தமிழ்நாடு 4 சட்டசபைத் தொகுதி இடைத்தேர்தல் வாக்குப்பதிவு நிறைவு

பதிவு செய்த நாள் : 19 மே 2019 18:36

சென்னை,

தமிழ்நாட்டில் 4 சட்டசபை தொகுதிகள் இடைத்தேர்தல் வாக்குப்பதிவு இன்று நிறைவடைந்தது.

கடந்த ஏப்ரல் 18ம் தேதி 18 சட்டசபை தொகுதிகள் இடைத்தேர்தல் வாக்குப்பதிவு  நிறைவடைந்தது. நிறுத்தி வைக்கப்பட்டிருந்த திருப்பரங்குன்றம்,  அரவக்குறிச்சி, ஒட்டப்பிடாரம், சூலூர் ஆகிய 4 சட்டசபை தொகுதிகளில் இன்று (ஞாயிற்றுக்கிழமை) இடைத்தேர்தல் வாக்குப்பதிவு நடைபெற்றது.

இந்த தொகுதிகளில் காலை 7:00 மணிக்கு வாக்குப்பதிவு தொடங்கி மாலை 6:00 மணி வரையில் நடைபெற்றது.

ஏற்கனவே அங்கு நாடாளுமன்ற தேர்தல் நடைபெற்றிருந்த நிலையில் இடைத்தேர்தலில், வாக்காளர்களின் நடுவிரலில் அழியாத மை வைக்கப்பட்டது.

அரவக்குறிச்சி தொகுதியில் 63 வேட்பாளர்கள் போட்டியில் இருப்பதால் அங்கு ஒவ்வொரு வாக்குச்சாவடியிலும் 4 வாக்குப்பதிவு எந்திரங்கள் வைக்கப்பட்டிருந்தது.

மறுவாக்குப் பதிவு

13 வாக்குச்சாவடிகளில் மறுவாக்குப்பதிவை நடத்த இந்திய தேர்தல் ஆணையம் ஏற்கனவே உத்தரவிட்டிருந்தது.

மறுவாக்குப் பதிவும் இன்று நடந்தது. காலை 7:00 மணிக்கு வாக்குப்பதிவு தொடங்கி மாலை 6:00 மணிக்கு நிறைவடைந்தது.

தேனி மக்களவை தொகுதியில் மறுவாக்கு பதிவு நடைபெற்றது

5 மணி நிலவரப்படி வாக்குகள் பதிவான சதவிகிதம்

அரவக்குறிச்சி - 79.49%

சூலூர் - 67.18%

திருப்பரங்குன்றம் - 61.99%

ஒட்டப்பிடாரம் - 66.77% வாக்குகள் பதிவாகியிருந்தது என தேர்தல் ஆணையம் தரப்பில் தெரிவிக்கப்பட்டது.

மே 23ம் தேதி 22 சட்டமன்ற தொகுதிகள், மற்றும் 38 + 1 மக்களவை தொகுதிகளுக்கான வாக்கு எண்ணிக்கை நடைபெறவுள்ளது.