டிஎன்பிஎஸ்சி தேர்வு முறைகேடு தொடர்பில் தன்மீதான குற்றச்சாட்டுக்கு அப்பாவு மறுப்பு

பதிவு செய்த நாள் : 12 பிப்ரவரி 2020 13:04

திருநெல்வேலி

டிஎன்பிஎஸ்சி தேர்வு முறைகேடு தொடர்பாக தன்மீது எழுந்துள்ள குற்றச்சாட்டுக்கு மறுப்பு தெரிவிக்கும் விதமாக  ராதாபுரம் முன்னாள் திமுக சட்டமன்ற உறுப்பினர் அப்பாவு நெல்லை பத்திரிக்கையாளர் மன்றத்தில் பேட்டி அளித்துள்ளார்.

அமைச்சர் ஜெயக்குமார் அவர்கள் இரண்டு தினங்களுக்கு முன்பு அளித்த பேட்டியில், 

ராதாபுரம் சட்டமன்ற தொகுதிக்குட்பட்ட ஐயப்பன் என்பவர் டிஎன்பிஎஸ்சி தேர்வு முறைகேடு வழக்கில் கைதுசெய்யப்பட்டார், அவருடன் நானும் புகைப்படத்தில் இருப்பதை காட்டி, முறைகேடில்  திமுக தலையீடு இருப்பதாக செய்தியை பரப்பி இருக்கிறார்,

ஐயப்பன் என்பவர் எங்கள் கட்சியில்  எந்த பொறுப்பிலும் கிடையாது, ஏதோ ஒரு சந்தர்ப்பத்தில் என்னுடன் எடுத்த  போட்டோவை வைத்து சொல்கின்றனர், எனது அரசியல் களத்தில தவறை தட்டி கேட்பனே  தவிர தவறுக்கு துணை போனது கிடையாது

அமைச்சர் தன்னைப்போல் நினைக்கக்கூடாது. அமைச்சர் பல ஞாயிற்று கிழமைகளில் எங்கிருக்கிறார் என்று தெரியாது

இந்த முறை சட்டமன்ற தேர்தலில் வெற்றி பெற்றாலும் கூட வெற்றி வாய்ப்பை இழந்த நிலையில் தான் உள்ளேன்.

98 வாக்கு வித்தியாசத்தில் நாங்கள் வெற்றி பெற்று  இருந்தோம்,  நாங்கள் வெற்றி பெற்றதாக கையெழுத்திட்டு இருப்போம், ஆனால் தீர்ப்பை வெளியிடாமல் உள்ளது