சென்செக்ஸ் 269 புள்ளிகள், நிப்டி 83 புள்ளிகள் உயர்வு

பதிவு செய்த நாள் : 15 மார்ச் 2019 18:46

மும்பை,

   இந்திய பங்குச்சந்தைகள் குறியீட்டெண்கள் இன்று உயர்வுடன் காணப்படுகின்றன. வர்த்தக முடிவில் சென்செக்ஸ் 269 புள்ளிகள் உயர்வுடன் முடிந்தது. நிப்டி 83 புள்ளிகள் உயர்ந்து 11,400 புள்ளிகளைக் கடந்தது.

இந்திய ரூபாயின் மதிப்பு உயர்வு, கச்சா எண்ணெய் விலை குறைவு போன்ற காரணங்களால் இன்று வர்த்தகம் துவங்கும் பொழுதே சென்செக்ஸ் ஏற்றத்துடன் தொடங்கியது. இறுதியில் சென்செக்ஸ் 269.43 புள்ளிகள் உயர்ந்து 38,024.32 புள்ளிகளில் நிலைபெற்றது.

தேசிய பங்குச்சந்தை குறியீட்டெண் நிப்டி 83.60 புள்ளிகள் உயர்ந்தது 11,426.85 புள்ளிகளில் நிலைபெற்றது.

பவர் கிரிட், கோடக் வங்கி, எஸ்பிஐ, ஐசிஐசிஐ வங்கி, இன்டஸ் இன்ட் வங்கி, பஜாஜ் நிதி, எச்சி.எல் டெக், எம் & எம், டிசிஎஸ், மாருதி, இன்போசிஸ் மற்றும் அஸிஸ் வங்கி ஆகிய நிறுவனங்களின் பங்குகள் 3.40 சதவீதம் உயர்ந்துள்ளது.

எச்.யூ.எல், கோலி  இந்தியா, பார்தி ஏர்டெல், ஐடிசி, டாடா ஸ்டீல், பஜாஜ் ஆட்டோ ஆகியவை  நிறுவனங்களின் பங்குகள் 1.47 சதவீதம் சரிந்தது.

இந்திய ரூபாயின் மதிப்பு

இந்திய ரூபாயின் மதிப்பு இன்று காலை (15-03-2019) வர்த்தகம் துவங்கியதும் அமெரிக்க டாலருக்கு எதிரான நாணய மாற்றின் போது 20 காசுகள் அதிகரித்து ரூ.69.14  காசுகளாக  இருந்தது.

இன்று மாலையில் இந்திய ரூபாயின் மதிப்பு 24 காசுகள் அதிகரித்து ரூ.69.10 காசுகளாக நிலைபெற்றது.

நேற்று வர்த்தக இறுதியில் டாலருக்கு எதிரான இந்திய ரூபாயின் மதிப்பு 69.34 காசுகளாக இருந்தது குறிப்பிடத்தக்கது.