மக்களவை தேர்தலை இதுபோல் நீண்ட நாட்கள் நடத்தக்கூடாது- பீகார் முதல்வர் நிதிஷ்குமார் பேட்டி

பதிவு செய்த நாள் : 19 மே 2019 12:08

லக்னோ,

பாட்னாவில் உள்ள ராஜ்பவன் வாக்குச்சாவடியில் இன்று காலை தனது வாக்கை பதிவு செய்தார் பீகார் மாநில முதலமைச்சர் நிதிஷ்குமார். அப்போது செய்தியாளர்களைச் சந்தித்தார். மக்களவை தேர்தலை இதுபோல் நீண்ட நாள்கள் நடத்தக்கூடாது என பேட்டி அளித்தார்.

இறுதி கட்ட மக்களவை தேர்தல்

உத்தர பிரதேசத்தின் வாரணாசி உட்பட, 8 மாநிலங்களில் உள்ள, 59 தொகுதிகளில் 7-ம் கட்ட மற்றும் இறுதிக்கட்ட மக்களவை தேர்தலுக்கான வாக்குப்பதிவு இன்று காலை 7:00 மணிக்கு தொடங்கி நடைபெற்று வருகிறது.

இன்று காலை பாட்னாவில் உள்ள ராஜ்பவன் வாக்குச்சாவடியில் தனது வாக்கை பதிவு செய்த பீகார் முதல்வர் நிதிஷ்குமார் வாக்களித்து விட்டு வெளியில் வரும் போது அவர் செய்தியாளர்களுக்கு பேட்டியளித்தார்.

மக்களவை தேர்தலை இதுபோல் நீண்ட நாட்கள் நடத்தக்கூடாது என்றும், ஒவ்வொரு கட்ட தேர்தலுக்கும் இடையே அதிக நாட்கள் இடைவெளி தேவையில்லை என்றும், தேர்தலை குறைந்த நாட்களில் நடத்தும் விவகாரம் பற்றி அனைத்துக்கட்சிகளுக்கும் கடிதம் எழுதுவேன் என்று நிதிஷ்குமார் கூறினார்.