அரசு பள்ளிகளில் செயல்வழி கற்றல் மூலம் கற்பிக்க தேவையான பொம்மைகள் கண்காட்சி, மற்றும் பயிற்சி

பதிவு செய்த நாள் : 25 அக்டோபர் 2021 21:50

நெல்லை,


செயல்வழிக் கற்றல் மூலம் கற்பிக்க  அரசு பள்ளி ஆசிரியருக்கான பொம்மைகள் கண்காட்சி, மற்றும் பயிற்சி நடைபெற்றது.

 இதில் மாணவ மாணவியருக்கு பொம்மைகள்  மூலம் அவர்கள் புரிந்து கொள்ளும் வகையில் எவ்வாறு பாடம்  நடத்தப்பட வேண்டும் என்பது குறித்தும் விளக்கம் அளிக்கப்பட்டது.

நெல்லை பாளையங்கோட்டையில் அரசு மற்றும் அரசு உதவி பெறும் பள்ளி ஆசிரியர்களுக்கு  செயல்வழிக் கற்றல் மூலம்  தங்களிடம் பயிலும் மாணவ மாணவியர்கள் சிரமமான பாடங்களை எளிமையாக புரிந்து கொள்ளும் வகையிலும்  ஆர்வத்துடன் பயிலும் வகையில் பள்ளிப் பாட வகுப்புகளை நடத்த பொம்மைகள், காகிதம் மூலம் தயாரிக்கப்பட்ட பூக்கள், மரம், செடி, தானிய வகைகள், மனித உறுப்புகள் மற்றும்   வீட்டில் சாதாரணமாக  கிடைக்கும் பொருட்களை வைத்து செய்யப்பட்ட படங்கள்  உருவங்களை உருவாக்கியும்  பொம்மலாட்டம் மூலம் மாணவ மாணவியர்கள் ஆர்வத்துடன் கற்றுக் கொள்ளும் வகையில் ஆசிரியர்கள் கற்பிக்க பொம்மைகள் கண்காட்சி மற்றும் பயிற்சி  நடைபெற்றது .இந்த கண்காட்சியில் 50 க்கும் மேற்பட்ட ஆசிரியர்கள் பங்கேற்ற தோடு அவர்கள் தங்களின் படைப்புகளையும் காட்சிப்படுத்தினார் இந்த கண்காட்சியின் படைப்புகளை ஆய்வு செய்து சிறந்த படைப்புகளுக்கு பரிசும் வழங்கப்பட்டன.