனி விழாவாக அரசு விழா நடத்தப்படும் என்றார்.

நாவலர் நெடுஞ்செழியனின் பெயர் வரலாற்றில் இடம்பெறும் வகையில் முதல்வர் அறிவிப்பு வெளியிடுவார் என துணை முதல்வர் ஓ.பன்னீர்செல்வம் கூறினார்.