நெல்லை மாநகர காவல்துறை புதிய ஆணையர் பொறுப்பேற்பு , பொதுமக்களின் புகாருக்கு உடனடி நடவடிக்கை

பதிவு செய்த நாள் : 22 பிப்ரவரி 2021 20:13

நெல்லை மாநகர காவல்துறையின் புதிய ஆணையராக அன்பு பொறுப்பேற்றுக் கொண்டார் . சட்டம் ஒழுங்கிற்கு முக்கியத்துவம் அளித்து பொதுமக்களின் புகார்களுக்கு உடனடி நடவடிக்கை எடுக்கப்டும் என தெரிவித்துள்ளார் .

நெல்லை மாநகர காவல்துறை ஆணையாளராக பணியாற்றி வந்த தீபக் டமோர் கடந்த சில நாட்களுக்கு முன்பு பணி இட மாற்றம் செய்யப்பட்டார். இந்நிலையில்  நெல்லை மாநகர காவல்துறை புதிய  ஆணையாளராக அன்பு  நியமிக்கப்படார் . இந்நிலையி்ல் அவர் முறைப்படி இன்று பொறுப்பேற்றுக்கொண்டார் .

 முன்னதாக காவல்துறையின் அணிவகுப்பு மரியாதையை ஏற்றுக்கொண்ட அவர் பொறுப்பேற்ற பின்பு செய்தியாளர்களுக்கு அளித்த பேட்டியில்  நெல்லை மாநகர் பகுதிகளில் சட்டம் ஒழுங்கிற்கு முக்கியத்துவம் அளித்து பொதுமக்கள் அளிக்கும் புகார்களுக்கு உடனடி நடவடிக்கை எடுக்கப்படும் , காவல்துறை மக்களின் நெருங்கிய நண்பனாக மக்களின் பாதுகாப்புக்காக சிறந்து விளங்கும்  என தெரிவித்தார் இவர் ஏற்கனவே  கடந்த 2015, 16-ம் ஆண்டுகளில் நெல்லை சரக டிஐஜியாகவும், மாநகர காவல்துறை ஆணையாளராகவும் பதவி வகித்துள்ளார் என்பது குறிப்பிடத்தக்கது.