கூடங்குளம் இரண்டாவது அணு மின் பழுது மின் உற்பத்தி நிறுத்திவைப்பு

பதிவு செய்த நாள் : 21 மே 2020 20:35

நெல்லை மாவட்டம் கூடன்குளத்தில் இரண்டாவது அணு பழுதுகாரணமாக மின் உற்பத்தி நிறுத்தப்பட்டுள்ளது. பழுது நீக்கும் பணியில் இந்திய ரஷ்ய விஞ்ஞானிகள் ஈடுபட்டு வருகின்றனர் .

நெல்லை மாவட்டம் கூடன்குளத்தில் தலா ஆயிரம் மெகாவாட் மின்சாரம் உற்பத்தி திறன்கொண்ட இரண்டு அணு உலைகள் செயல்பட்டு வருகிறது. இதில் இரண்டாவது அணு உலையில் பராமரிப்பு பணிகள் முடிந்து கடந்த பிப்ரவரி மாதம் மின் உற்பத்தியை தொடங்கி செயல்பட்டு வந்தது. இதில் இருந்து 910 மெகாவாட் மின்சார உற்பத்தி நடந்து வந்தத நிலையில் இன்று பிற்பகல் 1.40 மணிக்கு அணு உலையில் உள்ள ஜெனரேட்டரில் திடிரென ஏற்பட்ட தொழில்நுட்ப கோளாறு காரணமாக மின் உற்பத்தி நிறுத்தப்பட்டது. தற்போது பழுது நீக்கும் பணியில் இந்திய –ரஷ்ய விஞ்ஞானிகள் கூட்டாக ஈடுபட்டுள்ளனர் .  இதனால் தமிழகத்திற்கு கிடைக்கும் 465 மெகாவாட் மின்சாரம் பாதிக்கப்பட்டுள்ளது. இதனிடையே முதலாவது அணு உலை கடந்த ஏப்ரல் 30 –ந்தேதி வருடாந்திரப் பராமரிப்பு பணிக்காக நிறுத்தப்பட்டு, பின்னர் ஊரடங்கால் ஆட்கள் பற்றாக்குறையால் மீண்டும் 4-ந்தேதி பராமரிப்பு பணிகள் ஒத்திவைக்கப்பட்டு முதல் அணு உலை செயல்படத்தோடங்கியது, பின்னர் கடந்த 12-ந்தேதி முதல் அணு உலையில் பழுது ஏற்பட்டு சில மணிநேரங்களில் பழுது சரிசெய்யப்பட்டு  மின் உற்பத்தி நடந்து வருகிறது. முதல் அணு உலையில் இருந்து 420 மெகாவாட் மின்சாரம் உற்பத்தி செய்யப்படுகிறது.