பிளஸ் -1 தேர்வு முடிவுகள் வெளியீடு: ஈரோடு மாவட்டத்துக்கு முதலிடம்

பதிவு செய்த நாள் : 08 மே 2019 12:22

சென்னை,

பிளஸ்- 1 தேர்வு முடிவுகள் வெளியிடப்பட்டன. தேர்ச்சி விகிதம் 95 சதவீதமாக உள்ளது. தேர்ச்சி விகிதத்தில் 98 சதவீதத்துடன் ஈரோடு மாவட்டம் முதலிடத்தில் உள்ளது.

தமிழ்நாட்டில் 11-ம் வகுப்புக்கான (+1, ப்ளஸ் 1) பொதுத்தேர்வு கடந்த மார்ச் மாதம் 6ம் தேதி முதல் 22-ம் தேதி வரை நடந்தது. இந்த தேர்வினை சுமார் 8 லட்சத்துக்கும் அதிகமான மாணவர்கள் எழுதியுள்ளனர். விடைத்தாள் திருத்தும் பணி நிறைவடைந்ததையடுத்து 11-ம் வகுப்புக்கான தேர்வு முடிவு இன்று காலை 9.30 மணியளவில் வெளியிடப்பட்டது.

தேர்ச்சி விகிதம் 95 சதவீதமாக உள்ளது. மாணவர்கள் 93.3 சதவீதம் பேரும் மாணவிகள் தேர்ச்சி விகிதம் 96.5 சதவீதமாக உள்ளது. தேர்ச்சி விகிதத்தில் 98 சதவீதத்துடன் ஈரோடு மாவட்டம் முதலிடத்திலும், திருப்பூர் மாவட்டம் 2 ஆம் இடத்திலும், கோவை மாவட்டம் மூன்றாம் இடத்திலும் உள்ளது.

100 சதவீத தேர்ச்சி பெற்ற பள்ளிகளின் எண்ணிக்கை: 2,634 ஆகும்.

அரசுப் பள்ளிகள் தேர்ச்சி விகிதம் 90.6 சதவீதமாக உள்ளது.

http://www.tnresults.nic.in, www.dge1.tn.nic.in, www.dge2.tn.nic.in என்ற இணையதளத்தில் பதிவு எண், பிறந்த தேதி, மாதம், வருடத்தை பதிவு செய்து, தேர்வு முடிவுகளை மாணவர்கள் அறிந்துகொள்ளலாம்.

மாவட்ட கலெக்டர் அலுவலகங்களில் இயங்கும் தேசிய தகவலியல் மையங்களிலும், அனைத்து மைய மற்றும் கிளை நூலகங்களிலும் கட்டணம் இன்றி தேர்வு முடிவுகளை அறிந்துகொள்ளலாம்.

பள்ளி மாணவர்களுக்கு அவர்கள் படித்த பள்ளிகளில் சமர்ப்பித்த உறுதிமொழிப்படிவத்தில் குறிப்பிட்டுள்ள செல்போன் எண்ணுக்கு எஸ்.எம்.எஸ். (குறுஞ்செய்தி) மூலமாக தேர்வு முடிவு அனுப்பப்படும். தனித்தேர்வர்களுக்கு ஆன்லைனில் விண்ணப்பிக்கும்போது வழங்கிய செல்போன் எண்ணுக்கு தேர்வு முடிவுகள் எஸ்.எம்.எஸ். மூலமாக அனுப்பப்படும்.

பள்ளிகள் வகைப்பாடு வாரியாக தேர்வு விகிதம் :

அரசுப்பள்ளிகள் 90.6%

அரசு உதவி பெறும் பள்ளிகள் - 96.9%

மெட்ரிக் பள்ளிகள் 99.1%

இரு பாலர் பள்ளிகள் -95.1%

பெண்கள் பள்ளிகள் - 96.8%

ஆண்கள் பள்ளிகள் 90.2%

+1 தேர்வு முடிவுகள் - 2019 பாட வாரியாக தேர்ச்சி விகிதம் :

இயற்பியல் - 94.6%

வேதியியல் - 95.7%

உயிரியல் - 97.1%

கணிதம் - 96.9%

தாவரவியல் - 91.1%

விலங்கியல் - 93.0%

கணினி அறிவியல் -98.2%

வணிகவியல்- 97.7%

கணக்குப்பதிவியல் - 97.7%

+1 தேர்வு முடிவுகள் - 2019 மாவட்ட வாரியாக தேர்ச்சி விகிதம் :

ஈரோடு - 98.03%

திருப்பூர் - 97.93%

கோவை - 97.64%

தூத்துக்குடி - 97.64%

திருநெல்வேலி - 97.59%