சென்செக்ஸ் 168 புள்ளிகள், நிப்டி 52 புள்ளிகள் உயர்வு

பதிவு செய்த நாள் : 10 ஜூன் 2019 19:53

மும்பை,

   வாரத்தின் முதல் வர்த்தக நாளான இன்று இந்திய பங்கு சந்தைகள் ஏற்றத்துடன் தொடங்கின. மாலை நேர வர்த்தகத்திலும் சென்செக்ஸ் குறியீட்டு எண் 168 புள்ளிகள் ஏற்றத்துடன் முடிந்தது.

இந்திய ரூபாயின் மதிப்பு உயர்வு, கச்ச எண்ணெய் விலை சற்று குறைவு போன்ற காரணங்களால் இந்திய பங்குச்சந்தையில் இன்று வர்த்தகம் துவங்கும் பொழுதே சென்செக்ஸ் ஏற்றத்துடன் தொடங்கியது. மாலை நேர வர்த்தகத்தில் சென்செக்ஸ் 168.62 புள்ளிகள் உயர்ந்து 39,784.52 புள்ளிகளில் நிலைபெற்றது.

தேசியப் பங்குச் சந்தைக் குறியீட்டு எண் நிப்டி 52.05 புள்ளிகள் உயர்ந்து 11,922.70. புள்ளிகளில் நிலைபெற்றது.

இதைத்தொடர்ந்து டிசிஎஸ், பார்தி ஏர்டெல், இன்ஃபோசிஸ், ஆக்சிஸ் வங்கி, எல் அண்ட் டி, ஐடிசி, பவர் கிரிட், எச்சிஎல் டெக் மற்றும் டாடா ஸ்டீல், ஆகிய நிறுவனங்களின் பங்குகள் 2.39 சதவீதம் உயர்ந்துள்ளன.

மறுபக்கம் யெஸ் வங்கி, டாடா மோட்டார்ஸ், கோல் இந்தியா மற்றும் ஓஎன்ஜிசி ஆகிய நிறுவனங்களின் பங்குகள் 2.89 சதவீதம் சரிந்தது.

இந்திய ரூபாயின் மதிப்பு

இந்திய ரூபாயின் மதிப்பு இன்று காலை (10-06-2019) வர்த்தகம் துவங்கியதும் அமெரிக்க டாலருக்கு எதிரான நாணய மாற்றின் போது 8 காசுகள் அதிகரித்து ரூ. 69.38 காசுகளாக இருந்தது.

இன்று மாலையில் இந்திய ரூபாயின் மதிப்பு ரூ.69.38 காசுகளாகவே நிலைபெற்றது.

கடந்த வர்த்தக இறுதியில் டாலருக்கு எதிரான இந்திய ரூபாயின் மதிப்பு 69.46 காசுகளாக இருந்தது குறிப்பிடத்தக்கது.