தமிழ்நாடு முழுவதும் ஆசிரியா் தகுதித்தோ்வு நாளை துவக்கம்

பதிவு செய்த நாள் : 07 ஜூன் 2019 18:00

சென்னை,

தமிழ்நாடு முழுவதும் நாளை (சனிக்கிழமை) துவங்கும் ஆசிரியர் தகுதித்தோ்வில் இடை நிலை ஆசிரியர் பணிக்கான முதல் தாளை ஒரு லட்சத்து 83,341 தேர்வா்கள் எழுதவுள்ளனர்.

மத்திய அரசின் கல்வி உரிமை சட்டத்தின்படி, அனைத்து வகை பள்ளிகளிலும் ஆசிரியராக பணியில் சேருவதற்கு ஆசிரியா் தகுதி தோ்வில் TET (‘டெட்’) தோ்ச்சி பெறுவது அவசியம். தமிழகத்தில் இந்த தோ்வை ஆசிரியர் தேர்வு வாரியம் (டி.ஆா்.பி.) நடத்தி வருகிறது.
ஆசிரியா் தகுதி தோ்வுக்கு கடந்த மார்ச் மாதம் 15-ஆம் தேதி முதல் கடந்த ஏப்ரல் 12-ஆம் தேதி வரை இணையதளம் மூலம் மொத்தம் 6 லட்சத்து 4 ஆயிரத்து 156 பேர் விண்ணப்பித்து இருந்தனர்..
அதில் முதல் தாள் எழுத 1 லட்சத்து 83 ஆயிரத்து 341 பேரும்,
இரண்டாம் தாள் எழுத 4 லட்சத்து 20 ஆயிரத்து 815 பேரும் விண்ணப்பித்துள்ளனா்.

1ம் வகுப்பு முதல் 5-ஆம் வகுப்பு வரை ஆசிரியராக பணியாற்ற முதல் தாள் தோ்வையும்,

8-ஆம் வகுப்பு வரை பணியாற்ற இரண்டாம் தாள் தோ்வையும் எழுத வேண்டும். இதற்காக தமிழ்நாடு முழுவதும் 32 மாவட்டங்களில் 1,552 மையங்கள் ஏற்படுத்தப்பட்டுள்ளன.

சென்னையில் 88 தோ்வு மையங்களில் ஆசிரியா் தகுதித்தேர்வு நடைபெறவுள்ளது.

தேர்வா்களுக்கு சனிக்கிழமை முதல் தாள் தோ்வும்,

ஞாயிற்றுக்கிழமை இரண்டாம் தாள் தோ்வும் நடைபெறவுள்ளது.

2 தோ்வுகளும் காலை 10:00 மணிக்குத் தொடங்கி பகல் 1:00 மணிக்கு முடிவடையும்.