கடலில் உயிருக்கு போராடிய 5 மீனவரைக் காப்பாற்றிய மீனவர்கள்

பதிவு செய்த நாள் : 14 மார்ச் 2020 13:00

தூத்துக்குடி

தூத்துக்குடியில் கடலில் படகுமூழ்கி நடுக்கடலில் தத்தளித்த ஐந்து மீனவர்களை அந்த வழியாக வந்த மற்றொரு படகில் இருந்த மீனவர்கள் மீட்டு கரைக்கு கொண்டு வந்தனர்


இன்று அதிகாலை தூத்துக்குடி திரேஸ்புரத்தில் பைபர் படகில் பெர்க்ஸ்மான்ஸ், வினோத், சின்னவேல்ராஜ், சிவன்ராஜ், வினோத் ஆகிய ஐந்து பேரும் கடலுக்கு மீன்பிடிக்க சென்றனர்.

தூத்துக்குடியில் இருந்து சுமார் 15 கடல் மைல் தொலைவில் மீன்பிடித்துக் கொண்டிருந்த போது படகில் ஓட்டை விழுந்து கடல்நீர் உட்புகுந்து படகு மூழ்கியது. இதனால் படகில் இருந்த ஐந்த மீனவர்களும் சுமார் ஒரு மணி நேரம் கடலில் தத்தளித்தனர். அப்போது அந்த வழியாக வந்த மற்றொரு படகில் இருந்த மீனவர்கள் இவர்களை மீட்டு கரைக்கு கொண்டு வந்தனர். கடலில் தத்தளித்த 5 மீனவர்களும் தூத்துக்குடி அரசு மருத்துவமனையில் சிகிச்சை பெற்று வருகின்றனர்.