நடிகர் ராதாரவி மீண்டும் அதிமுகவில் இணைந்தார்

பதிவு செய்த நாள் : 12 ஜூன் 2019 12:07

சென்னை,

நடிகர் ராதாரவி முதலமைச்சர் எடப்பாடி பழனிசாமியை அவரது இல்லத்தில் சந்தித்து அதிமுகவில் மீண்டும் இணைந்தார்.

சென்னை கிரீன்வேஸ் இல்லத்தில் முதலமைச்சர் பழனிசாமியை சந்தித்து அதிமுகவில் நடிகர் ராதாரவி இணைந்தார். ராதாரவி அதிமுகவில் இணைந்தபோது அமைச்சர் கடம்பூர் ராஜூ உடனிருந்தார்.

திமுகவிலிருந்து நீக்கம்

கொலையுதிர் காலம் திரைப்படத்தின் டிரைலர் வெளியீட்டு விழாவில் பேசிய ராதாராவி, நடிகை நயன்தாரா குறித்து சர்ச்சைக்குரிய வகையில் கருத்து தெரிவித்தார்.

கட்சியின் கட்டுப்பாட்டை மீறியதாலும் கட்சிக்கு அவப்பெயர் ஏற்படும் வகையில் செயல்பட்டு வருவதாலும் தி.மு.க., விலிருந்து ராதாரவி தற்காலிகமாக நீக்கம் செய்யப்பட்டுள்ளதாக திமுக பொதுச் செயலாளர் க.அன்பழகன் கடந்த மார்ச் 25-ம் தேதி தெரிவித்தார்.

நடிகை நயன்தாரா பற்றி அவதூறாக பேசியதால் திமுகவில் இருந்து சஸ்பெண்ட் செய்யப்பட்டிருந்தார் ராதாரவி என்பது குறிப்பிடத்தக்கது.

மீண்டும் அதிமுகவில்

அதிமுகவில் இணைந்த பின் நடிகர் ராதாரவி செய்தியாளர்களிடம் கூறுகையில்,

அதிமுகவில் நான் 18 ஆண்டுகளாக இருந்துள்ளேன், திமுகவில் எனக்கு திருப்தி இல்லை என்று தெரிவித்தார்.