சிறுமிக்கு பாலியல் தொந்தரவு; முதியவருக்கு 3 ஆண்டு சிறை தண்டனை - போக்சோ சிறப்பு நீதிமன்றம் தீர்ப்பு

பதிவு செய்த நாள் : 06 மார்ச் 2021 16:14

திருவில்லிபுத்தூர்,

விருதுநகர் மாவட்டம் திருவில்லிபுத்தூர் அருகேயுள்ள மம்சாபுரத்தைச் சேர்ந்தவர் பரமன் (68). இவர் கடந்த 2018ம் ஆண்டு, அதே பகுதியைச் சேர்ந்த 7 வயது சிறுமியை பாலியல் தொந்தரவு செய்துள்ளார். இது குறித்து சிறுமியின் பெற்றோர், திருவில்லிபுத்தூர் அனைத்து மகளிர் காவல் நிலையத்தில் புகார் தெரிவித்தனர். 

பரமனை போக்சோ சட்டத்தின் கீழ் போலீசார் கைது செய்தனர். இந்த வழக்கு திருவில்லிபுத்தூர் போக்சோ சிறப்பு நீதிமன்றத்தில் நடந்து வந்தது. நேற்று போக்சோ நீதிமன்றத்தில், சிறுமியை பாலியல் தொந்தரவு செய்த பரமனுக்கு 3 ஆண்டுகள் சிறை தண்டனையும், 25 ஆயிரம் ரூபாய் அபராதமும் விதித்து நீதிபதி பரிமளா தீர்ப்பு வழங்கினார்.