தென்காசி மாவட்டம்: முழு ஊரடங்கு எத்தனை நாள்?

பதிவு செய்த நாள் : 04 ஜூலை 2020 18:35

பாளையங்கோட்டை,  ஜூலை.   04. 

 தென்காசி மாவட்டத்தில் தமிழக அரசின் உத்தரவுப்படி 04.07.2020 இரவு 12 மணி முதல் 06.07.2020 காலை 6 மணி வரை எந்தவித தளர்வுகளும் இன்றி முழு ஊரடங்கு அமுல்படுத்தப்படும்  என மாவட்ட ஆட்சித் தலைவர் அருண்சுந்தர்தயாளன் தெரிவித்துள்ளார்

இதுகுறித்து வெளியிடப்பட்டுள்ள செய்திக்குறிப்பில்:

தென்காசி மாவட்டத்தில் தமிழக அரசின் உத்தரவுப்படி 04.07.2020 இரவு 12 மணி முதல் 06.07.2020 காலை 6 மணி வரை எந்தவித தளர்வுகளும் இன்றி முழு ஊரடங்கு அமுல்படுத்தப்படும் மேலும் 12.07.2020, 19.07.2020, மற்றும் 26.07.2020 ஆகிய ஞாயிற்று கிழமைகளிலும் முழு ஊரடங்கு அமல்படுத்தப்படும். எனவே மேற்படி வரக்கூடிய நான்கு ஞாயிற்று கிழமைகளில் பொதுமக்கள் வீட்டை விட்டு வெளியே வரவேண்டாம் என கேட்டுக் கொள்ளப்படுகிறது.

மேலும் இந்த ஊரடங்கு உத்தரவு காலத்தில் பால் விநியோகம், மருத்துவமனைகள், மருந்து கடைகள், மருத்துவ வாகனங்கள், அவசர ஊர்தி மருத்துவ வசதிகளுக்கு தனியார் வாகனங்கள் இயக்கவும் அனுமதிக்கப்படுகிறது.

எனினும் முழு ஊரடங்கு உத்தரவு காலத்தில் பொதுமக்கள் தேவையில்லாமல் வீட்டில் இருந்து வெளியில் செல்வதை தவிர்க்க வேண்டும் எனவும் கொரோனா தொற்று நோய் பரவாமல் கட்டுப்படுத்த அரசு மேற்கொள்ளும் நடவடிக்கைகளுக்கு முழு ஒத்துழைப்பு அளிக்க கேட்டுக்கொள்ளப்படுகிறார்கள் என தெரிவித்துள்ளார்.