தமிழ்நாட்டில் காற்றாலை மின்சார உற்பத்தி அதிகரிக்க வாய்ப்பு

பதிவு செய்த நாள் : 12 ஜூன் 2019 13:31

நெல்லை,

தென்மேற்கு பருவமழை காரணமாக, நெல்லை மாவட்டம் வள்ளியூரை சுற்றியுள்ள பகுதிகளில் காற்றின் வேகம் அதிகரித்துள்ளதால் காற்றாலை மின் உற்பத்தி அதிகரிக்கும் என எதிர்பார்க்கப்படுகிறது.

நெல்லை மாவட்டம் வள்ளியூரை சுற்றியுள்ள ராதாபுரம், இருக்கன்துறை, உதயத்தூர், அஞ்சுகிராமம், பழவூர் உள்ளிட்ட பல்வேறு பகுதிகளில் 1,000க்கும் மேற்பட்ட காற்றாலைகள் நிறுவப்பட்டுள்ளன.

இங்கு ஓராண்டில் 9 மாதங்கள் தொடர்ந்து காற்று வீசுவதால், காற்றாலை மின் உற்பத்தி சீராக நடைபெற்று வருகிறது.

தற்போது கேரளாவில் தென்மேற்கு பருவமழை துவங்கியுள்ளதால், கன்னியாகுமரி மாவட்டம் -  வள்ளியூர் சுற்றுவட்டார பகுதிகளில் காற்றின் வேகம் அதிகரித்து காணப்படுகிறது. இதனால் காற்றாலையிலிருந்து மின் உற்பத்தி மேலும் அதிகரிக்கும் என எதிர்பார்க்கப்படுகிறது.