அரியானாவில் நடந்த காவல்துறை மல்யுத்த போட்டி - தங்கம் வென்ற தமிழக ஆய்வாளர் உள்பட 4 பேருக்கு ஏடிஜிபி பாராட்டு

பதிவு செய்த நாள் : 16 ஆகஸ்ட் 2021 13:34

சென்னை, ஆக. 16–

அரியானா மாநிலத்தில் 68வது அகில இந்திய காவல்துறை விளையாட்டு போட்டி நடைபெற்றது. மல்யுத்த போட்டிகளில் பங்குபெற்று தங்கம் வென்ற தமிழ்நாடு காவல்துறை ஆய்வாளர் உள்பட 4 பேருக்கு தமிழக ஆயுதப்படை ஏடிஜிபி ஜெயந்த் முரளி பாராட்டு தெரிவித்துள்ளார்.

தமிழ்நாடு காவல்துறையை சார்ந்த விளையாட்டு வீரர்கள் தேசிய அளவிலான மற்றும் பண்நாட்டு அளவிலான விளையாட்டு போட்டிகளில் பங்கு பெற்று பல வெற்றி மற்றும் சாதனைகளை புரிந்து காவல்துறைக்கு பெருமை சேர்த்துள்ளனர்.

 தமிழக காவல்துறை விளையாட்டு வீரர்கள் ஹரியானா மாநிலம் மதுபானில் நடைபெற்ற 68வது அகில இந்திய காவல்துறை மல்யுத்த குழு போட்டிகளில் பங்குபெற்று வெற்றி மற்றும் பதக்கங்களை பெற்று காவல்துறைக்கு பெருமை சேர்த்துள்ளனர். இந்த மெச்சதகுந்த வெற்றிக்காக தமிழ்நாடு அரசு பரிசு தொகை அளித்து ஊக்குவித்துள்ளது.

தஞ்சாவூரைச் சேர்ந்த ஆயுதப்படை சார்பு ஆய்வாளர் அனுராதா பளு தூக்குதல் போட்டியில் தங்கம் வென்று ரூ. 5 லட்சம் பரிசு பெற்றுள்ளார். மேலும் காவலர்கள் சரத்குமார், வினோத், தலைமைக்காவலர் அமுதா, அர்ஜுன் ஆகியோர் வெங்கலம் பதக்கம் பெற்றுள்ளனர். போட்டிகளில் பதக்கம் பெற்ற விளையாட்டு வீரர்களுக்கு தமிழக ஆயுதப்படை ஏடிஜிபி ஜெயந்த் முரளி ஆயுதப்படை தலைமையகம் கீழ்பாக்கம் சென்னையில் நடைபெற்ற பரிசளிப்பு விழாவில் பரிசு தொகை காசோலையினை வழங்கி மேலும் பல தேசிய மற்றும் பண்னாட்டு போட்டிகளில் வெற்றிபெற வாழ்த்துகள் கூறினார்.

தங்கம் வென்ற சார்பு ஆய்வாளர் அனுராதா இந்திய நாட்டின் சார்பாக நேபால் நாட்டில் நடைப்பெற்ற 13வது தெற்காசிய விளையாட்டு போட்டி - 2019 மற்றும் ஆஸ்திரேலியா நாட்டு சமோவா தீவில் நடைபெற்ற காமன்வெல்த் பழுதூக்கும் போட்டி - 2019ல் தங்க பதக்கம் பெற்று தமிழ்நாடு காவல்துறைக்கு பெருமை சேர்த்துள்ளார் என்பது குறிப்பிடத்தக்கது.