மனசுக்கு பிடிச்ச மச்சான்!

பதிவு செய்த நாள் : 11 ஜூன் 2019

கடற்கரையோரத்தில் அமைந்த தலம் திருச்செந்துார். இங்கு வாழும் பரதவர் குலமக்கள் முருகனை 'மச்சான்' (மாப்பிள்ளை) உறவாகக் கருதுகின்றனர். முருகனை மணந்த தெய்வானை பரதவ குலத்தில் பிறந்தவள் என்றும், அவள் கன்னியாகுமரி பகுதியை ஆண்ட மச்சேந்திரனின் மகள் என்றும், தெய்வானையின் அழகில் மயங்கிய முருகன் அவளைக் கடத்தி வந்து திருமணம் செய்ததாகவும் சொல்கின்றனர். இந்த வரலாறு பரதவ குல பாண்டிய வம்ச சரித்திரத்தில் உள்ளது. இதனடிப்படையில் கடலுக்குள் செல்லும் மீனவர்கள், திருச்செந்துார் கோயிலுக்கு நேராக படகை நிறுத்தி, தேங்காய் உடைத்து வழிபடுகின்றனர்.