சம்பளத்தில் பள்ளியை சீரமைத்த ஐ.ஏ.எஸ் அதிகாரி

பதிவு செய்த நாள் : 12 ஜனவரி 2019

மேகா­லயா மாநி­லத்­தில் உள்ள காரோ மலை பிர­தேச மாவட்­டத்­தில் கல்வி என்­பது உண்­மை­யில் எட்டா கனி­யா­கவே உள்­ளது. இங்­குள்ள பள்­ளிக் கூடங்­கள் இடிந்து போய் உள்­ளன. இந்த பள்­ளி­க­ளில் மாண­வர்­கள் படிப்­ப­தையோ, ஆசி­ரி­யர்­கள் கற்­பிப்­ப­தையோ பார்க்க முடி­யாது. பள்­ளிக்­கூட சுவர்­கள் அழுக்­கேறி கிடக்­கின்­றன. பார்ப்­ப­தற்கே சகிக்­க­வில்லை.

ஆனால் டாடிங்­கிரி சப்–­டி­வி­ஷன் அதி­கா­ரி­யாக உள்ள சுவப்­னில் டெம்பி, ஐ.ஏ.எஸ்., இந்த பள்­ளி­களை இப்­ப­டியே விட கூடாது என்று கரு­தி­னார். அவர் பள்­ளிக்­கூ­டங்­க­ளுக்கு பல வர்­ணங்­கள் பூசி, படங்­களை வரைந்து பார்ப்­ப­தற்கு கண்ணை கவ­ரும் வகை­யில் மாற்ற வேண்­டும் என்று முடி­வெ­டுத்­தார்.

கராக்­பூர் ஐ.ஐ.டியில் படித்து முடித்த சுவப்­னி­லு­லக்கு, கல்­வியை விட மற்ற எது­வும் முக்­கி­ய­மில்லை. அவர் மத்­திய மனி­த­வள அமைச்­ச­கத்­தில் பணி­யாற்­றி­யுள்­ளார். அவ­ருக்கு கல்வி பற்­றிய தெளி­வான அனு­ப­வம் உள்­ளது. ராஜஸ்­தான் மாநி­லத்­தில் எப்­படி கல்வி விரை­வாக முன்­னேற்­றம் அடைந்­தது என்­பதை நேரில் கண்­ட­றிந்­துள்­ளார்.  

“டாடிங்­கிரி சப்–­டி­வி­சன் அதி­காரி என்ற முறை­யில், நான் அரசு பள்­ளி­களை மேம்­ப­டுத்­து­வ­தில் ஆர்­வம் காண்­பித்­தேன். கல்­விக்கு எப்­போ­தும் முக்­கி­யத்­து­வம் கொடுக்க வேண்­டும். பள்­ளி­க­ளின் நிலை­மையை பார்க்­கும் போது, எனக்கு வருத்­த­மாக இருந்­தது. அவை உடைந்­தும், பாழ­டைந்­தும் கிடந்­தன. சுவர்­க­ளில் சுண்­ணாம்பு என்­பதை இல்லை. சில நேரங்­க­ளில் ஆசி­ரி­யர்­கள் வரு­வ­தில்லை. படிப்­ப­தற்­காக மாண­வர்­க­ளும் வரு­வ­தில்லை என்று கூறு­கின்­றார் சுவப்­னில்.

இந்த மாவட்­ட­தில் உள்ள பள்­ளி­க­ளில் தலா இரண்டு அல்­லது மூன்று ஆசி­ரி­யர்­கள் உள்­ள­னர். இரண்டு அல்­லது மூன்று வகுப்­ப­றை­க­ளும், ௩௦ முதல் ௪௦ மாண­வர்­க­ளும் உள்­ள­னர். பள்ளி கட்­ட­ட­மும், வகுப்­ப­றை­க­ளும் படிக்க தோன்­றாத அளவு மோச­மாக உள்­ளன. போதிய இடம் இல்­லாத கார­ணத்­தி­னால், எல்லா மாண­வர்­க­ளும், ஆசி­ரி­யர்­க­ளும் ஒரே அறை­யில் இருக்­கின்­ற­னர்.

“இதை சீர­மைக்க ஏதா­வது செய்­தாக வேண்­டும். ஏனெ­னில் கல்வி இல்­லா­மல் எவ்­வித முன்­னேற்­ற­மும் இல்லை. இந்த சப்–­டி­வி­ஷ­னில் உள்ள பள்­ளி­க­ளுக்கு நேரில் சென்று ஆய்வு நடத்தி முடிக்­கும் நேரத்­தில், நாங்­கள் மாதிரி பள்ளி பற்­றிய திட்­டத்தை இறு­தி­யாக்கி விட்­டோம்” என்று சுவப்­னில் தெரி­வித்­தார்.

இந்த சப்–­டி­வி­ஷ­னில் நூற்­றுக்­க­ணக்­கான பள்­ளி­கள் உள்­ளன. எல்­லா­வற்­றை­யும் மாதிரி பள்­ளி­க­ளாக தரம் உயர்த்­து­வது சாத்­தி­ய­மில்லை. எனவே சுவப்­னில் ஏதா­வது ஒரு பள்­ளியை மாதிரி பள்­ளி­யாக மாற்றி, தேவை­யான வச­தி­களை செய்து கொடுப்­பது. இது உள்­ளூர் மக்­கள், மாண­வர்­களை எப்­படி கவ­ரு­கின்­றது என்று பார்ப்­பது. மக்­கள், மாண­வர்­களை கவர்ந்­தால், மேலும் பல பள்­ளி­களை மாதிரி பள்­ளி­க­ளாக தரம் உயர்த்­து­வது என்று சுவப்­னில் முடிவு செய்­தார்.

“டில்­சி­கிரி என்ற இடத்­தில் உள்ள பள்­ளியை மாதிரி பள்­ளி­யாக தரம் உயர்த்த முடிவு செய்­தோம். ஏனெ­னில் இது சப்–­டி­வி­ஷன் தலை­மை­ய­கம் அருகே உள்­ளது. இத­னால் இதை எளி­தாக கண்­கா­ணிக்­க­லாம். நாங்­கள் பள்­ளி­க­ளுக்கு அடிக்­கடி சென்­ற­தால், ஆசி­ரி­யர்­கள் தின­சரி வர ஆரம்­பித்­த­னர். நிலைமை முன்­னேற்­றம் அடைய தொடங்­கி­யது” என்று சுவப்­னில் தெரி­வித்­தார்.

பள்­ளி­களை சீர­மைப்­ப­தற்­காக கிர­வுட் பண்­டிங் என்ற முறை­யில் மிலாப் டாட் ஆர்க் (Milaap.org) என்ற இணைய தளம் மூலம் நிதி திரட்­டும் முயற்­சி­யில் ஈடு­பட்­டார். இதற்கு போதிய ஆத­ரவு கிடைக்­க­வில்லை. பிறகு மக்­கள் மத்­தி­யில் இந்த திட்­டம் எவ்­வ­ளவு முக்­கி­ய­மா­னது என்று விளக்கி நிதி திரட்­டும் முயற்­சி­யில் ஈடு­பட்­டார். மக்­கள் அவர்­க­ளால் முடிந்த அளவு நன்­கொடை வழங்­கி­னார்­கள். மேகா­ல­யா­விற்கு வெளியே உள்­ள­வர்­க­ளும் நன்­கொடை வழங்­கி­னார்­கள்.  டில்­சி­கி­ரி­யில் உள்ள பள்­ளியை புதுப்­பிக்க தொடங்­கி­னார். கட்­ட­டத்தை சீர­மைத்து சுவர்­க­ளுக்கு வர்­ணம் பூசப்­பட்­டன. திற­மை­யான ஓவி­யர்­கள் படங்­கள் வரைந்­த­னர். குழந்­தை­கள் விளை­யாட பொம்­மை­கள், படிக்க புத்­த­கங்­கள், கதை புத்­த­கங்­கள், தரை விரிப்பு, மெத்தை, தண்­ணீர் சுத்­தி­க­ரிக்­கும் சாத­னம், உணவு சூடாக பாது­காக்க பாத்­தி­ரங்­கள், மேலும் பல வச­தி­கள் ஏற்­ப­டுத்­தப்­பட்­டன. இதன் தொடக்க விழா­வில் கிரா­மத்­தி­னர் அனை­வ­ரும் கலந்து கொண்­ட­னர். இது மறக்­க­மு­டி­யாத நிகழ்ச்சி. இதன் மூலம் அவர்­கள் இதே மாதிரி மற்ற பள்­ளி­க­ளி­லும் செய்­யும்­படி உணர்த்­தி­னர். இதில் இருந்­து­தான் ஒரு பள்­ளியை தத்­தெ­டுப்­போம் என்ற யோசனை பிறந்­தது.

உதவி கமி­ஷ­னர் ஸ்ரீராம் சிங் ஐ.ஏ.எஸ்., வழி­காட்­டு­தன் பேரில் கல்­வியை மேம்­ப­டுத்த ஸ்டார்  [STAR –School Transformation by Augmenting Resources] பள்­ளி­க­ளில் வளங்­களை மேம்­ப­டுத்­து­வது என்ற திட்­டத்தை செயல்­ப­டுத்த தொடங்­கி­னார்­கள். இந்த திட்­டத்­தின் ஒரு பகு­தி­யாக பள்­ளி­க­ளில் அடிப்­படை கட்­ட­மைப்பு வச­தி­களை மேம்­ப­டுத்த முடிவு செய்­த­னர். இதற்­காக மக்­க­ளி­டம் நிதி திரட்­ட­வும், தொழில், வர்த்­தக நிறு­வ­னங்­க­ளி­டம் இருந்து சமூக பொறுப்­பு­ணர்வு திட்ட நிதியை பயன்­ப­டுத்­திக் கொள்­ள­வும் முடிவு செய்­த­னர்.

“ஸ்டார் திட்­டத்­தின் கீழ், நாங்­கள் நூல­கத்­தை­யும் கட்­டி­னோம். பலர் புத்­த­கங்­களை நன்­கொ­டை­யாக வழங்­கி­னார்­கள். குழந்­தை­கள் படிக்க வாய்ப்­புள்ள சூழ்­நி­லை­யில் வள­ர­வேண்­டும். இப்­போது இந்த நூல­கத்­திற்கு சில மாண­வர்­கள் வரு­கின்­ற­னர். இந்த மாற்­றம் வர­வேற்­கத்­தக்­கது. வருங்­கா­லத்­தில் மேலும் பல குழந்­தை­கள் படிக்க வரு­வார்­கள். நாங்­கள் வேலை வாய்ப்பு குறித்­தம் ஆலோ­ச­னை­களை வழங்­கு­கின்­றோம். பல்­வேறு துறை­க­யைச் சேர்ந்­த­வர்­கள் பங்­கேற்று, அவர்­கள் எப்­படி முன்­னே­றி­னார்­கள் என்­பதை அனு­ப­வ­பூர்­வ­மாக விளக்­கு­கின்­ற­னர்” என்று சுவப்­னில் தெரி­வித்­தார்.

அந்த நேரத்­தில் மேகா­லயா முதல்­வர் கான்­ராட் சங்மா, நாங்­கோஸ்­டின் என்ற இடத்­தில் உள்ள பள்­ளியை சீர­மைக்க, தனது ஒரு மாத சம்­ப­ளத்தை வழங்­கி­யுள்­ள­தாக சுவப்­னி­லுக்கு தெரிய வந்­தது.

“அவ­ரது தாராள மனோ­பா­வம் எனக்கு தூண்­டு­த­லாக இருந்­தது. நான் ஒரு பள்­ளிக் கூடத்தை சீர­மைக்க இரண்டு மாத சம்­ப­ளம் வழங்­கி­னேன். அத்­து­டன் தீபா­வளி நேரத்­தில் பள்­ளியை சீர­மைக்க இணைய தளம் மூலம் நிதி திரட்­டும் முயற்­சி­யி­லும் ஈடு­பட்­டேன். பல­ரின் உத­வி­யு­ட­னும், பலர் வழங்­கிய நிதி உத­வி­யு­ட­னும், எங்­கள் திட்­டம் வெற்­றி­க­ர­மாக நிறை­வ­டைந்­தது. எனது சம்­ப­ளத்­தில் இருந்து சீர­மைத்த பள்ளி புதி­யது போல­வும், அழ­கா­க­வும் உள்­ளது. இது தொடக்­கம் தான், இதே போல் ஆயி­ரக்­க­ணக்­கான பள்­ளி­களை சீர­மைக்க வேண்­டும். கல்வி மட்­டுமே எல்லா பிரச்­னை­க­ளுக்­கும் தீர்வு. நீங்­கள் படித்து, நல்ல வேலை­யில் இருந்து, சுய­மாக இருக்க முடி­யும் என்­றால், உங்­கள் முன்­னேற்­றத்தை எந்த சக்­தி­யா­லும் தடுக்க முடி­யாது என்று சுவப்­னில் கூறு­கின்­றார்.

நன்றி: தி லாஜி­கல் இந்­தி­யன் இணைய தளத்­தில் சுமந்தி சென்.