சனிப் பெயர்ச்சி - 27.12.2020 - 2023
27-12-2020 – 16-03-2023
ஜோதிடர் – கணித்தவர்: ஜோதிடர் மு. திருஞானம், சீர்காழி

சனி பகவான் சுபஸ்ரீ சார்வாரி வருடம் மார்கழி மாதம் 12ம் தேதி அதிகாலை 4:49 மணியளவில் (27.12.2020) உத்ராடம் நட்சத்திரம் 2ம் பாதத்தில் தனுசு ராசியிலிருந்து மகர ராசிக்கு பெயர்ச்சியாகிறார். அங்கு 16.03.2023 வரை வீற்றிருந்து பலன்களை வழங்குவார்.

மேஷம்

சனி யார்?

ஏன் இந்த மிரட்சி அவர் பெயர்ச்சியில்...

ஸ்ரீ சிவ ஆதிபத்ய கிரகமான சூரியனின் பிள்ளை சனிபகவான். இவர் 21/2 ஆண்டுகளுக்கு ஒரு முறை பிரவேசிக்கத் தொடங்குகிறபோது, இந்த உலக மக்கள் அனைவரையும் மிக மிக சைலண்ட்டாக சலனப்படுத்தி விடுகிறார். இனம்புரியாத மிரட்சிகளுக்கு உள்ளாக்கி விடுகிறார். கிரக வீதியில் நீள்வட்டப் பாதையில், நவக்கிரகங்களுடன் சேர்ந்து இவரது சுழற்சிக் காலம் 29 ஆண்டுகள் 48 தினங்கள்தான்.

இவர் பனிரண்டு ராசிகளையும் கடந்து செல்கிற மொத்த ஆண்டுகள். இதனையே 30 ஆண்டுகள் என்று சனியின் காலத்தை வரையறுத்து வைத்துள்ளனர் ஜோதிட ஞானிகள்.

 சூரியனிடமிருந்து 1,427.6 மில்லியன் கிலோ மீட்டர் தொலைவில் உள்ள இக்கிரகம் இந்த பிரபஞ்சத்தின் மீது ஏற்படுத்துகிற தாக்கங்கள் கொஞ்சநஞ்சமல்ல. 20 துணைக்கோள்களை தன் வயதே கொண்டுள்ள இந்த கிரகம் சனியின் பிள்ளையான மாந்தி, குளிகன் என்றழைக்கப்படும் ‘டைட்டன்’ என்ற விஞ்ஞான வார்த்தையில் பிரதிபலிக்கிறது.

 காலப்புருஷ ராசிகளை மேஷ ரேகை முதல் மீன ரேகை வரை அடங்கிய பாகங்களில் இந்த சனிக்கிரகம் மகர ரேகையையும், கும்ப ரேகையையும் தனது கட்டுப்பாட்டில் வைத்துள்ளது.

கருங்கோள், நீலன் தமன், மந்தன், சனைச்சரன் என்றெல்லாம் வர்ணிக்கப்படுகிற சனிபகவான் 2017ம் ஆண்டு இறுதி முதல் தனக்கு சம நட்பு வீடான தனுசு ராசிக்குள் 35 மாதங்கள் சுழன்றுவிட்டு, இப்போது தனது ஆட்சி வீடான மகர ராசிக்குள் நுழைய இருக்கிறார்.

பொதுவாக சனிபகவான் எப்போதெல்லாம் மிதுனம், கன்னி, தனுசு, மீனம் ராசிகளான நான்கு ராசிகளுக்குள் பிரவேசிக்கிறாரோ அப்போதெல்லாம் தேவையற்ற சச்சரவுகள் இந்த உலகத்துக்கு உண்டு, ஏற்பட்டுவிடும் இது கால நியதி.

ஆக மூன்று ஆண்டுகள் தனுசு ராசிக்குள் பிரவேசித்து விட்டு இந்த உலக மக்களின் பல இடர்ப்பாடுகளையும் விரட்டுவதற்காக இந்த 2020, மார்கழி மாதம், 12ம் தேதி, (ஆங்கிலத் தேதிப்படி) டிசம்பர் 27ம் தேதி கால புருஷ ராசிக்கு 10வது வீடான, தனது ஆட்சி வீட்டுக்கு பெயர்ச்சியாக இருக்கிறார் சனி. எனவே இந்தச் சனிப்பெயர்ச்சி அனைத்து நலன்களையும் கண்டிப்பாக வழங்கும்.

தனுசு, மகரம், கும்பம் ராசியினர் 40 முதல் 46 வயதுக்குள் இருப்பின் கலங்க வேண்டாம். அருமையான யோகங்களையே வழங்கும். காரணம் 7 1/2 சனி என்று இவர்கள் பயம் கொள்வது வீணான ஒன்று.

மேஷத்துக்கு தொழில், பதவி, உத்தியோகம் மேன்மையடையும்.

ரிஷபத்துக்கு புதிய அதிர்ஷ்டம்.

மிதுனத்துக்கு அஷ்டமச்சனி அகலக்கால் திட்டம் வேண்டாம்.

கடகத்துக்கு கண்டகச்சனி, பொறுமை தேவை.

சிம்மத்துக்கு அமோகம்.

கன்னிக்கு புதிய உயர்வு திருப்பம்.

துலாமுக்கு அர்த்தாஷ்டமச் சனி உழைப்பு அதிகரிக்கும்.

விருச்சிகத்துக்கு அனைத்திலும் வெற்றி

தனுசுவுக்கு குடும்ப சந்தோஷ இரட்டிப்புகள்.

மகரத்துக்கு உடல் நல கவனம் தேவை.

கும்பத்துக்கு விரய காலம்.

இந்த சனிப்பெயர்ச்சி மாற்றங்களை தந்து மீன ராசியினரை பெரியளவில் உயர்த்தப் போகிறது.

ஏழரைச் சனி என்றால் என்ன?

ஒருவரின் சந்திர ராசிக்கு, முன் ராசியிலும், சந்திர ராசியிலும், அதற்கு அடுத்த ராசியிலும் சனீஸ்வரன் சஞ்சாரம் செய்யும் காலமே ஏழரைச் சனியாகும்!

அந்த மூன்று வீடுகளில் தலா இரண்டரை ஆண்டுகள் வீதம் மொத்தம் ஏழரை ஆண்டுகள் அவர் வந்து (அழைக்காத) விருந்தாளியாகத் தங்கிவிட்டுப் போகும் கால கட்டமே ஏழரைச்சனியாகும்.

இரண்டரை ஆண்டு கணக்கு?

அவர் வானவெளியில் எல்லா ராசிகளிலும் ஒரு சுற்று சுற்றிவரும் மொத்த காலம் 30 ஆண்டுகள். அதை ராசிக்கணக்கிற்குக் கொண்டு வர 30 ஆண்டுகள் வகுத்தல் 12 ராசிகள் = இரண்டரை ஆண்டுகள்.

எத்தனை முறை அவர் வலம் வருவார்?

80 அல்லது 90 வயதுவரை ஒருவருக்கு ஆயுள் என்றால், மூன்று முறை அவர் விருந்தின ராக வந்து தங்கிவிட்டுப்போவார்.

முதல் சுற்று: மங்கு சனி. மங்கு என்பதற்கு மங்கிப் போகுதல் என்று பொருள்

அடுத்த சுற்று: பொங்கு(ம்) சனி

மூன்றாவது சுற்று: அந்திம காலச் சனி! இவற்றுள் முதல் சுற்றுதான் மிகவும் மோசமானது!

சிலர் பிறக்கும்போதே ஏழரைச் சனியுடன் பிறப்பார்கள். குழந்தைகளின் ஜாதகம் 12 வயதுவரை வேலை செய்யாது. அவர்களுக்கு அவர்களுடைய பெற்றோர்களின் ஜாதகப்படிதான் பலன்கள். ஒரு குழந்தை அந்த வயதுக்குள் ஏழரைச் சனியின் பிடியில் அகப்பட்டால், அந்தக் குழந்தைக்கு எதுவும் தெரியாது. அதனுடைய அவதிகளைப் பெற்றோர்கள்தான் அனுபவிக்க நேரிடும்.

அதற்கு அடிக்கடி உடல் நலம் குன்றி பெற்றோர்களை அவதிப்பட வைக்கும். பனிரண்டு வயதிற்கு மேல் சனிப்பிடித்தால் குழந்தையின் கவனம் சிதறும். சரியான கவனத்தைப் படிப்பில் செலுத்தாது.

ஏழரைச் சனியின் முதல் பகுதியை (முதல் இரண்டரை ஆண்டுகளை) ‘விரையச்சனி’ என்பார்கள் கோச்சாரப்படி சந்திர ராசிக்கு அது 12ம் இடம். ஆகவே அது விரையச் சனி காலம். பணநஷ்டம், காரிய நஷ்டம், உடல் உபாதை களால் நாள் கணக்குகள் நஷ்டம் என்று நஷ்டமாகவே அக்காலம் கழியும்.

அடுத்த பகுதியை (அடுத்த இரண்டரை ஆண்டுகளை) ‘ஜென்மச் சனி’ என்பார்கள். அதாவது ராசியைக் கடந்து செல்லும் காலம். அந்தக் கால கட்டங்களில் ஏகத்துக்கும் மனப் போராட்டமாக இருக்கும். மன உளைச்சல்களாக இருக்கும்.

அடுத்த பகுதியை (அடுத்த இரண்டரை ஆண்டுகளை) ‘கழிவுச் சனி’ என்பார்கள். அந்தக் காலகட்டம், கடந்து போன ஐந்தாண்டுகளை விட தொல்லைகள் சற்று குறைந்ததாக இருக்கும். அந்த முதல் பகுதியான விரையச் சனி நடக்கும் காலத்தில் நடக்கும் திருமணங்கள் சோபிப்பதில்லை. தம்பதிகளுக்குள், பிரிவு, பிரச்னை என்று போராட்டமாக இருக்கும். இரண்டாவது சுற்றில் (அதாவது பொங்கு சனியில்) ஜாதகனைச் சனீஷ்வரன் கைதூக்கி விடுவான்.  பல கஷ்டமான அனுபவங்களைக் கொடுத்த பிறகுதான் துாக்கி உட்கார வைப்பான்.

மூன்றாவது சுற்று அந்திம காலம். ஜாதகனின் ஆயுள் முடியும் நேரம் என்றால் சனி மேலே அனுப்பி வைத்து விடுவார். ஆனால் அது எல்லாருக்கும் பொதுவானதல்ல! மூன்று சுற்றுக்களையும் கடந்து வாழ்ந்தவர்கள், வாழ்கின்றவர்களும் உண்டு!



மேஷம்

(அஸ்வினி, பரணி, கார்த்திகை 1ம் பாதம்)

மேஷம் ராசி வாசகர்களே,

இந்த 2020 டிசம்பர் 27ம் தேதிக்குப் பிறகு, தொழில் ஜீவன காரிய ஸ்தானத்துக்கு வரப்போகும் சனிபகவானால் 70 சதவீத நன்மைகளே! மேஷ ராசி அதிபதிகளான உங்களுக்கு, இதுவரை அதாவது 2014ம் ஆண்டு, அக்டோபர் மாதம் முதல் உங்கள் ராசிக்கு பாதக அதிபனும், ஜீவன தொழில் ஸ்தானாதிபதியுமான அதே நேரம் லாப அதிபதி யுமான சனிபகவான் அஷ்டமச்சனியாகவும், பாக்கியஸ்தான சனியாகவும் நின்றிருந்தார். இப்போது மார்கழி மாத 12ம் தேதி சனிக்கிழமை அதிகாலை ஆங்கில தேதிக்கு 27.12.2020 அன்று பெயர்ச்சியாகி ஜீவன ஸ்தான சனியாக வந்து அமரப்போகிறார்.

உங்கள் ராசியை பொறுத்தவரை 60 சதவீதம் முக்கியமானவர் இந்த சனி! அதோடு கடந்த நவம்பர் மாத 15ம் தேதி உங்கள் ராசிக்கு மிக யோக கிரகமான குருபகவான் பெயர்ச்சியாகி 10வது வீட்டில் வந்து அமர்ந்து விட்டார். அவர் சூரியனது சாரத்தில் இந்த சனிப்பெயர்ச்சி யின்போது நின்று கொண்டிருக்கிறார். உங்கள் ராசிக்கு எப்போதுமே குரு-சனி சேர்க்கை எந்த இடத்தில் நிகழ்ந்தாலும், இவர்கள் இருவரும் இணைந்து நிற்கிற காலம் வரை ஏகப்பட்ட விசேஷ, சவுகரிய உயர்வு, அதிர்ஷ்ட பலன்களை செய்து கொடுக்க தவற மாட்டார்கள். அதோடு ராசிக்கு 9,10க்குடைய தர்மகர்மாதிபதிகளாக இவர்கள் இருப்பதால் இந்த இரு கிரக சேர்க்கை என்பது சிறப்பு அதிர்ஷ்ட உயர்வுகளை கொடுக்கக்கூடிய ஒன்று!

அந்த வகையில் இப்போது பெயர்ச்சியாகிற சனிபகவான், குருவுடன் இணையப் போகிறார். இவர்கள் இருவரும் சேர்ந்து 4ம் இடம், 12ம் இடம், 2ம் இடம், 6ம் இடம், 7ம் இடத்தை பார்க்கப் போகிறார்கள். இந்த இடங்கள் உங்களது ராசிக்கு மிக முக்கியமான விசேஷ இடங்கள் என்பதால், இப்போது பெயர்ச்சியாகிற சனிபகவானின் மூலம் 4 ½ ஆண்டுகள் தொல்லை, தொந்தரவு, கஷ்ட நஷ்டங்கள் அனைத்தும் மிக எளிதாக விரட்டப்பட இருக்கிறது.

இதுவரை உங்களது எந்த ஒரு விஷயமும் வைத்தது விளங்காமல், தொட்டது துலங்காமல், காரண காரியமின்றி உங்களது அத்தனை சேமிப்புகளும் உங்கள் கையை விட்டு கரைந்து போயின! நம்பியவர் கைவிட்டார்! நல்லவராக நடந்துகொண்டிருந்தவர் திடீரென்று விரோதம் பாராட்டினார், உறவுகள் வீணாக வந்து உங்களிடம் கருத்து வேறுபாடுகளை ஏற்படுத்தி உங்களது மனதை சஞ்சலப்படுத்தி விட்டு சென்றன. உங்கள் மூலமே எல்லா நன்மைகளையும் அனுபவித்துக்கொண்டு, உங்களையே தேவையற்ற விமர்சனம் செய்தார்கள் சில நபர்கள். வாரிசுகளால் அநாவசிய மனசஞ்சலத்திற்கும் ஆளாகி நின்றீர்கள்.

போதாக்குறைக்கு உத்தியோக இடத்திலும் அவ்வளவு பெரிய விசேஷ அந்தஸ்துகள் கிடைக்காமல் உங்களது தகுதிக்கு குறைவான பணியில் நீடிக்க வேண்டிய கட்டாயமும் ஏற்பட்டது. அடிக்கடி வீட்டை மாற்றிக்கொள்ள வேண்டிய சூழல், வாழ்க்கைத்துணையால் எந்த ஒரு அங்கீகாரமும், சந்தோஷமும் கிடைக்காமல் ஏனோதானோவென நகர்ந்தது. இதுவெல்லாம் நீங்கள் சந்தித்த அநாவசிய மனக்கசப்புகள். ஆகவே இனி இல்லத்துக்குள் நிலவி வந்த தேவையற்ற அநாவசிய தொல்லை, தொந்தரவு, மனசஞ்சலத்திற்கெல்லாம் ஒரு வழியாக நிம்மதியான சூழல் ஏற்படப் போகிறது.

இனி எதிரி, எதிர்ப்புகளே நமக்கு இல்லை என்றபடி 6ம் இடத்தை பார்க்கப் போகிற குருவும், சனியும் சேர்ந்துக் கொண்டு செய்யப் போகிறார்கள். அத்துடன் தர்மகர்மாதி பதிகள் இணைந்து எந்த இடத்தை பார்க்கிறார்களோ, அந்த இடத்தால் மிகப்பெரிய விசேஷ லாபங்கள் மனதிருப்திகள், உயர்வுகள், சந்தோஷங்கள், எதிர்பாராதவிதமாக எளிதாக கிடைக்கக்கூடிய உன்னதமான சூழல்.

எனவே இந்த சனிப்பெயர்ச்சி ஆனப்பிறகு குருபகவான் 10ம் இடத்தில் அமர்ந்து செய்யக்கூடிய கெடுபலன்களை எல்லாம் இந்த சனிப்பெயர்ச்சி ஆன உடன் கூட்டணி வைக்கப் போகிற இந்த இரு கிரகங்களாலும் ஏகப்பட்ட திருப்பங்கள் நன்மைகரமாக நடக்கப் போகிறது.

வீடு வாங்குகிற திட்டம், கட்டடம் கட்டுகிற திட்டம், பழைய வீடு கட்டடம் வாங்குகிற யோசனை போன்றவைகள் மிகச் சிறப்பாக பலிதமாகிவிடும். வாழ்க்கைத்துணையுடன் நீடிக்கிற அத்தனை மனக்கசப்புகளுக்கும் நல்லதொரு தீர்வு ஏற்பட்டுவிடும்.

அஸ்வினியினர் கடந்த 16 மாதங்களுக்கு முன்பு தங்களது உடமைகளையோ, வீட்டையோ, சொத்தையோ இழந்திருக்கக்கூடும் அல்லது களவுக்கொடுக்க நேர்ந்திருக்கும். இந்த நிலைமையின் சங்கடமெல்லாம் ஒரு வழியாக இந்த நட்சத்திரத்தினருக்கு சனிப்பெயர்ச்சியாகி 41 தினங்கள் கடந்த பிறகு சனிபகவான் திருவோண நட்சத்திர சஞ்சாரத்திற்கு உள்ளே வந்த பிறகு ஏகப்பட்ட  திருப்பங்களை, உயர்வுகளை, சந்தோஷ லாபங்களை கூடுதலாக கொடுக்கப் போகிறார் இந்த 10ம் இட சனி!

இருந்தாலும் மேஷ ராசிக்கு சனியின் பெயர்ச்சி உடனடியாக எல்லா நன்மைகளையும் செய்து தரும் என்று நினைத்து விடக்கூடாது. ஆனாலும் எந்த பாதகமும் ஏற்பட்டுவிடாமல் நினைத்தது, நினைத்தப்படி  மெல்ல நிறைவேறிக்கொண்டுதான் இருக்கப் போகிறது. வருகிற 2021 ஏப்ரல் மாத 7ம் தேதி வரை இந்த நட்சத்திர இளம் இருபாலரும் தங்களுக்கு வேண்டப்படாதவர்களிடம் நெருக்கத்தை சற்றே குறைத்துக் கொள்வதும், நட்பிலிருந்து கொஞ்சம் விலகியிருக்க வேண்டியதும் அவசியம். தவறும்பட்சத்தில் தேவையற்ற விமர்சனத்திற்கும், அவதுாறுகளுக்கும் ஆளாக்கிவிடுவார் சனிபகவான்!

கார்த்திகை நட்சத்திரத்தாரருக்கு கடந்த 2019, நவம்பர் மாதத்திலிருந்தே அவ்வளவு நல்லபடியாக இல்லை. தொட்டது அனைத்தும் துலங்காமல் போனது.

இதற்கெல்லாம் இந்த சனிப்பெயர்ச்சி தொடங்கி வருகிற 2021, ஜனவரி 9ம் தேதி முதல் அற்புதமான யோகத் திருப்பங்கள் ஒவ்வொன்றாக நடக்கப் போகிறது.

பரணி நட்சத்திரத்தினருக்கு இந்தச் சனிப்பெயர்ச்சி தொடங்குவதற்கு முன்பே பெரியளவு விசேஷ நன்மைகள் ஏற்படாமல் இருந்தாலும், ஏதோ நினைத்தது மாதிரி சொற்ப அளவாவது ஒருவித சந்தோஷங்களையும், திருப்தி களையும், லாபங்களையும் கொடுத்துக்கொண்டுதான் வருகிறார் சூரிய சாரத்தில், தனசம்பத்து தாரையில் நிற்கிற சனிபகவான்!. வாரிசுகளாலும், இல்லத்தாராலும் நல்லபடி யான சந்தோஷங்கள் கரைபுரண்டுக் கொண்டிருக்கின்றன. இந்த நிலைமை இந்த சனிப்பெயர்ச்சிக்கு பிறகு வருகிற 63 தினங்கள் இன்னும் சற்று அதிரடியான அதிர்ஷ்ட வளர்ச்சிகளோடு இருக்கப் போகிறது.

மற்றபடி தொழில், வியாபார சம்பந்தமான நடவடிக்கை கள் நல்லபடியாக கைக்கூடப் போகிறது. இதுவரை தொழிலே இல்லாத, அமையாத அன்பர்களுக்கு புதிய தொழிலில், புதிய முதலாளியாக அமரப்போகிற அதிர்ஷ்ட காலக்கட்டம் துவங்கிவிட்டது. பணம், காசு பற்றாக்குறை விஷயங்கள் எல்லாம் கொஞ்சம் கொஞ்சமாக சரியாகப் போகிறது.

இந்த ராசி விவசாயிகளுக்கு இந்தச் சனிப்பெயர்ச்சியால் உழைப்பு கூடுகிற அளவுக்கு பெரிய அளவு லாபங்களையும், சனிபகவான் கொடுக்கப் போகிறார். அஸ்விணியினருக்கு தொடர் யோகங்களை நிலபுலன் ரீதியாகவும், லாபங்கள் வகையிலும் அள்ளிக்கொடுக்கப் போகிறார். கார்த்திகை யினருக்குத்தான் அபரிமித சந்தோஷத்தைக் கொடுக்க ஆரம்பிப்பார்.

திருமணம் அமையாத இழுபறியில் இருக்கும் இளம் பெண்களுக்குத் திருமணம் நிச்சயிக்கப்பட இருக்கிறது. புத்திர பாக்கிய கவலைக்குத் தீர்வு உண்டு. வாழ்க்கைத் துணைரீதியிலான சங்கடங்களுக்குத் தீர்வு உண்டு. கல்வி தகுதிக்கு ஏற்ற உத்தியோகம் கிட்டும்.

 தொழிலதிபர்களுக்கு  

இந்தச் சனிப்பெயர்ச்சிதான் மிகப்பெரிய உயர்வு மாற்றங்களை எண்ணற்ற வகையில் கொடுக்கப் போகிறது. அயல்தேச சம்பந்தமான தொழில் முயற்சிகளிலும், பட்ஜெட் விஷயங்களிலும் லாபகரமான திருப்பங்களை வழங்கப் போகின்றன. புதிய வி.ஐ.பி. கூட்டாளிகள் தொழில் கூட்டணிக்காக வந்து இணையப் போகிற காலக்கட்டம் துவங்கியிருக்கிறது.

மாணவ, மாணவிகள்

தங்களது கல்வி நிலைமைகளில் தனிப்பட்ட திறமையை வளர்த்துக் கொள்ளக்கூடிய யோக காலம் ஆரம்பமாகியிருக்கிறது. கல்வி ஸ்தானத்தை 9, 10க்குடையவர்கள் இணைந்து பார்ப்பதால் விருது, பரிசு, பாராட்டு, முதலிடம் போன்றவற்றிற்கு பெரிய அதிர்ஷ்ட அறிகுறிகள் உருவாகி இருக்கிற உன்னதமான உயர்வுகாலம் ஆரம்பமாகியிருக்கிறது இவர்களுக்கு.

உத்தியோகஸ்தர்கள்

பெரிய பணி, பொறுப்பு, பதவிகளில் இருப்பவர்களுக்கு மேலும் பல உயரிய பொறுப்புகள் கிடைக்கக்கூடிய உன்னத காலம் ஆரம்பமாகியிருக்கிறது.

இந்தச் சனிப்பெயர்ச்சி காலம் தொடங்கி அடுத்து வருகிற பங்குனி, ஆனி, புரட்டாசி, தை மற்றும் மாசி மாதங்கள் ஏக சந்தோஷமாக அனைத்து பொருளாதார வளர்ச்சிகளையும் மேன்மையுடன் கொடுக்கப் போகிறது. இந்த 2½ ஆண்டுக்குள் வருகிற சித்திரை மற்றும் வைகாசி, ஆடி மாதங்களில் மிகுந்த கவனத்தோடு இருக்க வேண்டுமென்று சனிபகவான் சொல்கிறார்.

இந்த 2½ ஆண்டு காலத்திற்குள் மேஷ ராசியினர் அனைவருக்கும் வருகிற பூசம், அவிட்டம், மிருகசீரிஷம், பூரட்டாதி நட்சத்திரங்கள் பெரிய அற்புத விசேஷ நன்மைகளை பணம், பொருள், ஆடை, ஆபரணச் சேர்க்கைகளை ஏற்படுத்தி தரப்போகிறது பயன்படுத்திக்கொள்ளணும்.

2021ம் ஆண்டு ஜூன், ஜூலை மாதங்களில் எதிர்பாராத பரிசு, பண, ஆபரண, வாகனச் சேர்க்கைகள் வெகு அற்புதமாக கிடைக்கப் போகிற காலக்கட்டமிது!

இந்த 2½ ஆண்டு காலத்தில் தொடர்ச்சியாக ஸ்ரீ காலபைரவரையும் தெற்கு பார்த்த ஸ்ரீ அம்பாளையும் வழிபட நினைத்தது பலிக்கும்.

ரிஷபம்

ரிஷபம்

(கார்த்திகை 2,3,4ம் பாதம்,ரோகிணி, மிருகசீரிஷம் 1,2,ம் பாதம்)

ரிஷபம் ராசி வாசகர்களே,

2014ம் ஆண்டு, நவம்பரிலிருந்து மிகப்பெரிய நெருப்பு வளையத்துக்குள் சிக்கிக் கொண்டதுமாதிரி ஏகப்பட்ட தொல்லை, தொந்தரவுகளையெல்லாம் சந்தித்திருப்பீர்கள். கடந்த கண்டகசனி மற்றும் அஷ்டமச் சனி காலமான ஐந்து ஆண்டுகளும் அதாவது 2014 இறுதி முதல் நீங்கள் சந்தித்த துயரங்களை இந்த உலகத்தில் எவருமே சந்தித்திருக்க முடியாது என்று கூட சொல்லி விடலாம்.

 ரிஷப ராசியினரே இந்தச் சனிப்பெயர்ச்சி ஆவது ஒரு புறம், மிகப்பெரிய விசேஷ உயர்வுகளை மட்டுமே உங்களுக்கென கொடுக்கப் போகிறது. எதிர்த்தவர்களை கால அவகாசம் பார்த்திருந்து முறியடித்தீர்கள். பிறரை உங்கள் வழிக்கு கொண்டு வந்தீர்கள் அல்லது அவர்களது வழியிலேயே சென்று அவர்களை முறியடித்தீர்கள், குடும்ப கலக்கத்தை உங்களது சாதுரியத்தால் அமைதி யாக்கினீர்கள்.

எந்த கஷ்டத்தையும், பொருளாதாரப் பிரச்னையையும் வெளிக்காட்டிக்கொள்ளாமல் குடும்பத்தை சந்தோஷகரமாக வைத்துக் கொண்டீர்கள். இருந்தாலும், உங்களுக்கு கடந்த காலத்தில் மிச்சப்பட்டது எல்லாம் அவதுாறும், விமர்சனமும், கெட்டவர் என்ற பெயரும்தான்! இருந்தாலும் கடந்த ஐந்து ஆண்டு கசப்புகளை 8ம் இட குரு, 8ம் இட கேது,  2ம் இட ராகு மற்றும் 7,8ம் இட சனிபகவான் கொடுத்ததையெல்லாம் இன்னும் பல காலத்துக்கு உங்களால் மறக்க முடியாதுதான் என்றாலும், இப்போது சனிபகவான் என்ன சொல்கிறார் 9ம் இடத்துக்கு அவர் வந்துவிட்டதால் என்றால் அதையெல்லாம், பழசை யெல்லாம் ஒரு வழியாக மூட்டைக்கட்டி துாக்கி ஓரமாக வைத்துவிட்டு இனி நான் கொடுக்கப் போகிற சந்தோஷங் களை மட்டும் கணக்கில் எடுத்துக்கொண்டு அனுபவிக்க தொடங்குங்கள் என்று சொல்கிறார்.

இனி அதிர்ஷ்டம் உங்களை நாடி தேடி வரும். குடும்ப ரீதியான அலைக்கழிப்புகள் எந்த வண்ணத்தில் இருந்தாலும் அதையெல்லாம் ஒரு வழியாக ஒழித்துக் கட்டிவிடலாம். குதர்க்கமான விஷயங்கள் எல்லாம் ஒரு வழியாக தீரப்போகின்றன.

வாழ்க்கைத்துணைக்கும், உங்களுக்குமான நெருக்கமும், பாசமும், அன்யோன்யமான பரஸ்பரமும் இதுவரை பழுதாகிப் போய் கிடந்ததற்கு ஒரு வழியாக நிம்மதியை, புதிய சந்தோஷத்தை ஒற்றுமையை ஏற்படுத்த வந்திருக்கிற உயர்வான பெயர்ச்சி இது! வாழ்க்கைத்துணை எதன் காரணமாகவோ பிரிந்து வாழ்ந்துக்கொண்டிருப்பதற்கு தீர்வை கொடுத்து மீண்டும் உங்களுடன் இணைத்து வைக்கப் போகிற பெயர்ச்சி இது!

இப்போது சனிபகவானும், குருபகவானும் இணைந்து பாக்கியஸ்தானமான 9ம் இடத்தில் மகர ராசிக்குள் நிற்கப் போகிற இந்த 2 ½ ஆண்டும் அற்புதமான உயர்வு திருப்பங்கள் ஏற்படப் போகிறது. பல லட்சம் ரூபாய் விரயங்களையெல்லாம் மீண்டும் வேறொரு ரூபத்தில் ஈடுகட்டி கொடுக்கப் போகிறது.

2 ¾ ஆண்டுகளாக கோர்ட், போலீஸ், பஞ்சாயத்து, வழக்கு என்று நடையாய் நடந்து கால்தேய்ந்து போனதற்கெல்லாம் இந்த சனிப்பெயர்ச்சி வலிமையான திருப்தியைக் கொடுத்து, இந்த விஷயங்களில் வெற்றியை ஏற்படுத்தி திருப்பங்களை சந்தோஷகரமாக கொடுக்கப் போகிறது. அதோடு குருவும், சனியும் இணைந்து 9ம் இடத்தில் நின்றாலும், ராசிக்குள் ராகுபகவானும், 7ம் இடத்தில் கேதுபகவானும் நின்று கொண்டு உங்களை தலைகால் புரியாத குழப்பத்திற்கு சிற்சில நேரம் ஆளாக்கி வருவதற்கு இப்போது குருவும், சனியும் இணைந்து இந்த ராகுவை பார்க்கப் போவதால், இனி ஜென்ம ராகுவால் ஏற்படுகிற அலைக்கழிப்புகள் எல்லாம் 13 மாதங்களுக்கு காணாமல் போய்விடும்.

எல்லாரையும் விட ரிஷபராசிக்குத்தான் சனிப் பெயர்ச்சியின் எதிர்பார்ப்பு அதிகமாக இருக்கிறது என்று சொல்லிவிடலாம். காரணம் அவ்வளவு தொல்லை, தொந்தரவுகளை, சங்கடங்களை, இழப்புகளை, எதிர்ப்பு களை, பிரச்னைகளை, பண ரீதியான பற்றாக்குறை யை சந்தித்துக் கொண்டிருக்கிறார்கள்.  இவர்கள் இந்தச் சனிப்பெயர்ச்சி தொடங்கியவுடன் பெரிய எதிர்பார்ப்புகளை சற்றே வருகிற 2021 மார்ச் மாத 19ம் தேதி வரை தள்ளி வைக்க வேண்டியது அவசியம்.

ஆனாலும் மார்ச் 19ம் தேதி 2021க்கு பிறகு 7 ¼ மாதங்களுக்குள் ஏகப்பட்ட உயர்வுகளையும், வளர்ச்சி களையும் நிச்சயமாக இந்த நட்சத்திரத்தினர் சந்தித்து நிச்சயமாக பெரியதொரு வளர்ச்சிப் பாதையில் பயணிக்கப் போகிறார்கள். சுப விஷயத்தில், திருமணத்தில் இருக்கிற, நீடிக்கிற தடைகள் அனைத்தும் உடைந்து ஒரு பெரிய மகிழ்ச்சி உருவாகிவிடும். வாரிசுகளையும், மனைவி, மக்களையும்  தவிக்க விட்டு விட்டு காப்பாற்ற முடியாமல் திண்டாடிக் கொண்டிருக்கிற சூழல்களுக் கெல்லாம் விமோசனம் பிறந்துவிடும். தீர்க்க முடியாத சிக்கல்கள் தானாக தீரும். உத்யோக இழப்பு சரி செய்யப்படும். பணி, பொறுப்பு, பதவிகளில் ஏற்பட்ட பாதகங்கள் விலகிவிடும்.

ரோகிணியினருக்கு நிறைய நிறைய பண சரளம் இப்போது ஏற்பட்டுக்கொண்டிருந்தாலும்,  அத்தனையும் இவர்களுடையது அல்ல என்று சொல்லலாம். பணம் வரும், போகும். ஆனால் கைகளில் நின்றிருக்காது. மற்றவர் தொகையைப் பெற்று குட்டிக்கும், வட்டிக்குமாக  செலவழிந்து கொண்டிருக்கும்.

அதனால் இப்போது 8ம் இடத்தை விட்டு, இந்த 2020 டிசம்பர் 27ம் தேதிக்கு பிறகு 9ம் இடத்தில் வந்து அமர்ந்த பிறகு எல்லா கஷ்டமும் ஒரு வழியாக தொலைய இருக்கிறது. பணத்தை, பெரிய தொகையை மிச்சப்படுத்தி கைகளில் வைத்துக்கொள்ள முடியும். இல்லப் பிரச்னைகள் அனைத்தையும் முறியடித்து, நிம்மதி பாதையை சந்திக்க முடியும். வீண் விவகார தொல்லை, விவகாரங்களில் இருந்து வெளிவரமுடியும்.

இவர்களது தொழில், வியாபாரக் கடன்களுக்கும், இழப்புகளுக்கும் லாப பற்றாக்குறைகளுக்கும் இனிமேல் தான் சுபிட்ச காலம் என்று சொல்லிவிடலாம்.         

இந்த நட்சத்திர இளம் இருபாலருக்கும் திருமணக் கனவு பூர்த்தியாகப் போகிறது. அதோடு இந்த நட்சத்திர இளைஞர்கள் மட்டும் வருகிற 2021 மே மாதத்திற்கு பிறகு சற்றே வண்டி, வாகன விஷயங்களில் கவனமாக இருக்கணும்.

மிருகசீரிஷ நட்சத்திரத்தினருக்கு சனிபகவான் பாதி நல்லவர், பாதி கெட்டவர் என்பதால், பெரிய அளவு யோகங்களை, வளர்ச்சிகளை கொடுக்கவில்லை இப்போது என்றாலும், சொற்ப அளவிலாவது பணம், காசு நிவர்த்திகளைக் கொடுத்து  2020 மார்ச் மாதத்தி லிருந்து இவர்களை திருப்தியாக்கிக் கொண்டு வருகிறார். இந்த நிலைமை இன்னும் 4 ¼ மாதங்களுக்கு ரொம்பவே  தொடரும். புதிய யோகங்கள் உண்டாகும். அதிர்ஷ்டம் கைக்கூடும், இல்ல விஸ்தீரணங்கள் நடக்கும், போட்டி எதிர்ப்பு, பொறாமை விஷயங்களிலிருந்து மீண்டு விட முடியும். வழக்கில் ¾ பங்கு வெற்றியை சந்திக்க முடியும். இந்த நட்சத்திர இளம் இருபாலருக்கும் எவ்வித தங்கு தடையுமின்றி வருகிற 2021 மார்ச் மாத 21ம் தேதிக்குள் திருமணம் நடந்தேறிவிடும்.

பெண்களுக்கும், இல்லத்தரசிகளுக்கும் 3 ½ ஆண்டு பிரச்னைகளும், மணவாழ்க்கை ரீதியான கஷ்டங்களும் தீரப் போகிறது. இல்லத்தரசிகளுக்கு ஏற்பட்டிருந்த அத்தனை உடல்நல கெடுபிடிகளும் தீரப் போகிறது. ஆபரணங்கள் அனைத்தையும் இழந்ததற்கு இந்தச் சனிப்பெயர்ச்சி புதிய உயர்வு அதிர்ஷ்ட தீர்வை கொடுத்து மீண்டும் புதிய பொன், பொருள், ஆபரணச் சேர்க்கைகளை வழங்கப் போகிறது.

இந்த ராசி பொதுவாக தொழிலதிபர்களுக்கு இனிமேல்தான் 80 சதவீத லாப செழிப்பு காலம் என்று சொல்லிவிடலாம். கூட்டுத்தொழில் பிரச்னை, லாப பங்கு பாக சிக்கல், பிற கூட்டாளிகள் விலகியிருக்கிற சூழல், புதிய கூட்டாளி வந்ததால் ஏற்பட்ட நிர்வாக சிக்கல் போன்றவற்றிற்கும் தீர்வு காத்திருக்கிறது.

விவசாயிகளுக்கு இதுவரை ஏற்பட்ட நஷ்டம், இழப்பு, சொந்த நிலத்தை பிறரது பொறுப்பில் விட வேண்டிய சூழல், பங்கு பங்காளி ரீதியாக நிலபுலனில் ஏற்பட்டிருக்கிற சிக்கல்கள் எல்லாவற்றிற்கும் விடிவுகாலம் ஏற்பட்டு விடும்.

இந்த ராசி மாணவ, மாணவிகளின் கல்வி சார்பான அத்தனை தடைகளும் மனரீதியான சந்தேகங்களும் இந்தச் சனிப்பெயர்ச்சிக்குப் பிறகு நல்லபடியாக சரியாகப் போகிறது. அதோடு உயர்க்கல்வி மற்றும் நுணுக்கக் கல்வி சார்பான விருப்பங்களுக்கு எந்த தடையுமின்றி நிறைவேறும்.

 அரசியல்வாதிகளுக்கு இதுநாள் வரை கட்சிரீதியாகவும், பொதுஜனத் தொடர்பு ரீதியாகவும் எந்த ஒரு மேன்மையும், திருப்தியும் கிடைக்காத போக்குக்கு எல்லாம் இந்த சனிப்பெயர்ச்சி தொட்டு சிறப்பு உயர்வுகள் அதிரடியாக கிடைத்து கட்சியின் மூலம் அனுகூலங்களை சந்திக்கக்கூடிய உன்னதமான பெயர்ச்சி இது!

இந்தச் சனிப்பெயர்ச்சி தொட்டு வருகிற தை, மாசி, பங்குனியும் அடுத்ததாக ஆடியும் அடுத்து வருகிற 2 ½ ஆண்டு காலத்திற்குள் இந்த மாதங்களெல்லாம் மிக சிறப்பான மேன்மைகளை எதிர்பாராத விதத்தில் கொடுக்கப் போகிறது.

இந்த 2 ½ ஆண்டில் 9ம் இட சனிக் காலத்தில் வருகிற திருவாதிரை, பூசம், மகம், உத்திரம், அனுஷம், திருவோணம் நட்சத்திர நாட்களில் எல்லாம் பணம், பொருள் சேர்க்கைகள் உபரியாக கிடைக்கப் போகிறது. இந்த 2 ½ ஆண்டு காலமும், சிவாலயத்தில் உள்ள தனி ஸ்ரீ சூரியனையும், சனிபகவானையும் தொடர்ச்சியாக வணங்கி வருவது நலம். ஸ்ரீசிவதட்சிணாமூர்த்தியை வியாழன் மற்றும் செவ்வாய்க் கிழமைகளில் வணங்குவது மிகப்பெரிய மனத்திருப்தி சந்தோஷங்களைக் கொடுக்கும்.

ஒவ்வொரு புதன் மற்றும் சனிக்கிழமைகளில் இயலாத ஏழைகளுக்கு உங்களால் இயன்ற உதவிகளையும், பொருட்களையும் தான தர்மங்களையும் செய்து வர தடையாகிக் கொண்டு வருகிற விஷயங்களெல்லாம் நல்லப்படியாக முடிந்து ஏற்றங்களை உண்டாக்கும்.

இதுவரை அனுபவித்த தர்மசங்கடமான சூழல்களிலிருந்தும், நோய் தொந்திரவு பிரச்னைகளிலிருந்தும் பலவிதமான உத்தியோக தொழில், நெருக்கடிகளிலிருந்தும் ஒரு வழியாக வெளிவந்து நிம்மதியான பாதையை அமைத்துக் கொள்ளப் போகிற அற்புதமான சூப்பர் பெயர்ச்சி இது!

மிதுனம்

மிதுனம்

(மிருகசீரிஷம் 3,4ம் பாதம்திருவாதிரைபுனர்பூசம் 1,2,3ம் பாதம்)

மிதுனம் ராசி வாசகர்களே!,

எப்போதுமே நீங்கள் முடிவு செய்துவிட்டால் அந்த கொள்கையை விட்டு, சிறிதளவும் பின் வாங்காமல் அவருக்காகவே வாழ்க்கையை அர்ப்பணிக்கக்கூடியவர்கள். சில நேரம் இந்த ராசிக்காரர்களை இந்த ராசிக்கு கெட்டவர்களான செவ்வாயும், சனியும் மிகப்பெரிய உச்சத்தில் கொண்டு போய் நிறுத்தி, மிகப்பெரிய சுகபோக சொகுசு வாழ்க்கையை அமைத்துக் கொடுத்து விடுவார்கள். தன்னுடைய பாதையை, தனக்காக தேர்ந்தெடுத்துக்கொண்ட பின் அதில் எவ்வளவு பெரிய இன்னல்கள், சங்கடங்கள், இடையூறுகள், குறுக்கீடுகள், தடைக்கற்கள் குறுக்கிட்டாலும் அதனை விட்டு சிறிதளவும் விலகாத இலக்கு ஒன்றே குறிக்கோளாக கொண்ட புதனின் முழு ஆதிக்க சக்தியை அடைந்தவர்களான நீங்கள் நல்லவருக்கு நல்லவர்! கெட்டவருக்கு கெட்டவர்! பிறருக்கு ஏணியாக நாம் இருக்க வேண்டுமென!

வாழ்நாள் முழுவதும் கோர்ட், போலீஸ் தொடர்பான சஞ்சலங்கள் இந்த ராசிக்காரர்களுக்கு சனி, செவ்வாயால் ஏற்பட்டுவிடுவதுண்டு! பொதுவாக இந்த ராசியினருக்கு இவர்கள் இருவரும் இணைந்து நிற்கிற பட்சத்தில் வாழ்வில் மறக்க முடியாத உயர்வுகள், தடாலடி அதிர்ஷ்டங்களை கொடுத்துவிடுவதுண்டு. அதே நேரம் இந்த ராசிக்கு இந்த சனி, செவ்வாய் கிரகங்கள் முழு கெட்டவர்கள்! ஒரு புறம் செவ்வாய், லாபாதிபதி என்ற முறையில் நல்லவரா கிறார், மற்றொரு புறம் சனிக்கிரகம் 9க்குடைய பாக்கியாதி பதி என்ற வகையில் யோகாதிபதியாகிறார்.

இவர்களது சொந்த ஜாதக அமைப்பு சரியாக இருக்கும் பட்சத்திலேயே வேண்டப்பட்ட உயர்வு பலன்களை எளிதாக அடையக்கூடியவர்கள். பொதுவில் பார்க்கப் போனால் மிதுன ராசியினருக்கு மட்டும் விதி சற்று கடுமையாகவே இவர்களது வாழ்வில் விளையாடும். இது ஒருபுறமிருக்கட்டும்!

இப்போது அஷ்டமச்சனி மிதுன ராசியினருக்கு தொடங்கியிருந்தாலும், இந்த ராசியின் மூன்று நட்சத்திரக் காரர்களில் இப்போது திருவாதிரைக்கு மட்டும் கொஞ்சம் சரியில்லாதபடி 2020, பிப்ரவரி மாத 2ம் தேதியிலிருந்து போய்க் கொண்டிருக்கிறது. இவர்களது நிலைமை வருகிற 2021, ஏப்ரல் மாத 3ம் தேதியிலிருந்து சிறப்பு சந்தோஷங்கள் ஏற்பட போகிறது. அடுத்து இந்த ராசியின் மிருகசீரிஷம் மற்றும் புனர்பூச நட்சத்திரத்தினருக்கு  2020 ஜனவரி 17ம் தேதியிலிருந்து சுபிட்சமான அதிர்ஷ்டங்களும், எந்த வித தொல்லைகளும் இல்லாத சூழல்களும் பெரியளவில் அஷ்டமச்சனியையும்  தாண்டி நடந்து வருகிறது. ஒரு வகையில் பார்க்கப் போனால் நடைபெறப் போகிற இந்த 2020, சனிப்பெயர்ச்சியை விட,  2018 முதல் தற்காலம் வரை இவர்களுக்கு நடைப்பெற்ற கண்டகசனி தான் மிகப்பெரிய கடுமையான சனிக்காலம் என்று சொல்லிவிடலாம். அதாவது 7ம் இட சனி! இவர்கள் என்பதால் அதாவது புதனின் நுணுக்க ராசியைக் கொண்டவர் என்பதால், இந்த 7ம் இட சனியின் தாக்குதல்களை, பிரச்னைகளை மிகப்பெரிய சச்சரவு பிரயோகங்களை சனிபகவான் சளைக்காமல் இவர்கள் மீது விட்டெறிந்த போதும் தாக்குப்பிடித்தார்கள் என்று தான் சொல்ல வேண்டும்.

இதைத்தவிர்த்து இப்போது 2020, டிசம்பர் 27ம் தேதி, சனிபகவான் கண்டக சனியை மிதுன ராசிக்கு முடிக்கிறார். ஆனால் அடுத்த துவக்கமான அஷ்டமச்சனிக் காலத்தை ஆரம்பிக்கிறார். இருந்தாலும், 2020, செப்டம்பர் மாதம் 6,12-ஆக ராகு-கேதுக்கள் வந்து அமர்ந்து ஓரளவு இவர்களது வாழ்வில் சிற்சில திருப்பங்களை கொடுத்துக் கொண்டு வருகின்றன.

மிதுன ராசியினருக்கு பொதுவாக இந்த சனியும், குருவும் ஒரு வகையில் கெட்டவர்கள்! ஒரு பக்கம் மாரக, பாதக அதிபதியாக குருவும், மற்றொரு பக்கம் 8ம் இடத்து அதிபதியாக சனிபகவானும் வரக்கூடிய சூழலால் இவர்களது வாழ்வில் சில நேரம் சூறாவளியை வீச செய்து விடுவார்கள். ஆக இவர்களது ராசிக்கு சனி, குரு மறைகிற போதெல்லாம் மிகப்பெரிய நற்பலன்களை வழங்கக்கூடிய பக்குவத்திற்கு ஆளாகி விடுவார்கள். அடுத்ததாக 9,10க்குடையவர்களாகவும் இந்த குரு, சனி கிரகங்கள் இருப்பதால் தர்மகர்மாதிபதி யோகத்தினை வழங்கக்கூடிய நிலைமைக்கு ஆளாகி விடுகிறார்கள். அந்த வகையில் இப்போது 8ம் இடத்தில் குரு, சனி சேர்க்கை நிகழ்ந்திருக்கிறது. அதனால் மிகப் பெரிய கஷ்டங்கள் சனிபகவானால் ஏற்பட இருந்தது விலகிவிட்டது என்றே சொல்லிவிடலாம்.

அடுத்ததாக இடையிடையே மிதுன ராசியினருக்கு தேவையற்ற தொல்லைகள் நீடித்தாலும், அதிரடியான உயர்வுகளும் ஒரு பக்கம் நடக்கக்கூடிய யோகமான சூழலே! எனவே எதை நினைத்தும் இவர்கள் பெரிய அளவில் கலங்க வேண்டாம் என்றே சொல்ல வேண்டும். காரணம் கெட்ட கிரகம் கெட்ட இடத்தில் வந்து அமர்ந்து விட்டது. ஆனாலும் அவசர குணம் கூடாது. உடல்நல ஆரோக்கிய கவனத்தையும் வைத்துக்கொள்ள வேண்டும். தேவைக்கு மட்டுமே பணம், கைகளுக்கு வரும். சில நேரங்களில் பெரியதாக கடன்பட நேரிடும். பெரிய தொகையாக கடன் கிடைக்கும். ஆனால் சொன்னபடி அந்த கடனை தீர்க்க முடியாமல் போகலாம். வருமானமின்றி கடன்களின் உயர்வு ஒரு புறம் ஏற்பட்டுக்கொண்டே இருக்க, அதனை கேது கிரகம் முடிக்க வைத்து மீண்டும் புதிய பெரிய கடனாக ஏற்படுத்தப் போவதும் நடக்க இருக்கிற காலக்கட்டம் ஆரம்பித்திருக்கிறது. அதனால் சர்வ கவனம் நிச்சயம்!

ஆகவே! இந்தச் சனிப்பெயர்ச்சி காலம்  முழுவதும் ஏற்படுகிற இடர்ப்பாடுகளை 15 மாதங்களுக்கு 12ம் இட ராகுவும், 6ம் இட கேதுவும்தான் சரிசெய்து உங்களை காப்பாற்றப் போகிறார்கள். எனவே தாம்துாம் நடவடிக்கை களை குறைக்க வேண்டியது அவசியம்.

குடும்பத்துக்குள்ளும் தேவையற்ற கூச்சல் குழப்பங்கள் இடையிடையே ஏற்படுவதற்கான சாத்தியக்கூறுகள் இருக்கும். வாரிசுகள் உங்களது கட்டளைகளை மீறலாம். வாழ்க்கைத்துணை அவரது போக்குக்கு செயல்படலாம். உங்களது ஆலோசனைகளை கேட்க மறுக்கலாம். இருப்பினும் பெரிய வகை சந்தோஷங்களும் இடையிடையே ஏற்படும். திடீர் பொருளாதாரம் கிடைக்கும். கிடைக்க வேண்டிய சொத்துக்கள் சார்பான இடம், மனைக்கு பதிலாக பணமாக சனிபகவான் கைகளில் கொடுத்து, அதனை கரைப்பதற்கு துாண்டுவார்.

உத்தியோக இடத்தில் சக ஊழியர் உங்களது குறைகளையே பூதக்கண்ணாடி வைத்து தேடிக்கொண்டி ருப்பார். எப்போது நீங்கள் அசறுவீர்கள் என்று அவர் விழித்துக்கொண்டிருப்பார். அடுத்ததாக தொழில், வியாபார, நிர்வாக வகைகளில் எல்லாம் உங்களது திட்டத்தை மீறி கசக்கல்கள் உண்டு. உழைப்பு அதிகரிப்பு உண்டு. லாபம் இல்லாத இடத்திற்கு வேகமாக ஓட வேண்டியிருக்கும். லாபம் கிடைக்கக்கூடிய இடத்திற்கு அலட்சியமாக சென்று காரிய பலிதத்தை இழக்க வேண்டியிருக்கும் பார்த்துக் கொள்ளுங்கள்.   

உங்களது ஜனன சுய ஜாதகத்தில் சனிபகவான் விருச்சிகத்திலோ, மேஷத்திலோ, சிம்மத்திலோ, மீனத்திலோ அமர்ந்திருப்பின், இந்த மேலே சொல்லப்பட்ட அத்தனை கெடுபிடி பலன்களை யெல்லாம் தாண்டி ஏகபோகமான சுபிட்சமான சந்தோஷங்களை மட்டுமே கண்டிப்பாக அனுபவிக்கலாம். அடுத்து உத்தியோக பதவி, பணி, பொறுப்பு விஷயங்களையெல்லாம் சர்வ கவனத்துடன் பார்க்க வேண்டும். உத்தியோக நிர்வாக இடத்தில் பணம் சம்பந்தப்பட்ட துறையில் இந்த ராசியினர் செயல்படுகிற பட்சத்தில் மிகுந்த விழிப்போடு இருக்க வேண்டியது அவசியம்.

சுபகாரிய திருமண சம்பந்தமான முயற்சிகள் வருகிற தமிழ் வருடமான பிலவ ஆண்டு துவங்கிய பிறகு வரக்கூடிய சித்திரை மாதம் 12ம் தேதிக்கு பிறகே நல்லபடியான வெற்றி நிவர்த்தியைக் கொடுக்கப் போகிறது. இந்த ராசி கர்ப்பிணிகள் மிகுந்த கவனமாக தங்களது உடல்நலனை பார்த்துக்கொள்ள வேண்டும். 

இந்த ராசி இளம் பெண்களான அனைத்து நட்சத்திரத்தினரும் தங்களது குடும்பத்தை மீறிய செயல்பாடுகளில் அறவே இறங்கி விடக்கூடாது. இளைஞர்கள் இரவு நேர பயணங்களில் விழிப்பாக இருக்கணும் என்று 8ம் இட சனிபகவானும், குருவும் சேர்ந்து அறிவுறுத்துகிறார்கள்.

இந்த ராசியினருக்கு எதிர்பாராத 2 ,3 பெரிய தொகைகள் அதிர்ஷ்டமுடன் வருகிற 2021, நவம்பருக்குள் தடாலடியாக கிடைக்கப் போகிறது. கடன் பெற்று சொத்து வாங்குவதற்கான சூழல் இருக்கிறது.

இந்த ராசி திருவாதிரை நட்சத்திரத்தினர் மட்டும் சனிப்பெயர்ச்சி தொட்டு 2020, மார்ச் மாத 27ம் தேதி வரை சற்றே கவனமாக இருக்கணும்.

பெண்களுக்கும், இல்லத்தரசிகளுக்கும் இந்தப் பெயர்ச்சி நல்லதொரு அதிர்ஷ்டமான உன்னதப் பெயர்ச்சி தான் என்றாலும், அக்கம் பக்கத்தாரிடமும், சக பாலினத்தவர்களிடமும் கவனமாக பேச்சுவார்த்தை பழக்கவழக்கம் வைத்துக்கொள்ளணும்.

தொழிலதிபர்கள் தங்களது தொழில் சார்ந்த அனைத்து வட்டத்திலும், சர்வ நிதானமாக செயல்பட்டால்தான் விரயம் இல்லாத லாபத்தை அடையக்கூடிய காலக்கட்டம் துவக்கமாகியிருக்கிறது. அடுத்து அயலுார், அயல்தேச, அயல்மாநில சம்பந்தமான பட்ஜெட், நிர்வாகம், பெரிய முதலீடு, பிற நபர் கூட்டணி போன்றவைகளில் கொஞ்சம் விழிப்புடன் இருக்கவும்.

விவசாயிகள் குறிப்பாக இப்போது மிருகசீரிஷம் மற்றும் புனர்பூசத்தாருக்கு ஏகப்பட்ட விசேஷ நற்பலன்கள் நடந்து கொண்டிருக்கின்றன.

 மாணவ - மாணவிகள் கல்வியில் அதிக விருப்பத்தைக் காட்டாமல் நடைபோடுவார்கள். அதே நேரம் மிருகசீரிஷம் மற்றும் புனர்பூசத்தார் மட்டும் கல்வியில் விடாப்பிடியான சிரத்தைக் கொண்டு தாங்களை யாரென்று நிரூபிக்கப் போகிற பெயர்ச்சி காலம்தான் இது!

அரசியல்வாதிகள் இந்த காலக்கட்டத்தை சற்றே யோசிக்க வேண்டும். பதவிக்காரகனான சனிபகவான் இப்போது ஆட்சி வீட்டில் இருந்தாலும், 8ம் இடத்தில் நின்றிருப்பதால் திடீரென்று வெற்றி நழுவுவதோ, சக கட்சியினராலேயே அவதுாறுகள் ஏற்படுவதோ நடக்கக்கூடும். ஆக யோசிக்கணும்.

இந்த 2 ½ ஆண்டு காலத்திற்குள் அஷ்டமச்சனியிலும், வருகிற பூசம், பூரம், உத்திரம், சுவாதி, விசாகம், கேட்டை, மூலம் மற்றும் அவிட்டம் நட்சத்திரம் வருகிற தினங்களெல்லாம் ஏகப்பட்ட சுபயோக அதிர்ஷ்ட பலன்களும், பொன், பொருள், ஆபரண வாகன சேர்க்கைகளும் நிகழக்கூடிய யோகம் உண்டு.

வருகிற 2 ½ ஆண்டும், மாதம் ஒரு முறையோ, ஆறு மாதத்திற்கு ஒரு முறையோ திருநள்ளாறு சென்று வருவது அவசியம். ஒவ்வொரு சனிக்கிழமையும் ஸ்ரீசிவபெருமானை காலை வேளையில் அர்ச்சனை செய்து வழிபட்டுக் கொண்டிருக்க அனைத்தும் சந்தோஷத்தையும் தரும்.

கடகம்

கடகம்

(புனர்பூசம் 4ம் பாதம், பூசம், ஆயில்யம்)

கடகம் ராசி வாசகர்களே!

இந்த ராசிக்குள் சனிபகவானின் நட்சத்திரமான பூச நட்சத்திரம் மட்டும் இல்லையெனில் இந்த ராசிக்காரர்களின் திறனே வேறு! இருப்பினும் எப்படி பார்த்தாலும், இந்த ராசியினர் ஒரு மகா ஞானியே என்று சொல்லிவிடலாம்.

 தெரிந்தோ, தெரியாமலோ ஏன் தான் கடவுள் உங்கள் ராசிக்குள் சனியின் நட்சத்திரத்தையும், புதனின் நட்சத்திரத்தையும், குருவின் நட்சத்திரத்தையும் வைத்தாரோ தெரியவில்லை. இந்த மூன்று நட்சத்திரங்களும், சந்திர கிரகத்தின் ஆளுமை ஆட்சி வீடான கடகத்துக்குள் இருப்பதால்தான் ஒருபக்கம் போராட்டம், மறுபக்கம் பெரியதொரு அந்தஸ்து, இன்னொரு பக்கம் எவராலும் புத்தியால் ஈடுகொடுக்க முடியாத சாதுரிய நுணுக்கங்கள் என்றபடி உங்களை ஒரு  முக்கோண வளையத்துக்குள் சிக்க வைத்து, எந்த ஒரு விஷயமுமே இந்த உலகத்தில் ஒழுங்காக, உருப்படியாக நீங்கள் விருப்பப்படுவது மாதிரி எதுவுமே அமையாமல் உங்களை உரலுக்குள் சிக்கிய கூழாங்கல்லாக போட்டு ஆட்டிப்படைத்து விடுகிறது!

ஆக! இவர்களது ராசி இந்த சனிப்பெயர்ச்சியால் பரிகார ராசி என்ற நிலைக்கு தள்ளப்படுகிறது. என்றாலும், பரிகாரம் ஒன்றும் அவ்வளவாக தேவைப்படாது. தேவைப்பட வேண்டிய அவசியமும் கிடையாது என்று தான் இந்த சனிப்பெயர்ச்சியின் மூலம் கடகராசியினருக்கு சொல்ல வேண்டியிருக்கிறது. எவரோ வருகிறார், எதையோ கொடுக்கிறார், எப்படியோ இவர்களது நிர்வாகமும், தொழிலும், குடும்பமும், குடும்பத்தைச் சார்ந்தவர்களும் நல்லபடியாக ஏதோ அமைதியாக ஓட்டிக்கொண்டிருக்கிறார்கள் என்று தான் சொல்லவேண்டும்.

இருந்தாலும் 2018 முதல் இந்த 2020 முடியும் வரை 6ம் இடத்தில் சனிக்கே உரித்தான ஸ்தானத்தில் குருபகவானின் வீட்டில் சனிபகவான் அமர்ந்து செய்ய வேண்டிய நன்மைகளுக்கு பதிலாக அடாவடியான அநாவசியப் பிரச்னைகளையே உண்டாக்கினார். காரணம் சாயாகிரகமான கேதுவோடு இணைந்த கோளாறால் இவர் 6ம் இடத்தில் நின்றிருந்த போதும், அவரால் அதிர்ஷ்டப் பலன்களை செய்ய முடியாமல் சிக்கிக்கொண்டார். இந்த நிலைமையில் குருபகவான் இவருடன் சேர்ந்த பிறகு 6ம் இட பலன்களான சுபிட்ச அதிர்ஷ்ட பலன்களை ஏதோ கொஞ்சம் கொடுத்தார். ஆனாலும் மத்திமமாகத்தான் வைத்திருந்தார். குடும்பத்திற்குள்ளும் அமைதியை சற்றே குறைத்தார். ஒவ்வொரு வீடாக மாறிக்கொண்டே இருப்பதற்கு வாடகை வீட்டை மாற்றினார். சொந்த வீட்டை பூட்டிப் போட வைத்தார். தொழிலை முடக்கினார், வியாபாரத்தை ஸ்தம்பிக்கச் செய்தார், இதுவெல்லாம் கடந்த கால சோதனைகள்!

ஆக இனிமேல் 2020, டிசம்பர் 27ம் தேதிக்கு பிறகு கண்டக சனியாக வந்து மகர ராசியில் அமர்ந்து, ராசியைப் பார்க்கப் போகிறார் சனிபகவான். இதனால் 30சதவீதம் மட்டும் கடக ராசியினருக்கு ஒரு வித குறை ஏற்படுமே தவிர, பெரியளவு சோதனைகளோ, தொல்லைகளோ, இழுபறிகளோ ஏற்படாது. இந்த 30 சதவீதமும், மனைவியின் ஆரோக்கியத்தில் கொஞ்சம் கெடுபிடிகளை சனிபகவான் ஏற்படுத்தியே தீருவார்! இதற்காக கலங்கிவிடக்கூடாது. இந்த சனிப்பெயர்ச்சியால் 6,8ம் இடத்து அதிபதிகள் சேர்க்கையும், நீசபங்க ராஜயோகமும் நிகழப்போவதால் நினைத்ததைத் தாண்டி, யோகமான விசேஷ நற்பலன்கள் கண்டிப்பாக காத்திருக்கிறது. இதுவரை நல்லது செய்கிற மாதிரி அனைத்தையும் அமுக்கி வைத்துக்கொண்டு எந்த ஒரு நிவர்த்தியையும், கொடுக்காமல் 2 ¾ ஆண்டினை கடத்தி விட்ட சனிபகவான், இந்த 7ம் இடத்துக்கு வந்து அமரும்போது மிகப்பெரிய யோகப் பலன்களையும் கொடுத்தே தீர வேண்டும் என்பது கட்டாய விதி!

அதோடு “பாவிகள் கேந்திரத்தோனாகின் தீயப் பலனை கொடான்” என்பது ஜோதிட சுருதி அந்த வகையில் 8ம் இடத்து அதிபதியுமான இவர் வலிமையான சப்தம கேந்திரத்தில் அமரப் போவது சிறப்பே! பூர்வ புண்ணிய ஸ்தானமான 5ம் இடத்தில் கேது கிரகம் உச்சமாக நின்றுக் கொண்டு, அப்பிரதட்சணப் பார்வையாக சனியையும், குருவையும் பார்த்துக் கொண்டிருக்கப் போவதால், சனிபகவானால் ஏற்படக்கூடிய கெடுதல் பலன்கள் தங்கு தடைகள், அநாவசிய இடையூறுகள் போன்றவற்றையெல்லாம் நீங்களே ஆச்சரியப்படும்விதத்தில் தடையாக்கி விடுவார்.

விபரீத ராஜயோக சேர்க்கை ஏற்படப்போவதாலும், அடுத்து வருகிற செவ்வாய்க்கிரகத்தின் நகர்ச்சி இந்த சனிப்பெயர்ச்சி தொட்டு,  4 ½ மாதங்களுக்கு யோககர மாகவும் இருக்கப் போவதால், அடுத்தடுத்து உங்களது எல்லா முயற்சிகளும், திட்டங்களும் பலிதமாகிவிட இருக்கிறது. அதே நேரம் 7ம் இட சனி, அவரது போக்கில் செய்யக்கூடிய பலன்கள் என்னவெனில் கண்மண் தெரியாத விரயங்களை திடீரென்று ஏற்படுத்தி விடுவார்! கடக ராசியினரின் சொந்த ஜனன ஜாதகத்தில், மகர ராசியில் சுக்கிர கிரகம் அமர்ந்திருப்பின் பொருளாதார வகையில் இனிமேல் சர்வ ஜாக்கிரதையாக இருக்க வேண்டும். பிறருக்கு ஜாமீன் கூடாது! அவசரப்பட்டு எந்த ஒரு காரியத்திலும் இறங்கிவிடக்கூடாது.

இருந்தாலும் குருவோடு சேர்ந்து நிற்கப் போவதால் அதாவது 13 மாதங்கள் இவரது சேர்க்கை நிகழ்ந்து கொண்டிருக்க போவதால் எவ்விதத்திலும் பெரிய வித தொல்லைக்கோ, பாதகத்துக்கோ ஆளாகி விட மாட்டீர்கள் என்றும் சொல்ல வேண்டியுள்ளது.

மேலும் சனிப்பெயர்ச்சி ஆனது தொட்டு 11 தினம் கழித்து சனிபகவான் அஸ்தமன நிலைமைக்குச் சென்று 26 தினங்கள் சூரியனின் பிடியில் இருக்கப் போவதால் இந்த காலக்கட்டத்தில் உயர்வு பலன்கள் மேன்மையாக உண்டு. தொழில், வியாபாரம், நிர்வாகம், பட்ஜெட், முதலீடு போன்ற விஷயங்களில் கண்ணும் கருத்துமாக நீங்கள் செயல்பட்டுக்கொண்டிருந்தால் விரயங்களையோ, இழப்புகளையோ சந்திக்காமல் காலத்தை நகர்த்தி விட முடியும். உத்தியோகம், பதவி, பணி, பொறுப்பு விஷயங்களி லெல்லாம் மெல்ல சில உயர்வு மாற்றங்கள் எதிர்பாராத தருணத்தில் நடந்து முடியும்.

இந்த ராசி பூச நட்சத்திரக்காரர்களுக்கு சனிபகவான் சூரிய சாரத்தில் அதாவது உத்திராட நட்சத்திரத்தில் அனுஜென்ம நட்சத்திர தாரையில் சஞ்சார கதியில் இருக்கிறார். ஆகவேதான் இவர்களுக்கு எல்லா விதத்திலும் ஒரு வித கிலேசம், தடை, தாமதம், பற்றாக்குறை, வேண்டாத விரோதம், குடும்பத்துக்குள் சலசலப்பு என்று நடந்துக்கொண்டிருக்கிறது. இந்த நிலைமை வருகிற 2021, மார்ச் மாத 8ம் தேதியிலிருந்து தலைகீழாக மாறி புதிய அதிர்ஷ்டங்களை கொடுக்கபோகிறார். ஆயில்யத்தினருக்கு 2020, ஜூலை முதல் மென்மையாகவே நடந்து வருகிறது. இந்த நிலைமை சனிப்பெயர்ச்சி தொட்டு 93 தினங்களுக்கு மிக மிக அருமையாகவே மேலும் பல அதிர்ஷ்ட சந்தோஷங்களுடன் நகரும். அதன்பிறகு இவர்கள்  6 ½ மாதங்கள் எல்லா விஷயத்திலும் சர்வ கவனமாக நடைபோடணும். புனர்பூச நட்சத்திரத்தினர் இப்போது அனுபவித்து வருகிற யோக பலன்களை வெகு துாக்கலாக வருகிற தமிழ் புது வருடமான பிலவ வருட, ஆனி மாதம் வரை நல்லபடியான உயர்வுகளை மேலும் மேலும் அடையப் போகிறார்கள். அதன்பிறகு அதாவது வருகிற தமிழ் வருட ஆடி தொட்டு மார்கழி மாதம் வரை எல்லாவற்றிலும் கவனமாகத்தான் செயல்பட்டாக வேண்டும். பொதுவாக கடக ராசியினரின்  கடன், கண்ணி, வம்பு தும்பு, வழக்கு, கோர்ட், போலீஸ், பஞ்சாயத்து, சொத்துபத்து ரீதியான சங்கடங்கள் எல்லாவற்றையும் 11ம் இட ராகுவும், 5ம் இட கேதுவும் சனிபகவானை மீறி நல்ல விதத்தில் நிவர்த்தி செய்து கொடுத்து விடுவார்கள்.

இந்த ராசி பூச நட்சத்திர இளம் பெண்களுக்கு 30 வயது முதல் 33 வயது கடந்தும் திருமண சுப விஷயங்கள் நடக்காமல் இருக்கிற பட்சத்தில் வருகிற பிலவ வருட, பங்குனி மாத 16ம் தேதிக்குள் திடீர் வரன் கிடைத்து விடும். புதிய வித சொத்துபத்து வாங்குகிற முயற்சியிலும் வீடு, மனை, கட்டடம் சம்பந்தமான விஷயங்களிலும் கடக ராசியினருக்கு வருகிற சித்திரை மாதம் முதல் நினைத்த மாதிரி சந்தோஷங்கள், உயர்வுகள் உண்டு.

பெண்மணிகளுக்கும்,இல்லத்தரசிகளுக்கும் இதுவரை எந்த விதமான வாழ்க்கை சுகபோகமும், செழிப்பு சந்தோஷமும் அமையாதிருக்கிற பட்சத்தில், இந்தச் சனிப்பெயர்ச்சிக்கு பிறகு 7 மாதங்களுக்குள் அருமையான திருப்பங்களையும், உயர்வுகளையும், மகிழ்ச்சிகளையும் நல்லவிதமாக அடைவார்கள்.

தொழிலதிபர்கள் தங்களது அயலுார், அயல் மாநில, அயல் தேச தொழில் பட்ஜெட், வியாபார, கூட்டணி திட்டங்களை 2021, ஏப்ரல் மாத 17ம் தேதிக்கு பிறகு தொடங்கிக் கொள்வதே உத்தமம்!

விவசாயிகள் குறிப்பாக பூச நட்சத்திரத்தினர் வருகிற 2021, மார்ச் மாத 4ம் தேதிக்கு பிறகு ஏகப்பட்ட திருப்பங்களை உற்பத்திரீதியாகவும், தங்களது சொந்த நிலபுலன் சார்பாக நீடித்து வருகிற கடன், கண்ணி, வழக்கு சமாச்சாரங்கள் ரீதியாகவும் அருமையான நிம்மதி அதிர்ஷ்டத்துக்கு இடமுண்டு.

மாணவ – மாணவிகள் தங்களது கல்வி சார்பான நினைப்புகளையும், உயர்வுகளையும், திருப்திகளையும் வருகிற 2021, மார்ச் மாத 11ம் தேதியிலிருந்து புதிய ரூபத்தில் சந்தோஷங்களை அனுபவிக்கப் போகிறார்கள்.

அரசியல்வாதிகள் இதுவரை கட்சி சார்பாகவும், கட்சி மேலிட தலைமை ரீதியாகவும் சின்ன சின்ன சந்தோஷங்களாகவும், பதவி உயர்வுகளாகவும் அனுபவித்து வந்ததற்கு இந்த சனிப்பெயர்ச்சி தொட்டு 210 நாட்களுக்குள் திடீரென்று எதிர்பார்க்காத உயர்வுகளையும், பதவிகளையும் அடையக்கூடிய பாக்கியம் உண்டு!

பொதுவாக கடக ராசியினர் அனைவருக்குமே இந்தச் சனிப்பெயர்ச்சி தொட்டு வருகிற 2½ ஆண்டுகளுக்குள் வருகிற தமிழ் மாதங்களான தை, சித்திரை, வைகாசி, புரட்டாசி மாதங்கள் அனைத்தும் வெகு சந்தோஷ உயர்வு மேன்மை அதிர்ஷ்டங்களையும், புதிய வளர்ச்சிகளையும், சுபகாரிய திருமண, புத்திர பாக்கிய யோகங்களையும் நல்லவிதமாக கொடுக்கப் போகிறது.  இந்தச் சனிப்பெயர்ச்சி தொட்டு வருகிற ஆடியும், ஆவணியும் மற்றும் கார்த்திகை, பங்குனி, ஆனி மாதங்களிளெல்லாம் எல்லா விஷயத்திலும் முழு விழிப்பு தேவை!

இந்தச் சனிப் பெயர்ச்சியிலிருந்து வருகிற ஆயில்யம், பூரம், அஸ்தம், கேட்டை, மூலம், திருவோணம் மற்றும் சதயம், அஸ்விணி நட்சத்திர நாட்களிலெல்லாம் ஏகப்பட்ட சந்தோஷ உயர்வுகள், பொருளாதார சரளங்கள் வெகு அருமையாக உயரப்போகிறது.

அடுத்து வருகிற 2½ ஆண்டும் தொடர்ச்சியாக பிரதி திங்கள்தோறும் சோமாவார விரதத்தையும், பிரதோஷ வழிபாட்டையும் வைத்துக்கொண்டு ஸ்ரீசிவபெருமானுக்கு வில்வமும், விபூதியும் தந்து வழிபட்டுக்கொண்டிருப்பது மிக மிக அவசியம்! நவக்கிரக வலம் தொடர்ச்சியாக 11 தினம் செய்து கொண்டிருப்பது விசேஷ நலன்களை அளிக்கக்கூடிய பெயர்ச்சியாக இந்த சனிப்பெயர்ச்சி வந்திருக்கிறது.

சிம்மம்

சிம்மம்

(மகம், பூரம், உத்திரம் 1ம் பாதம்)

சிம்மம் ராசி வாசகர்களே!

இந்த 2020 டிசம்பர் இறுதி முதல் வெகு ஜோராக நீங்கள் திட்டமிட்டிருப்பதையெல்லாம் தாண்டி, வெகு அற்புதமான யோக, சவுபாக்ய, அதிர்ஷ்டங்களை பல ரூபத்திலும் உங்களுக்கென வழங்கி, எல்லா வகையிலும் ஏற்றத்தைக் கொடுக்க வந்திருக்கிற அற்புதமான பெயர்ச்சி இது.

குறிப்பாக சொல்லப் போனால் நீங்கள் சந்தித்த துயரங்களை, அடுக்குவதற்கு உங்களது வீட்டிலேயே இடம் போதாது என்றுதான் சொல்ல வேண்டும். காரணம் அவ்வளவு துன்ப, துயரங்களை எல்லை யில்லாமல் அனுபவித்து முடித்து இருக்கிறீர்கள். நல்லது செய்யப் போய், உங்கள் பெயரை பழுதாக்கிக் கொண்ட கதையும், எவருக்கோ உபகாரமாக நிற்கப் போய், அதுவே உங்களுக்கு பாதகமாக முடிந்த கதையும் ஒரு புத்தகமாகவே எழுதி முடித்துவிடலாம்.

இனி, சனி கிரகம் உங்கள் ராசிக்கென வெகு அட்டகாசமாக வந்து, மகர ராசியின் ஆட்சி வீட்டுக்குள்ளே அமரப்போகிறது. இதற்கு முன்னதாக கடந்த நவம்பர் 2020, 15ம் தேதி குருபகவான் 6ம் இடத்தில் மறைந்து, நீச நிலைமையில் நின்றுக் கொண்டிருக்கிறார். இவரோடு ராசிக்கு 6ம் இடத்து அதிபதியான சனி வந்து இணைவது விபரீத ராஜயோக அமைப்பு! காரணம் 6க்குடைய சனியும், 8க்குடைய குருவும் இணைந்து நீசபங்க ராஜயோகத்தோடு ருண ரிண ரோக சத்ரு ஸ்தானத்தில் வந்து அமரப்போவது மிகப் பெரிய சாதகமான விசேஷ உயர்வுகளை கொடுக்கக்கூடிய பெயர்ச்சி இது!.

கடன்களுக்கு முற்றுப்புள்ளி உண்டாகப் போகிறது. கணக்கு வழக்கில்லா இடர்பாடுகளுக்கெல்லாம் புதிய ரூபத்தில் தீர்வு கிடைக்கப் போகிறது. பல ஏற்பாடுகள் செய்தும், முயற்சிகள் செய்தும் முடிவுக்கு வராத, உங்களது அவசியமான காரியங்கள் அனைத்தும் சட்டென்று இனிமேற் தொட்டு பெரியளவு அதிர்ஷ்ட மேன்மைகளை கொடுக்கப் போகிறது.

அதே நேரம் இவர் பெயர்ச்சியாவதற்கு முன்பே இந்த ராசியில் பூரம் நட்சத்திரக்காரர்களை மட்டும் கடந்த 2020, மே மாதத்திலிருந்து சனிபகவான் நல்லபடியாக கவனித்துக் கொண்டு வருகிறார். நினைத்ததை சாதிக்க வைக்கிறார் இவர்களுக்கு! இவர் இப்போது இந்த நட்சத்திரக்காரர்களுக்கு 2வது நட்சத்திரமான சூரியனின் நட்சத்திரத்தில் சஞ்சார கதியில் இந்த பெயர்ச்சியின்போதும் இருப்பதும், தன தாரையில் சனிபகவான் சஞ்சரித்து க்கொண்டிருப்பது 5ம் இட சனியின்போதே அள்ளிக் கொடுத்து கொண்டுதான் இருக்கிறார் இவர்களுக்கு! தேவை, அத்தியாவசிய, இத்யாதி, கடமைகள் உபாி யாகவே பூர்த்தியாகிக் கொண்டிருக்கின்றன.

இல்லத்துக்குள் சுபகாரிய சந்தோஷங்களும், திருமண வைபவங்களும், பூரம் நட்சத்திரக்காரர்களின் இல்லத்தில் விமரிசையாகவே நடந்து முடிந்திருக்கிறது. அத்துடன் இனிமேலும் இந்தப் பெயர்ச்சி தொட்டு நான்கு மாத காலம்வரை அதாவது வருகிற 2021, ஏப்ரல் மாதம் முடியும் வரை இவர்களை கைகளால் பிடிக்க முடியாதபடி பல ரூப அதிர்ஷ்டங்களை சந்தித்து மேன்மையடைவார்கள். அடுத்ததாக இந்த ராசியின் மகம் நட்சத்திரக்காரர்களும், உத்திரம் நட்சத்திரக்காரர்களும் படு திண்டாட்டத்தை சனிபகவான் 5ல் அமர்ந்திருந்த போதும் அடைந்து கொண்டுதான் இருக்கிறார்கள். காரணம் சனிபகவான் விபத்து தாரையில் சுழல்வதால் இவர்களுக்கு ஆரோக்கிய வகையிலும், மருந்து மாத்திரை சம்பந்தமாகவும், மற்றபிற சம்பந்தமில்லாத பிரச்னைகள் வழியிலும் ஏகப்பட்ட குளறுபடிகளை சந்தித்துக் கொண்டிருக்கி றார்கள்.

இனிமேல் வருகிற 2021, மார்ச் மாத 5ம் தேதியிலிருந்து இந்த   நட்சத்திரக்காரர்களுக்கு ஏகப்பட்ட சுபிட்ச, அதிர்ஷ்ட சுப சவுகரிய உயர்வு பலன்களை அடுக்கடுக்காக கொடுத்துப் பார்க்கப் போகிறார்கள். அதோடு எவ்வளவு இழப்பும், நஷ்டமும் எது சார்பாக ஏற்பட்டிருந்தாலும் இனிமேல் ஒவ்வொன்றாக ஈடுகட்டப்படயிருக்கிறது.

குடும்பத்துக்குள் நிலவி வந்த அநாவசிய கருத்து சச்சரவுகளுக்கெல்லாம் முற்றுப்புள்ளி ஏற்பட இருக்கிறது. குதர்க்கமான விஷயங்கள் அனைத்தும் முடிவுக்கு வரப் போகின்றன. தீர்க்க முடியாத சிக்கல்களுக்கெல்லாம் விடிவு கிடைக்கும். திடீர் பொருளாதார வளர்ச்சி ஏற்படும். ஆரோக்கிய ரீதியான சச்சரவுகளுக்கெல்லாம் ஒரு வழியாக முடிவு ஏற்பட்டு மருந்து மாத்திரை விரயங்களும், சிகிச்சை சம்பந்தமான பயமும் ஒட்டுமொத்தமாக தீர்ந்து விலகிவிடும்.

உறவுகளால் எந்த மாதிரியான குழப்பமும், சச்சரவும் நீடிக்கிறதோ அதற்கெல்லாம் தீர்வு ஏற்பட்டு ஒற்றுமை அதிகரிக்கும். அனைத்து முயற்சிகளுக்கும் கால நேரம் ஒழுங்காக ஒத்துழைக்கப் போகிறது.ஆசைப்பட்டதை எளிதாக அடைய முடியும். வீடு சம்பந்தமான, கட்டட சம்பந்தமான விருத்தி நினைப்புகளுக்கும் சாதகம் ஏற்படப் போகிறது. புதிய மனை, கட்டடம் வாங்குவதற்கான அதிர்ஷ்டங்கள் கைக்கூடப் போகின்றது. அத்துடன் வாரிசுகள் சம்பந்தமான எந்த ரூப கவலையாக இருந்தாலும், வருகிற 2021, பிப்ரவரி மாத 18ம் தேதிக்கு பிறகு நல்லபடியாக தீரும்.

கடன், கண்ணி விவகாரங்கள் எது ரூபமாக இருந்தாலும் அதற்கெல்லாம் சந்தோஷ தீர்வுகள் கிடைக்கக்கூடிய காலக்கட்டமிது! பொதுவாக சிம்ம ராசியினருக்கு பங்குபாக ரீதியாக பூர்வீக சொத்துக்கள் வகையில் பாட்டனார், முப்பாட்டனார் வழி ஆஸ்திகள் கிடைக்க வேண்டியிருப்பின் அது கடந்த 2020, நவம்பர் மாதத்திலிருந்தே சாதக முகாந்திரங்களுக்கு திரும்பிக்கொண்டிருக்கும்.

திருமண வாழ்க்கை ரீதியாக ஏதேனும் சச்சரவுகள், தொல்லைகள், விவாகரத்து விவகாரங்கள் அனைத்துக்கும் தீர்வு கிடைத்து புதிய ஒற்றுமை, அன்யோன்யம், பரஸ்பரம் அதிகரிக்கப் போகிறது. அத்துடன் ஏற்கனவே விவாகரத்தாகி மறுமண எதிர்பார்ப்பில் உள்ளவர்களுக்கு விருப்பப்படுவது மாதிரி திருமண வரன் அமைகிற காலக்கட்டம் உதயமாகி இருக்கிறது. இனிமேல் 9 மாதங்கள் வரை திட்டமிடாத விஷயங்களில்தான் சிம்மராசி யினருக்கு பெரியவித யோகங்களும், அதிர்ஷ்டங்களும், பணப்பரிமாற்றங்களும், பெரிய தொகை வரவுகளும் கிடைக்கப் போகிறது. பொன், பொருள், ஆபரணச்சேர்க்கைகள் உபரியாக சேருகிற காலக்கட்டம் இந்த காலக்கட்டமே! சேமிப்பு தானாக, எளிதாக உங்களை மீறி ஏற்பட்டுக் கொண்டிருக்கப் போகிறது.

மகம் நட்சத்திரக்காரர்களுக்கு வருகிற 2021, மார்ச் மாத 13ம் தேதியிலிருந்து மிகப் பெரிய சவுகரியங்களை 6ம் இட சனி உருவாக்கப் போகிறார். வீடு இருப்பிட கோளாறுகளை தீர்த்து வைக்கப் போகிறார். உறவுகள் மத்தியில் பலமாக, கவுரவமாக வலம் வர வைக்கப் போகிறார்.

பெண்களுக்கும், இல்லத்தரசிகளுக்கும் சுபயோக சுப காலம் யோககரமாக தொடங்கியிருக்கிறது. அத்துடன் வேண்டப்பட்ட விஷயங்கள், கடவுளிடம் வைத்த பிரார்த்தனைகள் நிறைவேறப் போகிறது. மேலும் இல்லத்துக்குள் வசதி வாய்ப்பு, சவுகரியங்கள் தங்களது வசதிக்கேற்றவாறு மாறப் போகிறது. அத்துடன் புத்திரபாக்கிய ஏக்கத்தில் உள்ள பெண்மணிகளுக்கு குரு – சனி சேர்க்கையால் திடீர் அதிர்ஷ்ட செய்தியை மருத்துவர் சொல்லப் போகிறார்.

மாணவ -– மாணவிகள் இனிமேல் எந்த வித கல்வி, அசவுகரியத்தையும் சந்திக்க மாட்டார்கள். நினைத்த கல்வி வருகிற கல்வியாண்டில் கண்டிப்பாக அமையும்.

தொழிலதிபர்கள் இதுநாள் வரை சந்தித்து வரும் பெரிய பட்ஜெட் ரீதியான இழப்புகளுக்கும், விரயங்களுக்கும் ஈடுகட்டப்படுகிற லாப வரவுகள் மிகப்பெரிய அளவில் காத்துள்ளன. அயல்தேச தொழில், பட்ஜெட் கூட்டணி விவகாரங்களை வருகிற தமிழ் மாதமான மாசி வரை ஒத்தி வைப்பது நலம்.

விவசாயிகள் குறிப்பாக சனிப்பெயர்ச்சியானதிலிருந்து பூர நட்சத்திரத்தினர் 8 மாதங்களுக்குள் அதிரடியான சிறப்பு வளர்ச்சிகளை தங்களது உற்பத்தி, நிலபுலன் சார்ந்த வகைகளில் அடையப் போகிறார்கள். வருகிற 2021, ஏப்ரல் மாத 10-ம் தேதிக்கு பிறகு மகம் மற்றும் உத்திர நட்சத்திர விவசாயிகள் தாங்கள் எதிர்பார்த்ததைத் தாண்டி பெரியளவு உற்பத்தி லாபங்களையும், புதிய நிலபுலன் சேர்க்கைகளும் உண்டு.

இந்த ராசி அரசியல்வாதிகளுக்கு தங்களது வழக்குகளிலிருந்தும், பொது ஜன பிரச்னை களிலிருந்தும் லாவகமாக வெளிவந்து சாதித்துக் கொள்ள இருக்கிறார்கள். 2021, தேர்தல் இவர்களுக்கு படு சாதக உயர்வுகளை, வெற்றிகளை, பெரும்பான் மைகளை வழங்கக்கூடிய உன்னதமான பெயர்ச்சி இது!

பொதுவாக இந்த ராசியினர் அனைவருக்கும் இந்த சனிப்பெயர்ச்சி தொட்டு அடுத்து வருகிற 2½ ஆண்டுகளுக்குள் வரும் தமிழ் மாதங்களான தை, சித்திரை, வைகாசி, ஆனி, ஐப்பசி மாதங்கள் பலவித உயர்வு, சந்தோஷ மேன்மைகளை கண்டிப்பாக கொடுக்கும். அதோடு மாசி, பங்குனி மற்றும் ஆவணி, புரட்டாசி மாதங்கள் சற்றே சோதனையான மாதங்கள்தான். வருகிற தமிழ் வருடமான புது பிலவ வருடம் சிம்மராசியினருக்கு பெரியதொரு சந்தோஷ உயர்வுகளையும் கொடுக்கப் போகிறது. அடுத்ததாக இனி வரும் 2 ½ ஆண்டு காலத்துக்குள் வருகிற உத்திரம், அஸ்தம், சுவாதி, அனுஷம், கேட்டை, பூராடம், திருவோணம், ரேவதி மற்றும் ரோகிணி நட்சத்திர தினங்களிலெல்லாம் உயர்வு அதிர்ஷ்டங்களை இந்த 6ம் இட சனிபகவான் பெரியளவு கொடுக்கப் போகிறார்.

இந்தச் சனிப்பெயர்ச்சி முதல் தொடர்ச்சியாக உங்களது குலதெய்வத்தை பிரதி செவ்வாய்தோறும் சென்று வழிபட்டுக்கொண்டிருக்க, நவக்கிரக ராகு-கேதுக்களுக்கு பிரதி பரிகாரம் செய்து கொண்டிருக்க, திங்கட்கிழமை தோறும் ஸ்ரீஅம்பாள் வழிபாடு செய்துக்கொண்டிருக்க நினைத்தது அனைத்தையும் வெகு துாக்கலான அதிர்ஷ்டத்தோடு நிறைவேற்றி வைப்பார் 6ம் இட சனி!

கன்னி

கன்னி

(உத்திரம் 2,3,4ம் பாதம்அஸ்தம்சித்திரை 1,2ம் பாதம்)

கன்னி ராசி வாச­கர்­களே!

சொல், செயல், வாக்­கு­க­ளி­லெல்­லாம் அதி­சா­துார்­யம் படைத்த மகா புத­னின் ஆதிக்க ராசி­யை­யும், புத­னின் ஆட்சி உச்ச வீட்­டை­யும், சொந்த வீடாக கொண்ட கன்னி ராசிக்­கா­ரர்­க­ளான நீங்­கள் எப்­பொ­ழு­துமே பார்த்­ததை பார்த்த மாத்­தி­ரத்­தில் யூகித்து அதன்­படி தனது செய­லுக்கு கொண்டு வந்து விடு­வீர்­கள்.

 கல்வி ஞானம் மிகப்­பெ­ரிய அள­வில் வாய்த்­து­வி­டும். அப்­படி இல்­லா­வி­டில், உல­கி­யல் ஞானம் அதைத்­தாண்டி உங்­க­ளி­டம் பிர­கா­சிக்­கும்.

அப்­ப­டிப்­பட்ட உங்­க­ளுக்கு சனி­ப­க­வான் 2018ம் ஆண்டு ஆரம்­பம் முதல் மிகப்­பெ­ரிய அல்­லல்­க­ளுக்­கும், தொல்­லை­க­ளுக்­கும், இடை­யூ­று­க­ளுக்­கும், வீணான அவஸ்­தை­க­ளுக்­கும், கண்­மண் தெரி­யா­மல் ஆளாக்கி உங்­க­ளைப் போட்டு அமுக்கி வைத்­தி­ருந்­தார்.

கண்­ணைக் கட்டி காட்­டில் விட்­ட­து­போல, எது­வுமே உங்­க­ளது மூளைக்கு புரி­யா­த­படி வைத்­தார். குடும்­பத்தை சரி­யாக கவ­னிக்க முடி­யா­த­படி ஆட்­டிப்­ப­டைத்­தார். இன்­றைய பொழுது சுக­மாக விடி­யும் என்று நினைத்து உறங்­கச் செல்­லும்­போது விடிந்­தால், உங்­களை எழுந்து ஒழுங்­காக அன்­றாட பணி­க­ளைக் கூட செம்­மை­யாக செய்­ய­மு­டி­யா­த­படி தடுத்­தார், கால­நே­ரத்­துக்கு சாப்­பிட முடி­யா­மல் கசக்­கி­னார், உணவு இருந்­தும் அதனை ருசிக்க முடி­யா­த­படி ஆற வைத்­தார், ஆறாத சஞ்­ச­லங்­களை வடு­வாக மன­துக்­குள் மாற்­றி­னார், உற­வு­கள் உங்­களை பார்த்து மதிக்­கா­மல் செய்ய வைத்­தார். அப்­பப்பா! இது­வரை எவ்­வ­ளவு பெரிய துய­ரங்­களை தாங்­கி­னீர்­கள் என்­பது அதனை கொடுத்த சனி­ப­க­வா­னுக்கே வெளிச்­சம்! போதாக்­கு­றைக்கு 3 ஆண்­டு­க­ளாக ராகு-­கே­து­வும், குரு­வும் சரி­யில்­லாத சஞ்­சார கதி­யால், உர­லுக்­குள் மாட்­டிக்­கொண்ட எலி­யின் தலை­யாக உங்­க­ளது நிலைமை படு அபத்­த­மாக பல­வித இன்­னல்­க­ளை­யும், சந்­தித்து இப்­போ­து­தான் நல்ல மூச்சை விட ஆரம்­பித்­தி­ருக்­கி­றீர்­கள் என்று சொல்லி விட­லாம்.

எனவே இப்­போது அர்த்­தாஷ்­ட­மச்­சனி விலகி, 5ம் இட யோக சனி­யாக தன்­னு­டைய ஆட்சி வீட்­டில் வந்து அம­ரப்­போ­கி­றார். 2020, டிசம்­பர் 27ம் தேதி முதல்! எனவே இது­மு­தற்­கொண்டு உங்­க­ளது யோக அதிர்ஷ்ட திருப்­தி­கள் களைக்­கட்­டப்­போ­கி­றது. அதோடு 12 ராசி­க­ளில் முதல் தர யோக அதிர்ஷ்­டத்­தில், 2வது இடத்­தைப் பிடிக்­கப் போகிற மகா பாக்­கி­ய­வான்­கள் யாரெ­னில் கன்­னி­ரா­சிக்­கா­ரர்­களே!

இத­னால் சனிப்­பெ­யர்ச்சி ஆனப்­பி­றகு கொஞ்­சம் லேசாக தடு­மாற்­ற­மும், தாம­த­மும் இருக்­குமே தவிர மற்ற பிற தொல்­லை­கள், தொந்­த­ர­வு­கள் உங்­களை நெருங்­காத வண்­ணம் வெற்றி, வீர, ஜெய பராக்­கி­ரம ஸ்தானத்­தில் நின்­றி­ருக்­கிற கேது கிர­கம் பார்த்­துக்­கொள்­ளும், புதிய வெற்­றி­களை வழங்­கும், அச­காய சந்­தோ­ஷங்­களை கொடுக்­கும். நினைத்­ததை நினைத்­தப்­படி நிறை­வேற்றி வைக்­கும். அடுத்­த­தாக சனி­ப­க­வான் மாற்­றத்­தைத் தாண்டி, குரு­ப­க­வான் 5ம் இடத்­தில் ஏற்­க­னவே சென்று அமர்ந்­தி­ருக்­கிற நிலை­யால் எண்­ணற்ற மன­கு­துா­க­லங்­க­ளும், சந்­தோ­ஷங்­க­ளும், அதிர்ஷ்­டங்­க­ளும் உங்­க­ளுக்கு தானாக ஏற்­பட ஆரம்­பித்­து­விட்­டது.

இதை விட வரு­கிற 2023க்கு பிறகு இன்­னும் பல செழிப்­பு­க­ளை­யும், உயர்­வு­க­ளை­யும் சனி­ப­க­வான் கொடுக்க இருப்­பது நிச்­ச­யம்! அதற்­கான ஆயத்த அஸ்­தி­வா­ரங்­க­ளைத்­தான் இந்த 5ம் இட சனி­ப­க­வான் தன்­னு­டைய பெயர்ச்­சிக்கு பிறகு மகர ராசிக்­குள் அமர்ந்து ஆரம்­பித்து வைக்­கப் போகி­றார். அதோடு இந்த ராசி உத்­திர நட்­சத்­தி­ரத்­தி­னர் 2020, மார்ச் மாத 9ம் தேதி­யி­லி­ருந்து ஏகப்­பட்ட பிணக்­கு­களை குடும்ப ரீதி­யா­க­வும் தங்­க­ளது தேவை, கடமை, அத்­தி­யா­வ­சிய ரீதி­யா­க­வும், ஆரோக்­கிய வகை­யி­லும் மாபெ­ரும் சங்­க­ட­மாக அனு­ப­வித்­துக் கொண்­டி­ருக்­கி­றார்­கள். இவர்­க­ளுக்கு இவர் பெயர்ச்­சி­யான பிறகு உட­ன­டி­யாக எந்த ஒரு மேன்மை பல­னை­யும், சற்றே கொடுக்க முடி­யா­த­படி சுழ­லப்­போ­கி­றார். ஆகவே இந்த நட்­சத்­தி­ரத்­தி­னர் வரு­கிற 2021, பிப்­ர­வரி 16ம் தேதி வரை சற்றே எதி­லும் நிதான நட­வ­டிக்­கை­யோடு செயல்­பட வேண்­டும்.

அஸ்த நட்­சத்­தி­ரத்­தா­ருக்கு சனி­ப­க­வான் இப்­போதே பரம மைத்ர தாரை­யான ஞான­வாக்­கிய சஞ்­சா­ரத்­தில் சுழன்­றுக்­கொண்­டி­ருக்­கி­றார். ஆகவே இவர்­கள் இவ­ரால் 60 சத­வீத நன்­மை­க­ளை­யும், சந்­தோ­ஷங்­க­ளை­யும் இடை­யி­டையே சந்­தித்­துக் கொண்­டு­தான் இருக்­கி­றார்­கள்.

சித்­திரை நட்­சத்­தி­ரத்­தி­ன­ருக்கு ஷேம அதிர்ஷ்ட தாரை­யில் இப்­போது சனி­ப­க­வான் அர்த்­தாஷ்­ட­மச் சனி­யாக சஞ்­ச­ரித்து வரு­கிற நிலை­மை­யி­லும், எண்­ணற்ற சுப­யோக சுப பலன்­க­ளைத்­தான் கொடுத்­துக்­கொண்டு வரு­கி­றார். இந்த நிலைமை டிசம்­பர் 2020, 27ம் தேதிக்கு பிறகு மாறி, இன்­னும் பல கொடுப்­பி­னை­களை கண்­மண் தெரி­யா­மல் வாரி வழங்­கப் போகி­றார் சனி!.

ஆக!  முத­லில் உத்­திர நட்­சத்­தி­ரத்­தி­ன­ருக்கு சனிப் பெயர்ச்சி ஆனது தொட்டு, 2 ¼ மாதத்­துக்கு பிறகு சுபிட்ச யோக உயர்வு பலன்­க­ளும், 

அஸ்த நட்­சத்தி ரத்­தி­ன­ருக்கு 2 ¼ மாதத்­துக்கு பிறகு சிற்­சில பின்­ன­டைவு பலன்­க­ளும், சித்­திரை நட்­சத்­தி­ரத்­தி­ன­ருக்கு இந்த 2 ¼ மாதம் கழித்து இன்­னும் பல உயர்வு மேன்­மை­க­ளை­யும் அடுக்­க­டுக்­காக கொடுத்து பார்க்­கப் போகிற அதி  உன்­னத பெயர்ச்சி இது!

வீட்டை சரி­செய்ய, கட்­டட விருத்­தியை ஏற்­ப­டுத்த, புதிய மனை, சொத்து கட்­ட­டம் வாங்க, இல்­லத்தை விஸ்­தீ­ர­ண­மாக்க, எடுத்து வரு­கிற நட­வ­டிக்­கை­கள் எல்­லாம் 85 சத­வீத வெற்றி அதிர்ஷ்­டத்­தைக் கொடுக்­கப் போகிற சனிப்­பெ­யர்ச்சி இது!

கன்­னி­ரா­சிக்கு புத்தி ஸ்தான சனி­யா­க­வும், நீச குரு­வோ­டும் இணைந்தி ருக்­கிற இந்­தப் பெயர்ச்சி சனி­ப­க­வான் மூளையை சற்றே இடை­யி­டையே கொஞ்­சம் குழப்­ப­வும் செய்­வார். சில நேரம், சில  விஷ­யங்­களை பிடி­ப­டா­மல் செய்­வார். கண்ணை கட்­டு­வார், நன்­றாக உள்­ள­தைக் கெட்­ட­தாக காட்­டு­வார், கெட்­ட­தாக உள்­ளதை நல்­ல­தாக உணர்த்­து­வார், நல்­ல­வர் யார்?, கெட்­ட­வர் யார்? என்­பதை யூகிக்க முடி­யா­மல் செய்ய வைப்­பார், பார்த்­துக்­கொள்­ள­ணும்!.

இருந்­தா­லும், உங்­க­ளது ராசி­நா­த­னுக்கு மிக வேண்­டப்­பட்ட நட்பு கிர­கம் என்­ப­தால் தவ­று­க­ளின்­போது லேசாக தட்டி, அதனை சுட்­டிக்­காட்டி உணர்த்­து­வார். பெரிய இடைஞ்­சல், தொல்­லை­களை ஏற்­ப­டுத்­த­மாட்­டார்.

மேலும் மிகப்­பெ­ரிய திருப்­பங்­களை உண்­டாக்­கக்­கூ­டிய கிரக சஞ்­சா­ர­மும், கிரக சேர்க்­கை­யும் கன்­னி­ரா­சிக்கு ஏற்­பட்­டி­ருப்­ப­தால் இது­வரை பட்ட அடி­க­ளி­லி­ருந்­தும், துய­ரங்­க­ளி­லி­ருந்­தும், இழப்­பு­க­ளி­லி­ருந்­தும் வெளி­வர வைக்­கப் போகிற உன்­ன­த­மான பெயர்ச்சி! குல­தெய்வ பிரார்த்­தனை நிறை­வேற்­றத்தை உண்­டாக்­கும்.

பிள்ளை களுக்­கான சுப சடங்கு விஷ­யங்­க­ளை­யும் காது­குத்து, சீமந்­தம் போன்ற விஷ­யங்­க­ளும் இல்­லத்­துக்­குள் களே­ப­ர­மாக நடக்­கும். இந்த ராசி வயது கடந்­துக் கொண்­டி­ருக்­கும் இளம் இரு­பா­ல­ருக்­கும் திரு­மண நிறை­வேற்­றம், சுப­மான வரன், அதிர்ஷ்­ட­க­ர­மான வாழ்க்­கைத்­துணை என்று அமை­யப் போகிற காலக்­கட்­டம் உரு­வா­கி­யி­ருக்­கி­றது! 

அத்­து­டன் சனி­ப­க­வான் பெயர்ச்­சி­யா­ன­தி­லி­ருந்து 8 ½ மாதத்­துக்­குள் அதிர்ஷ்ட புத்­திர பாக்­கி­யம் கண்­டிப்­பாக நிச்­ச­யம்.

பெண்மணிகளுக்கு இனிமேல்தான் யோக சுபிட்ச காலம் ஆரம்பம்! இல்லத்தரசிகள் தங்களது இல்லத்துக்குள்  சந்தோஷப்பலன்களையும், வாழ்க்கைத்துணையால் உயர்வு மகிழ்ச்சிகளையும் ஏகபோகமாக சந்திக்கப் போகிறார்கள்.மணவாழ்க்கை ரீதியாக சந்தித்து வருகிற அனைத்து வித சச்சரவுகளும் முடிவுக்கு வரப் போகிறது.

விவசாயிகளுக்கு குறிப்பாக சித்திரை நட்சத்திரத்தினருக்கு உற்பத்திப் பெருக்கமும், நிலபுலன்களால் ஆதாயமும், புதிய நிலபுலன் சேர்க்கையும், பாட்டனார், முப்பாட்டனார் வகை சொத்து-பத்து ஆஸ்தி நிலங்களும் சேர்க்கையாகி பெரு மகிழ்ச்சியைக் கொடுக்கப் போகிற பெயர்ச்சி இது!

தொழிலதிபர்களுக்கு புதிய மேன்மைகளும், வளர்ச்சிகளும், ஏகபோகமாக காத்துள்ளது. பழைய தொழிலை விட்டு வெளிவரப் போகிறார்கள். புதிய தொழில் யோசனைக்கான முகாந்திரங்கள் நிறைய உருவாக இருக்கிறது. அயல்தேச தொழில் தொடக்கத்திற்கான திட்டங்கள் பெரியளவில் தங்களுக்கு தெரிந்த வி.ஐ.பி.களால் சிபாரிசுகள் கைக்கூடப் போகின்றன.

மாணவ -– மாணவிகளுக்கு தாய்வழி உறவுகளால் கல்விக்கான செலவு, உபகரணங்கள் அனைத்தும் மேன்மையாக கிடைக்கும். இனிமேல் கல்வி ரீதியான எந்த ஒரு தடையையும் சந்திக்கப் போவதில்லை.

அரசியல்வாதிகள் தங்களது நிலைமையை இன்னும் சற்றே உயர்த்திக் கொள்ளப் போகிறார்கள். இவர்கள் சுய ஜாதக தெசா புத்தியின் அடிப்படையில் சனிபகவான் சிம்மத்திலோ, விருச்சிகத்திலோ அல்லது மீனத்திலோ அமர்ந்திருப்பின் உயர்ப்பதவிக்கும், கட்சி ரீதியான, கட்சி தலைமை மேலிட ரீதியான சகாய அனுகூலங்களும் வரக்கூடிய சமயம் வாய்த்திருக்கிறது.

கன்னி ராசியினர் அனைவருக்கும் அடுத்து வருகிற 2 ½ ஆண்டுகாலக்கட்டத்திற்குள் வருகிற தமிழ் மாதங்களான தை, மாசி, வைகாசி, ஆனி, ஆடி மற்றும் கார்த்திகை மாதங்கள் வெகு விஷேசமாக இருக்கப் போகிறது. அதோடு இந்த 2 ½ ஆண்டு காலத்திற்குள் வருகிற ஐப்பசி, பங்குனி, மார்கழி, ஆவணி மாதங்கள் சர்வ கவனமாக நடைபோடணும்.

சனிப்பெயர்ச்சி நிகழ்ந்தவுடன் வருகிற 19 தினங்கள் இந்த ராசியினர் அனைவருமே புதிய விஷயங்களில் ஈடுபடாமலும், பெரிய பட்ஜெட், நிர்வாக விஷயங்களிலும் மூக்கை நுழைக்காமலும் இருக்க வேண்டியது அவசியம்.

இந்த ராசியினர் அனைவருக்குமே இந்த 2 ½ ஆண்டு காலக்கட்டத்திற்குள் வருகிற சுவாதி, பூரம், பூராடம், திருவோணம், அனுஷம், உத்திரட்டாதி மற்றும் திருவாதிரை நட்சத்திர தினங்கள் வெகு அற்புதமான சுபிட்ச உயர்வுகளையும் தரும்.

இந்த 2 ½ ஆண்டு காலமும் நவக்கிரக ஸ்ரீசுக்கிரனையும், சந்திர கிரகத்தையும் தொடர்ச்சியாக வழிபட்டு, சிவாலய ஸ்ரீ அம்பாளுக்கு பிரதி திங்கள்தோறும் இயன்ற அளவு அபிஷேக ஆராதனைகள் செய்து வழிபட்டுக்கொண்டிருக்க மிகப்பெரிய மாற்றங்களும், சுபிட்சங்களும் தானாக உருவாகும்.

துலாம்

துலாம்

(சித்திரை 3ம் பாதம்ஸ்வாதிவிசாகம் 1,2,3ம் பாதம்)

துலாம் ராசி வாச­கர்­களே!

இந்த ராசி­யி­ன­ருக்கு சனி­ப­க­வா­னைப் போல் எவ­ருமே அதா­வது மற்ற எந்த கிர­கங்­க­ளுமே பெரி­ய­ள­வில் கொடுத்து விட முடி­யாது என்­ப­தால், இறை­வ­னும், கிர­கங்­க­ளும் உங்­க­ளது ராசி­யான துலா­முக்கு தராசு சின்­ன­மான துலாக்­கோ­லைக் கொடுத்­தது போலவே, எதி­லும் நேர்­மை­யும், பரோ­ப­கா­ர­மும் கொஞ்­சம்­கூட தன்­னு­டைய நியா­யத்­தி­லி­ருந்து நழு­வாத குணத்­தை­யும் கொடுத்து, நேர்­மை­யின் பிடி­யி­லேயே உங்­களை வாழ வைத்­துக் கொண்­டி­ருக்­கி­றார்­கள்.

கார­ணம் இந்த ராசிக்கு மிக முக்­கிய கிர­கங்­க­ளான புத­னும், சனி­யும் யோகா­தி­ப­தி­க­ளாக வரு­வ­தால் இயற்கை யாகவே இவர்­க­ளுக்கு தந்­தை­யால், தாயால் மிகப் பெரிய சொத்­து­பத்து நிரந்­த­ரங்­க­ளை­யும், ஏழு தலை­முறை களுக்கு உண்­டான செல்­வச்­செ­ழிப்­பி­னை­யும் இவர்­க­ளது இள­வ­ய­தி­லேயே மாபெ­ரும் கொடுப்­பி­னை­யாக கொடுத்து

இயற்­கை­யாக இந்த ராசி­யி­ன­ருக்கு சனி­ப­க­வான் மக­ரத்­திலோ, மேஷத்­திலோ, கட­கத்­திலோ, துலாம் ராசி­யிலோ ஜனன ஜாத­கப் பிர­கா­ரம் அமர்ந்­து­விட்­டா­ரெ­னில், இவர்­க­ளது வாழ்வு மிகப்­பெ­ரிய அசைக்க முடி­யாத செல்­வச்­செ­ழிப்­புக்­கும், உயர்ப்­ப­த­விக்­கும், அர­சி­யல் பத­விக்­கும், அரசு சார்ந்த உத்­தி­யோக பத­விக்­கும், ஆளாக்கி தங்­கத்­தட்­டில் பாற்­சோறு சாப்­பி­டும் அள­விற்கு ஆளாக்கி விடக்­கூ­டி­ய­வர். என்­றா­லும், மூன்று ஆண்­டு­க­ளாக குரு­ப­க­வான், தன்­னு­டைய சுப­வீடு சஞ்­சா­ரங்­களை மாற்­றிக் கொண்டே இருந்­தார். ஆனா­லும் குரு­ப­க­வான் இவர்­க­ளுக்கு கெட்­ட­வர் என்­ப­தால், அவ­ரைப் பற்றி இவர்­க­ளுக்­கான யோகப் பலன்­களை கொடுப்­பார் என்­பது நிச்­ச­யம் இல்லை.

‘கெட்­ட­வன் கெட்­டி­டில் கிட்­டி­டும் ராஜ­யோ­கம்’ என்­ற­படி குரு­வா­லும், சனி­யா­லும் மிகப்­பெ­ரிய சந்­தோஷ உயர்­வு­கள் இந்த அர்த்­தாஷ்­ட­மச்­ச­னி­யி­லும் கிடைக்­கப் போகி­றது. இப்­போது 2020, டிசம்­பர் 27ம் தேதி, சனி­ப­க­வான் தனது சுபஸ்­தான சஞ்­சார கதியை விட்டு நகர்ந்து 4ம் இட­மான மக­ரத்­தில் அமர்ந்து அர்த்­தாஷ்­ட­மச்­ச­னி­யாக 2 ½ ஆண்டு காலத்தை நகர்த்­தப் போகி­றார். இது­வரை 3ம் இடத்­தில் அமர்ந்­தி­ருந்த சனி வாரி­சு­க­ளின் கவ­லை­களை போக்க வைத்­தார். அவர்­க­ளுக்­கான எதிர்­கால விஷ­யங்­களை பூர்த்தி செய்ய வைத்­தார். கல்­யா­ணம் காட்­சி­களை நடத்­திக் கொடுத்­தார். வாடகை வீட்­டி­லி­ருந்து குடிப்­பெ­யர்ந்து சொந்த வீட்­டிற்கு அதி­ப­தி­யாக்­கி­னார். இடி­பா­டு­க­ளு­டன் பாழாய் கிடந்த உங்­க­ளது மனை, கட்­ட­டத்தை சீர்த்­தி­ருத்தி வெளிச்­ச­மாக்­கி­னார். ஆரோக்­கிய பயத்­தை­யும், ஆயுள் சம்­பந்­த­மான பீதி­யைப் போக்­கி­னார். பல­வித பொரு­ளா­தார சிக்­கல்­க­ளை­யும் ஒழுங்­காக்கி உருப்­ப­டி­யான சந்­தோ­ஷத்­தைக் கொடுத்­தார். ஊதிய சம்­பந்­தக் கோளா­று­களை விலக்கி நிவர்த்­தி­யான சரள ஊதிய சம்­ப­ளங்­களை வழங்­கச் செய்­தார். உத்­தி­யோக இடத்­தில் எந்­த­வி­த­மான பிணக்­கும் இல்­லா­மல் சக ஊழி­யர்­க­ளு­டன் ஒற்­று­மையை அதி­க­ரித்து நிம்­ம­தி­யாக பணியை பார்க்க வைத்­தார்.  சேமிப்­பு­களை உயர்த்­தி­னார்.

அதே நேரம் இந்­த­ரா­சி­யி­னர் சில­ருக்கு தேவை­யற்ற சச்­ச­ர­வு­க­ளை­யும், வழக்­கு­க­ளை­யும், வாரிசு ரீதி­யான கவ­லை­க­ளை­யும், பங்கு பாக பிரச்­னை­க­ளை­யும் உண்­டாக்கி இருப்­பார். அதா­வது 2018, செப்­டம்­ப­ருக்கு பிறகு. கார­ணம் சனி­ப­க­வா­னு­டன், ராகு-­கேது தொடர்பு ஏற்­பட்­டதே! எதிர்­பா­ராத விர­யங்­களை சந்­தித்­தி­ருக்­க­லாம், ஆசைப்­பட்­டது நிறை­வே­றா­மல் போயி­ருக்­க­லாம்.

சில விஷ­யங்­க­ளில் குதர்க்­க­மான நடை­மு­றை­கள் நிகழ்ந்தி ருக்­க­லாம். அதே நேரம் சித்­திரை மற்­றும் விசாக நட்­சத்­தி­ரத்­தா­ருக்கு சில வகை ஏற்­றங்­க­ளும், மாற்­றங்­க­ளும், உயர்­வு­க­ளும், அதிர்ஷ்­டங்­க­ளும் எண்­ணற்ற வகை­யில் இப்­போது வரை கிடைத்­துக்­கொண்டு தான் இருக்­கும். கார­ணம் சுப ஆதி­பத்­திய பல­னில். சனி­யின் சஞ்­சார நிலைமை ஓடிக்­கொண்­டி­ருப்­பதே! அடுத்து குறிப்­பாக 2020ம் ஆண்டு, ஜன­வரி 16ம் தேதி­யி­லி­ருந்து சுவாதி நட்­சத்­தி­ரத்­தி­ன­ருக்கு கொஞ்­சம் கெடு­பி­டி­யா­க­வும், விர­யங்­க­ளா­க­வும், நகர்ந்­துக்­கொண்­டி­ருக்­கும். குடும்ப கெடு­பி­டி­கள் அதி­க­ரித்­தி­ருக்­கும். இனி வரும்  5 ½ மாதங்­கள் இந்த இரண்டு நட்­சத்­தி­ரத்­தா­ருக்­கும் ஏகப்­பட்ட சுபிட்­சப் பலன்­கள் தொட­ரவே போகின்­றன அர்த்­தாஷ்­ட­மச் சனி­யி­லும்! அதோடு 2ம் இடத்­தில் உச்ச கேது­வும், 8ம் இடத்­தில் நீச ராகு­வும் துலாம் ராசி­யி­னர் அனை­வ­ருக்­கும் சஞ்­சா­ரத்­தில் இருப்­ப­தால் இடை­யி­டையே குடும்­பத்­துக்­குள்­ளும், வெளி­வட்­டா­ரத்­தி­லும் பேச்சு வார்த்­தை­யி­லும், நாண­யத்­தி­லும், கொடுக்­கல் வாங்­க­லி­லும், லேசாக இழு­பறி, கிலே­சம், சஞ்­ச­லம் என்­ற­படி நக­ர­லாம்.

மிகப் பெரிய யோக­மான எதிர்­பா­ராத அதிர்ஷ்­டங்­க­ளும், திடீர் பணம், பொருள் வர­வு­க­ளும், குடும்ப சந்­தோ­ஷங்க ளும் ஏகப்­பட்­ட­தாக கரை­பு­ர­ளப் போகி­ற­து­தான்!  அத­னால் இந்த சனிப்­பெ­யர்ச்சி நிகழ்ந்த பிறகு, துலாம் ராசி­யி­ன­ரி­டம் ஏகப்­பட்ட வித்தை ஞான அனு­ப­வங்­கள் உரு­வாக இருக்­கி­றது. உத்­தி­யோக பணி, பொறுப்பு, பத­வி­க­ளில் கொஞ்­சம் கசக்­க­லான சூழல்­கள் உழைப்பு அதி­க­ரிப்­பு­கள் ஏற்­பட்­டா­லும், அதற்­கேற்ற பாராட்­டும் சன்­மா­ன­மும், ஊதி­ய­மும் கண்­டிப்­பாக உண்டு.  நிலு­வைத் தொகை­கள், வர­வேண்­டிய ஊதி­யங்­கள், பென்­ஷன் சம்­பந்­தப்­பட்­ட­வை­கள், அன்­றாட சம்­பள வரு­வாய்­கள் எல்­லாம் கொஞ்­சம் தடைப்­பட்­டு­தான் கைக்கு வரப்­போ­கி­றது. தொழில், வியா­பார, நிர்­வாக விஷ­யங்­க­ளில் எல்­லாம் உங்­க­ளது தனிப்­பட்ட உழைப்­பும், சுறு­சு­றுப்­பும் தேவைப்­பட்­டுக்­கொண்டே இருக்­கும். இந்த நிலைமை முற்­றி­லு­மாக மாறு­வ­தற்கு வரு­கிற 2021, ஜூன் மாத 4ம் தேதி வர வேண்­டும்.

இல்­லத்­தார் விருப்­பப்­ப­டு­கிற விஷ­யங்­கள், ஆசை­கள், எதிர்­பார்ப்­பு­களை எப்­பா­டுப்­பட்­டா­வது நிறை­வேற்றி விடு­வீர்­கள். சொத்­து­பத்து ரீதி­யான நன்­மை­கள் அதி­க­ரிக்­கப் போகி­றது. இள­வ­யது வாரி­சு­க­ளுக்கு திரு­மண சுப­கா­ரிய விஷய நிறை­வேற்­றங்­களை ஏற்­ப­டுத்தி விட இருக்­கி­றீர்­கள். இந்த ராசி விசா­கத்­தி­னர் வயது கடந்து நிற்­பின் ஆரோக்­கி­யத்­தில் வெகு அக்­கறை காட்ட வேண்­டிய கால­கட்­ட­மிது! குறிப்­பாக இதய சம்­பந்­த­மான நோய் பிரச்­னை­யில் இருப்­ப­வர்­கள் மருந்து மாத்­திரை சிகிச்சை விஷ­யத்­தில் அலட்­சி­யம் காட்­டக்­கூ­டாது. அதே நேரம் இவர்­க­ளது சொத்­து­பத்து ஆஸ்­தி­களை தங்­க­ளது வாரிசு களின் பெய­ருக்கு மாற்­றல் செய்­யப் போகி­றார்­கள்.

சித்­திரை நட்­சத்­தி­ரத்­தி­னர் வரு­கிற 2021, மார்ச் மாத 29ம் தேதி­யி­லி­ருந்து வாழ்­வில் பல வித சுபிட்ச அதிர்ஷ்ட ஏற்­றங்­களை சந்­திக்­கக்­கூ­டிய யோகக்­கா­லம் ஆரம்­ப­மா­கி­றது. அதோடு இந்த நட்­சத்­திர இள வயது பெண்­கள் தங்­க­ளது நட்பு வட்­டத்­தி­லும், உத்­தி­யோக கல்வி நிறு­வன இடத்­தி­லும் கொஞ்­சம் கூடு­தல் கவ­னம் தேவை!

இந்த நட்­சத்­திர இளை­ஞர்­கள் வண்டி, வாகன விஷ­யங்­களை இயக்­கும்­போது அதிக வேகம் தவிர்க்­க­ணும். போலீஸ் சம்­பந்­த­மான பணிக்­காக முயற்­சித்து வரு­கிற இந்த நட்­சத்­தி­ரக்­கா­ரர்­கள் அனை­வ­ருக்­கும் சட்­டென்று பெரிய உத்­தி­யோக பொறுப்பு போலீஸ் ரீதி­யாக அமை­யப்­போ­கி­றது. வரு­கிற பங்­குனி, சித்­திரை மாதங்­க­ளி­லெல்­லாம் இந்த ராசி­யி­னர் அனை­வ­ருமே சற்றே கவ­ன­மாக இருக்க வேண்­டும். கார­ணம் செவ்­வா­யின் நிலைமை இந்த ராசிக்­கா­ரர்­கள் அனை­வ­ருக்­கும் சற்றே சரி­யில்லை!

பணம், பொருள், ஆடை, ஆப­ர­ணச் சேர்க்கை அதி­க­ரித்து, சேமிப்­பு­களை உயர்த்தி இவர்­கள் விருப்­பப்­பட்­டதை எல்­லாம் நிறை­வேற்­றித் தரப் போகி­றார் சனி­ப­க­வான்! ஆக மொத்­தம் இந்­தச் சனிப்­பெ­யர்ச்சி துலாம் ராசி­யி­ன­ருக்கு 75 சத­வீத ஏற்­றங்­க­ளையே கொடுக்­கப் போகி­றது.

இந்த ராசி பெண்களுக்கும், இல்லத்தரசிகளுக்கும் இனிமேல்தான் நினைத்தது நினைத்தப்படி ஈடேறி தங்களது வாழ்வு இனிக்கப் போகிறது. பல ஆண்டுகளாக ஆசைப்பட்டிருக்கிற விஷயம் நடந்து முடியும். ஆபரணங்கள் கழுத்தைவிட்டு, கை விரல்களை விட்டு நகராமல் வங்கியில் சென்று முடங்காமல் இருக்கப் போகிறது. சொந்த வீடு பாக்கியமும் உண்டாகி, வாடகை குடியிருப்பு சம்பந்தமான மனக்கசப்புகள் எல்லாம் தீரப்போகிற காலக்கட்டம்.

விவசாயிகளுக்கு சில நேரம் உற்பத்தி சார்பாகவும், தங்களது புது முயற்சி சார்பாகவும் சிற்சில தடங்கல்கள் 4ம் இட சனியால் ஏற்பட்டாலும், குருபகவான் தருகிற ஹம்ச யோக அதிர்ஷ்டத்தால் திடீர் உயர்வுகள், உற்பத்திப் பெருக்கம், லாப உயர்வு, புதிய நிலபுலன் சேர்க்கைகள் உண்டு.

தொழில் அதிபர்களுக்கு இதுநாள் வரை ஏற்பட்ட பட்ஜெட், நிர்வாக, அயலுார், அயல்தேச, அயல்மாநில தொழில்வகை கஷ்டங்களுக்கெல்லாம் இனிமேல்தான் இனிப்பான தீர்வுகள் காத்திருக்கின்றன.

மாணவ – மாணவிகளை பொறுத்தவரை கல்வி சார்ந்த உடமை, உபகரணங்களில் பாதுகாப்பாக இருக்கணும். ஆசிரியர்களின் அறிவுரைகளை மீறக் கூடாது. இந்த நிலைமைகலெல்லாம் வருகிற 2021, ஜூலை மாதத்துக்கு பிறகே நல்லப்படியாக சரியாகி கல்வி சார்ந்த, பெரிய உயர்வுகளை இவர்களுக்கு கொடுக்கப் போகிறது.

அரசியல்வாதிகள் தங்களது நற்பெயரை காப்பாற்றிக் கொள்ள வேண்டிய காலக்கட்டம் உண்டாகி இருக்கிறது. அரசாங்க சம்பந்தமான கெடுபிடிகளையும், கோர்ட், போலீஸ் சம்பந்தமான நெருக்கடிகளையும் சில நேரம் சந்திப்பதற்கு வாய்ப்பு இருக்கிறது. பார்த்து நிதானமாக செயல்பட வேண்டியது அவசியம். அத்துடன் இந்த ராசி சுவாதியினருக்கு வருகிற ஆகஸ்ட் 2021-லிருந்து தான் அதிர்ஷ்டம்!.

பொதுவாக துலாம் ராசியினருக்கு இந்தச் சனிப்பெயர்ச்சி தொடங்கியதிலிருந்து 16 மாதங்கள் முடிவதற்குள் அபரிமித சவுகரியங்களும், நிறைவேறாத ஆசைகளில் எல்லாம் சந்தோஷங்களும் கிடைக்கக்கூடிய நேரம் உருவாகி இருக்கிறது.

இந்தப் பெயர்ச்சி தொட்டு 2 ½ ஆண்டு காலத்துக்குள் வருகிற விசாகம், மூலம், திருவோணம், அவிட்டம், ரேவதி, ரோகிணி, திருவாதிரை, பூசம் நட்சத்திரம் வரும் தினங்களிலெல்லாம் எதிர்பாராத பரிசு, பண வரவுகளும், சுபிட்சங்களும் திடீர் ஏற்றங்களும், காரியங்களும் நடக்கப் போகிறது.

இந்தச் சனிப்பெயர்ச்சி தொட்டு  2½ ஆண்டுகாலத்திற்குள் வருகிற தமிழ் மாதங்களான மார்கழி, பங்குனி, ஆடி, ஆவணி மாதங்களில் வெகு சிறப்பாக பெரிய முன்னேற்றங்களை கொடுக்கப் போகிற பெயர்ச்சி இது! அத்துடன் இந்த சனிப்பெயர்ச்சி தொட்டு வருகிற தை, மாசி, சித்திரை, வைகாசி மாதங்கள் வெகு கவனமாக இருக்க வேண்டும்.

 இந்தப் பெயர்ச்சி ஆரம்பமானதிலிருந்து வருகிற ஒவ்வொரு அஷ்டமி திதியில் ஸ்ரீகாலபைரவர் வழிபாட்டையும், ஏகாதசி திதியில் ஸ்ரீ ஆஞ்சநேயர் வழிபாட்டையும் வைத்துக்கொண்டு, பிரதி வியாழன் மற்றும் ஞாயிற்றுக்கிழமை தோறும் நவக்கிரக வலம் வர வேண்டியது அவசியமாக வைத்துக் கொண்டால் இந்த 2 ½ ஆண்டும் மிக மிக அற்புதம். ஒருமுறை திருநள்ளாறு சென்று ஸ்ரீஈசனையும், ஸ்ரீசனீஸ்வரரையும் வழிபடுக! நலம்.

விருச்சிகம்

விருச்சிகம்

(விசாகம் 4ம் பாதம், அனுஷம், கேட்டை)

விருச்சிகம் ராசி வாச­கர்­களே!

இள­வ­ய­தி­லி­ருந்தே வாழ்­வின் எல்லா வித போராட்ட முனைக்­கும் சென்று, அது சார்­பான அனு­பவ ஞானங்­களை மன­துக்­குள் பூட்டி வைத்­துக்­கொண்டு, கால நேரம் வரும்­பொ­ழுது கணக்­கச்­சி­த­மாக காரிய சாதனை படைத்து விடும் விருச்­சிக ராசி­யி­னர். இந்த ராசி­யில் பிறந்­த­தற்­கா­கவே பெருமை படைத்­த­வர்­க­ளான கால­பு­ருஷ லக்­னத்­துக்கு 8வது பாவ­மான கிரக கிர­ம­மாய், 3வது கிர­க­மான செவ்­வா­யின் ஆதிக்க பலம் பெற்ற அவ­ரது ஆட்சி வீட்­டை­யும் அடைந்த முழு செவ்­வாய்க்­கி­ர­கத்­தின் ஆதிக்­கம் பெற்­ற­வர்­க­ளான உங்­க­ளுக்கு ஏழரை முடி­கி­றது.

உங்­களை சனி­ப­க­வான் 2011, டிசம்­பர் மாத 21ம் தேதி முதல் உண்டு, இல்லை என்று உங்­க­ளைப் போட்டு பல களத்­தி­லும், புரட்டி எடுத்­தி­ருப்­பார். கார­ணம் அவ­ரு­டைய சுற்­றுப் பிர­கா­ரம் அந்த ஆண்­டில் உங்­கள் ராசிக்கு ஏழ­ரையை துவக்­கி­ய­து­தான்! அதி­லி­ருந்து உங்­களை எவ­ருமே, ஒரு பொருட்­டாக நினைக்­க­வில்லை. பொது­வாக, சனி­ப­க­வான் என்ன கார­ணத்­தி­னாலோ தெரி­ய­வில்லை. மேஷ, கடக, சிம்ம, விருச்­சிக ராசி அன்­பர்­களை காரண காரி­ய­மில்­லா­மல், அவ­ரது கோபத்­தைக் காட்­டு­வது உங்­கள் ராசி­யி­டம் மட்­டும்­தான் என்று கூட சொல்­லி­வி­ட­லாம்.

அந்த வகை­யில் 2011ம் ஆண்­டின் இறு­தி­யில் விரய சனி­யாக உங்­கள் ராசியை பிடித்­துக்­கொண்ட சனி­ப­க­வான் உங்­க­ளால் உரு­வாக்­கப்­பட்ட அனைத்­தை­யும் அடித்து உடைத்து துவம்­சம் செய்­தார். ஒவ்­வொரு விஷய முயற்­சி­யும், பல நுாறு இழு­ப­றி­க­ளைக் கொடுத்த சம்­ப­வங்­கள், உற­வு­கள் அனைத்­தும் விரோ­த­மாக மாறிப்­போன நிலைப்­பாடு.

மாதம் ஒரு முறை கோர்ட்­டுக்­கும், போலீ­சுக்­கும் எதற்­கா­கவோ நடை­யாய் நடந்து கால் தேய்ந்து போன கடு­மை­கள், என்று இது­வரை தொடர்ந்­தன! தொழில், வியா­பார, நிர்­வாக இடங்­களை பூட்­டிப் போட வைத்து ஒட்­டடை படிந்து போன நிலை­கள் என்று இன்­னும் இந்த உல­கத்­தில் என்­னென்ன துய­ரங்­கள் உண்டோ அத்­த­னை­யை­யும் ஒட்டு மொத்­த­மாக அனு­ப­வித்து முடித்து, இனி­மேலா நமக்கு வாழ்வு உய­ரப் போகி­றது என்­ற­ப­டி­யான அவ­நம்­பிக்­கை­யின் எல்லை வரை வந்து, ஏதோ ஒரு­துளி நம்­பிக்­கையை வைத்­துக்­கொண்டு, உங்­கள் எதிர்­பார்ப்­பு­கள் சார்­பாக முன்­னேற்­றத்­துக்­கான ஊற்­றுக் கிணற்றை சற்றே எட்­டிப் பார்த்­துக் கொண்டு நிற்­கி­றீர்­கள் இது­வரை!

ஆக! உங்­க­ளுக்கு வந்­து­விட்­டது விடு­தலை தரு­வ­தற்­கான மஹா சனிப்­பெ­யர்ச்சி இந்த 27.12.2020 முதல்! ஆக, உங்­க­ளுக்­கான செழிப்­பின் துாரம் வெகு துார­மில்லை! சற்றே எட்­டிப்­பி­டித்­து­வி­டும் சொற்ப அடி­கள்­தான் இருக்­கி­றது. இது­வரை எண்­ணற்ற அடி­களை தாங்­கிய உங்­க­ளுக்கு, இந்த சொற்ப அடி­கள் பெரிதா என்ன? ஒரே பாய்ச்­ச­லில் எட்­டிப்­பி­டித்து உங்­க­ளுக்­கான உயர்வு களத்தை படு­லா­வ­க­மாக செதுக்­கிக் கொள்ள ஆரம்­பிக்­கப் போகி­றீர்­கள்!

அப்­படி இருக்க இந்த சனிப்­பெ­யர்ச்சி ஆகி 3ம் இட­மான வெற்றி, வீர, ஜெய பராக்­கி­ரம வீரிய ஸ்தானத்­தில் வந்து அம­ரப்­போ­கி­றது. இதன்­மூ­லம் உங்­க­ளது வாழ்­வில் ஒவ்­வொரு நாளும் புதிய புதிய திருப்­பங்­கள்­தான் நடக்­கப் போகி­றது.

விருச்­சிக ராசிக்­கா­ரர்­கள்  33 வயது முதல் 48 வய­துக்­குள் இருப்­பின், 2011ம் ஆண்டு முதல் நடப்பு ஆண்­டான 2020க்குள் வீடு கட்­டி­யி­ருப்­பார்­கள், திரு­ம­ணம் ஆகி இருக்­கும், புதிய சொத்­துக்­க­ளுக்கு அதி­ப­தி­யாகி இருப்­பார்­கள்,

ஒன்­றுக்கு, இரண்­டாக சொத்­து­பத்து, வீடு, மனை, கட்­டட யோகங்­கள் ஏற்­பட்­டி­ருக்­கும். வங்கி இருப்பு அதி­க­ரித்­தி­ருக்­கும். எல்லா கடு­மை­யும் எளி­தாக கண்­ணுக்கு புலப்­பட்­டி­ருக்­கும். வெளி­வட்­டார தொடர்­பு­கள் அதி­க­ரித்­தி­ருக்­கும். நினைத்­ததை நினைத்த நேரத்­தில் சாதித்­தி­ருப்­பார்­கள், எல்­லா­ரை­யும் காப்­பாற்­று­கிற வல்­லமை உண்­டா­கி­யி­ருக்­கும்.

கார­ணம் இந்த வய­துக்­கா­ரர்­க­ளுக்கு இப்­போது ‘மலர்­சனி’  காலம் என்று சொல்­லக்­கூ­டிய அதிர்ஷ்ட பொங்கு சனிக்­கா­லம் அத­னால்­தான்! ஆக இவர்­க­ளுக்கு ஏற்­பட்ட திருப்தி என்­பது மலை­ய­ள­வை­யும் தாண்டி, நிச்­ச­யம் நடந்­தி­ருக்­கும்.

அதே நேரம் 1961ம் ஆண்டு முதல் 1966 ஆண்­டுக்­குள் பிறந்­தி­ருக்­கிற இந்த ராசிக்­கா­ரர்­கள் ஏன்­தான் பிறந்­தோமோ என்­ற­ப­டி­யான சம்­ப­வங்­களை தான் தொடர்ச்­சி­யாக அனு­ப­வித்து முடித்­தி­ருப்­பார்­கள்.

போகட்­டும்! நடந்­த­தெல்­லாம் நடந்­த­ப­டி­யா­கவே இருக்­கட்­டும்! இழந்­தது எவ்­வ­ளவு பெரிய செல்­வ­மாக வேண்­டு­மா­னா­லும் இருக்­கட்­டும்! சனி­ப­க­வான் உங்­களை ஒன்­றும் செய்­யா­மல் விட்­டாரே அதுவே போதும்! கார­ணம் சுவர் இருந்­தால்­தானே சித்­தி­ரம்.

விபத்து ரீதி­யாக உடம்­பில் சேத­ம­டைந்த உறுப்­பு­கள் மீண்­டும் நல்­ல­ப­டி­யாக பணி­செய்ய போகி­றது. காயம்­பட்ட தழும்­பு­கள் மறைந்­து­விட இருக்­கின்­றன. மறை­முக நோய் தொந்­த­ர­வும் தானாக வந்து ஒட்­டிக்­கொண்ட நோயும், மருந்து மாத்­திரை சாப்­பி­டா­ம­லேயே காணா­மல் போக இருக்­கி­றது.

எனவே, எல்­லா­வற்­றை­யும் மறந்­து­விட்டு, துடைத்து துாக்­கி­எ­றிந்­து­விட்டு, நடக்­கப்­போ­கும் அற்­பு­தங்­க­ளுக்­காக உயர்வு அதிர்ஷ்­டங்­க­ளுக்­காக உங்­களை தயார்ப்ப டுத்­திக் கொள்­ளுங்­கள். இனி­மேல் ஒவ்­வொன்­றும் இனி­மை­யாக உங்­க­ளுக்கே தெரி­யும். இங்­கே­தானே நல்­லது இருக்­கி­றது. நாம் வேறு எங்­கேயோ போய் தேடிக்­கொண்­டி­ருந்­தோமே என்று ஆச்­ச­ரி­யப்­ப­டும்­ப­டி­யான உயர்­வு­கள் உங்­கள் அரு­கி­லேயே நிற்­கப் போகின்­றன. இது­வரை உங்­க­ளி­டம் முரண்­பா­டாக நகர்த்­திய வாழ்க்­கைத்­துணை அப்­ப­டி­யெல்­லாம் ஒன்­றுமே நடக்க வில்லை என்­ற­ப­டி­யான மன­நி­லைக்கு திரும்­பப் போகி­றார்.

வழக்கு, சொத்­து­பத்து கோளாறு, கோர்ட், போலீஸ் பிரச்­னை­கள், பூர்­வீக சொத்து சார்­பான சங்­கட இழு­ப­றி­கள், சேர வேண்­டிய பங்கு பாகங்­கள் அனைத்­தும் விரும்­பிய படியே நடக்­கப் போகி­றது. வாழ்க்­கைத்­து­ணைக்கு அவ­ரது பிறந்த வீட்டு சார்­பாக கிடைக்க வேண்­டிய ஆஸ்­தி­கள், உங்­க­ளது பெய­ருக்கு மாற்­ற­மா­கப் போகி­றது. வாரிசு பாக்­கிய குறை­யும், நீண்ட கால­மாக புத்­திர பாக்­கி­ய­மில்­லாத சங்­க­டத்­திற்­கும் தீர்­வைக் கொடுத்­து­வி­டும்.

பந்­தய லாபங்­கள் உண்டு. போட்­டி­க­ளில் வெற்றி உண்டு. எதிர்­பா­ராத தொகை வரவு கைக­ளுக்கு கிடைத்து க்கொண்டே இருக்­கும். உத்­தி­யோக, பதவி, பணி, பொறுப்­பு­க­ளில் எல்­லாம் பல பெரிய நிம்­மதி ஏற்­பட்டு, சந்­தோ­ஷ­க­ர­மான தொடர்ச்­சி­கள் ஏற்­ப­டும். ஊதிய சம்­ப­ளக் கோளா­று­கள் வில­கி­வி­டும். ஊதிய சம்­பந்­த­மான நிலு­வைத்­தொ­கை­கள் திடீ­ரென்று கைக்கு வரப்­போ­கி­றது.

 குறிப்­பாக இப்­போது அனுஷ நட்­சத்­தி­ரத்­தி­னர் 2020, பிப்­ர­வரி  3ம் தேதி­யி­லி­ருந்து பட்டு வரு­கிற அல்­லல்­கள் எல்­லாம் மெல்ல மெல்ல மாறி­வி­டும். அதி­லும் வரு­கிற 2021, மார்ச் மாத 12ம் தேதி­யி­லி­ருந்து இவர்­க­ளுக்கு ஏகப்­பட்ட செழிப்பு மாற்­றங்­கள், அதிர்ஷ்­டங்­கள், உயர்­வு­கள் தொடங்­கப் போவ­தால், அது­வரை மெல்ல நிதான செயல்­பாடு வைத்­துக்­கொள்­வதே நலம்.

விசா­கம் மற்­றும் கேட்­டை­யி­ன­ருக்கு இந்த பெயர்ச்சி தொட்டு வரு­கிற 2021, மே மாத 7ம் தேதிக்­குள் அட்­ட­கா­ச­மான உயர்­வு­கள், அதி­ரடி செழிப்­பு­கள், சுப­கா­ரிய சந்­தோ­ஷங்­கள் என்று ஏக­போக களே­ப­ரங்­கள் நடந்­துக்­கொண்டே வரப்­போ­கின்­றன.

இந்த ராசி பெண்களுக்கும், இல்லத்தரசிகளுக்கும் இனிமேற் தொட்டு எவ்வித குடும்ப சங்கடமும், வாழ்க்கைத்துணை ரீதியான சஞ்சலமும் ஏற்படாது. உடல்நல ரீதியாக சந்தித்த அனைத்து கடுமைகளும் விலகப் போகிறது.

இந்த ராசி மாணவ - மாணவிகளுக்கு தாய்வழி உறவுகளால் கல்விக்கான செலவுகளுக்கு சரளமான உதவிகள் பணரீதியாக கிடைக்கப் போகிறது. இதுவரை கல்வி ரீதியாக சந்தித்த, அனைத்து சங்கடங்களுக்கும், தடைப்பட்டுவிட்ட கல்விக்கும், விடிவுகாலம் தொடக்கம்.

விவசாயிகளுக்கு குறிப்பாக அனுஷ நட்சத்திரத்தினர் சந்தித்துவரும் அத்தனை இழப்புகளும், விரயங்களும், உற்பத்தி சேதங்களும், நிறைவுக்கு வந்து நஷ்டங்கள் ஈடுகட்டப்பட இருக்கிறது. அரசாங்க உதவி உண்டு. இதுவெல்லாம் வருகிற 2021, பிப்ரவரி 20-ம் தேதியிலிருந்து இன்னும் சற்று உயர்வான அதிர்ஷ்ட திருப்திகளை கொடுக்கும்.

தொழிலதிபர்கள் தங்களது திறமை சார்பான பெரிய தொழில் நிறுவனங்களை தொடங்கப் போகிறார்கள். தங்களது நிலை உயர பெற இருக்கிறார்கள். அயல்தேசத்தில் இருக்கிற தங்களது பெரிய தொழிலை, நிர்வாகத்தை எவரிடமாவது ஒப்படைத்து விட்டு, லாபத்தை மட்டும் பார்க்கப்போகிறார்கள் மாபெரும் அதிர்ஷ்டம் தொடக்கமாகியிருக்கிறது இந்த பெயர்ச்சிதொட்டு!

அரசியல்வாதிகள் வருகிற 2021, ஜனவரி 5ம் தேதியிலிருந்து ஒவ்வொரு தங்களது நடவடிக்கையையும், செம்மையாக திட்டமிட்டு, கட்சி மேலிடத்திலிருந்து பாராட்டையும், புகழையும் அடைந்து, வருகிற தேர்தலில் பெரும்பாண்மை வெற்றி பெறப் போகிற உன்னதமான உயர்வுகாலம் ஆரம்பமாகியிருக்கிறது. குறிப்பாக கேட்டை மற்றும் விசாகத்தினருக்கு!

பொதுவாக விருச்சிகத்தார் அனைவருக்கும் இந்த 2½ ஆண்டு காலத்துக்குள் வருகிற தமிழ் மாதங்களான தை, சித்திரை, வைகாசி, ஆவணி, புரட்டாசி மாதங்கள் மிகப்பெரிய திருப்பங்களை தரப்போகின்றன. பொன், பொருள், ஆடை, ஆபரணச் சேர்க்கை இந்த மாதங்களில் உண்டு.

இனிவரும் 2½ ஆண்டினில் வருகிற மூலம், பூராடம், திருவோணம், பரணி, ரோகிணி, பூரம், உத்திரம், சுவாதி நட்சத்திர தினங்களில் எல்லாம் எதிர்பாராத உயர்வு, அதிர்ஷ்டங்கள் நிச்சயம் உண்டு.

இந்தச் சனிப்பெயர்ச்சி தொடங்கிய பிறகு, பிரதி வெள்ளிதோறும் ஸ்ரீவிநாயகப் பெருமானுக்கு அபிஷேக ஆராதனைகள் செய்து, சந்தனக் காப்பிட்டு, அருகம்புல் மாலை சாற்றி வழிபட்டு வருவது நலம். தொடர்ந்து ஓராண்டுக்கு கஞ்சனுார் ஸ்ரீஅக்னிபுரீஸ்வரரை சென்று தரிசனம் செய்து கொள்ளவும். ராகு-கேது ப்ரீதி பரிகாரம் செய்து வழிபட்டுக் கொண்டிருக்க எல்லா நலனும் கைக்கூடும்.

தனுசு

தனுசு

(மூலம், பூராடம், உத்திராடம் 1ம் பாதம்)

தனுசு ராசி வாச­கர்­களே!

வாழ்­வில் 46வது வய­துக்­குப் பிறகு மிகப் பெரிய செல்வ, சுக­போக அந்­தஸ்­து­களை தனது உழைப்­பா­லும், நேர்­மை­யா­லும், கவு­ர­வத்­தா­லும், நாண­யத்­தா­லும் அதி­ர­டி­யாக அடைந்து விடு­கிற உங்­க­ளுக்கு 6 ½ ஆண்­டு­க­ளாக சனி­ப­க­வா­னா­லும், குரு­வா­லும், ராகு-­­கேது மற்­றும் மற்­ற­பிற கிர­கங்க ளாலும் காரண காரி­ய­மற்ற அவஸ்­தை­களை இனம் புரி­யா­மல் அடைந்து, உங்­க­ளது சுய­சம்­பாத்­தி­யத்­தால் அடைந்த செல்­வத்தை எல்­லாம் 75 சத­வீ­தம் இப்­போது இழந்­துள்ள நிலை­யில் இந்­தச் சனிப்­பெ­யர்ச்சி 2ம் இடத்­துக்கு வந்­து­விட்­டது!

உங்­க­ளது போராட்­டங்­க­ளி­லெல்­லாம் இது­வரை கண்­மண் தெரி­யாத அளவு ஏகப்­பட்ட கெடு­பிடி நெருக்­க­டி­க­ளோடு நீடித்­தது. குறிப்­பாக மாத கிர­கங்­க­ளான சூரி­யன், புதன் மற்­றும் செவ்­வாய்க் கிர­கத்­தால், இது­வரை அதா­வது கடந்த ஏழு ஆண்­டு­க­ளாக வாழ்க்­கையை ஓட்­டிக்­கொண்டி ருக்­கி­றீர்­கள். 

உங்­கள் ராசிக்கு கெட்ட இரு கிர­கங்­க­ளான சுக்­கி­ரன் மற்­றும் சந்­தி­ர­னா­லும் இந்த இடைப்­பட்ட ஏழு ஆண்­டு­கள் சனி­யோ­டும், கண்­டக ராகு­வோ­டும் சேர்ந்­து­கொண்டு பல­வித இன்­னல்­க­ளை­யும் சந்­திக்க வைத்­தார்­கள் இவர்­கள்!

அடுத்­த­தாக 2018ம் ஆண்டு துவக்­கத்­தி­லி­ருந்து, உங்­க­ளது நிலைமை எல்லா விஷ­யத்­தின் பொருட்­டும் அப்­ப­டியே தலை­கீ­ழாக மாறி, உங்­களை பொரு­ளா­தார ரீதி­யா­க­வும், மற்ற பிற விஷ­யங்­கள் சார்­பா­க­வும், வெளி­வட்­டார பழக்­க­வ­ழக்­கங்­கள் சார்­பா­க­வும், கொடுக்­கல்-­­வாங்­க­லி­லும், பெரிய தொகை பண விஷ­யத்­தி­லும் ஏகப்­பட்ட பின்­ன­டைவு களை சம்­பந்­த­மில்­லாத சச்­ச­ர­வு­களை, இழப்­பு­களை, நாண­யக் கோளா­று­களை, அவ­மா­னங்­களை சந்­திக்க வைத்­தன.

இனி­மேல் இந்த 2020, டிசம்­பர் மாத 27ம் தேதி தொட்டு, பல­வித பிரச்­னை­க­ளில் இருந்­தும் நீங்­கள் திட்­ட­வட்­ட­மாக வெளி­வ­ரப் போவதை சனி­ப­க­வானே சொல்­கி­றார் நிச்­ச­ய­மாக கஷ்­டங்­க­ளி­லி­ருந்­தெல்­லாம் மீளப் போகி­றீர்­கள்!.

தகுதி குறைந்த நபர்­க­ளால் உங்­க­ளது கவு­ரவ, மரி­யாதை, அந்­தஸ்­து­க­ளுக்கு ஏற்­பட்ட இழுக்­கு­கள் எல்­லாம் மறை­யப் போகி­றது. வம்பு, தும்பு சச்­ச­ர­வு­கள் தீர்­வுக்கு வரப்­போ­கின்­றன. சொத்­து­பத்து பங்கு, பங்­காளி வகை, சண்டை சச்­ச­ர­வு­க­ளும், ஏமாற்ற நினைத்த போக்­கு­க­ளும் மாறப் போகின்­றன.

அடுத்து இந்த 2ம் இட சனிக்­கான ஜோதிட பாடல்!

      “பாரப்பா பானு மைந்­தன் பால் மதிக்கு

      இரண்­டில் மேவ செம்­பொன்­னும் சிவ­சிவா கிட்­டு­மடா!” -என்­கி­றது.

ஆக 2ம் இடத்­திற்கு பெயர்ச்­சி­யாகி வந்­தி­ருக்­கிற இந்த சனி­ப­க­வா­னால், உங்­க­ளது கஷ்­டங்­கள் அனைத்­தும் தொலை­யப் போகி­றது. மீள முடி­யாத பிரச்­னை­க­ளில் இருந்­தெல்­லாம் வெளி­வ­ரப் போகி­றீர்­கள்.

புதிய சிக்­கல்­கள் முளைக்­காது. தேவை­யற்ற அவ­துா­று­க­ளில் மாட்­டப் போவது இல்லை. வர வேண்­டிய உங்­க­ளது பெரிய தொகை­கள் அனைத்­தும் சட்­டென்று கைக்கு வந்து விட இருக்­கி­றது. அத­னைக் கொண்டு கடன்­க­ளில் இருந்து மீளப் போகி­றீர்­கள். புதிய சந்­தோ­ஷம் மன­துக்­குள் மல­ரப் போகி­றது. காரண, காரி­ய­மற்ற நெருக்­க­டி­கள், உற­வு­கள்­ரீ­தி­யான சிக்­கல்­கள் எல்­லாம் தவி­டு­பொ­டி­யா­கப் போகி­றது.

இப்­போது ஜென்ம சனி­யாக தனுசு ராசி­யி­ன­ருக்கு இருந்­தா­லும், குறிப்­பாக பூராட வாச­கர்­க­ளுக்கு மட்­டும் 2020, ஜன­வரி 6ம் தேதி­யி­லி­ருந்து மிகப் பெரிய உயர்வு மாற்­றங்­கள் சந்­தோ­ஷங்­கள், செல்வ சேர்க்­கை­கள் ஏற்­பட்டு கொண்டு தான் இருக்­கின்­றன. அதே­நே­ரம் சந்­திர திசை­யில் செவ்­வாய் திசை­யில் ஜனன ஜாத­கப் பிர­கா­ரம் இப்­போது உள்ள இந்த ராசி­யி­ன­ருக்கு மிக மிக கெடு­பி­டி­யான பலன்­கள் தொடர்ந்து கொண்­டி­ருக்­கின்­றன.

ஜென்­மச்­ச­னி­யால் என்று சொல்­ல­ணும். அதே நேரம் மூலம் மற்­றும் உத்­தி­ராட நட்­சத்­தி­ர­ன­ருக்கு  2020 துவக்­கத்­தி­லி­ருந்தே ஏகப்­பட்ட இன்­னல்­கள், கடன் சிக்­கல்­க­ளி­லி­ருந்து வெளி­வர முடி­யாத சூழல், நாணய பங்­கம், மிகப் பெரிய தடை­கள், வாரி­சு­களை கரை சேர்க்க முடி­யாமை, தொழில், வியா­பார, நிர்­வாக முடக்­கங்­கள், உத்­தி­யோக, பதவி, பணி­வி­ல­கல் போன்­றவை களெல்­லாம் ஏற்­பட்டு இவர்­களை செக்­கில் மாட்­டிக் கொண்ட எலி­யாக ஆக்­கி­யி­ருக்­கி­றார் சனி­ப­க­வான்!

சரி! இனி­மேல் எப்­படி இருக்­கப் போகி­றது? நன்­றா­கவே இருக்­கப் போகி­றது. பொரு­ளா­தார நிலைமை என்ன சொல்­கி­றது? அற்­பு­த­மான செழிப்­போடு இருக்­கப் போகி­றது. அனை­வ­ரும் மதிப்பு கொடுப்­பார்­களா?, கொடுக்க மாட்­டார்­களா? நிச்­ச­ய­மாக இனி­மேல் தான் மதிப்பு அதி­க­ரிக்­கவே போகி­றது. குடும்ப நிலைமை எப்­படி இருக்­கும்? அற்­பு­த­மான குதுா­க­லத்­தோடு நீடிக்­கும். சொந்த வீடு கட்­ட­லாமா? நிச்­ச­ய­மாக கட்­டத் துவங்­க­லாம். அதற்­கான சுப விரய காலம் ஆரம்­ப­மா­கி­விட்­டது. வாரி­சு­களை நல்­ல­ப­டி­யாக மண­வாழ்க்­கைக்­காக கரம் பிடித்து கொடுக்­க­லாமா? நிச்­ச­ய­மாக அதி­லென்ன சந்­தே­கம்! கண்­டிப்­பாக களம் இறங்கி விட­லாம்.

உங்­களை மருத்­து­வர் ஆரோக்­கிய வகை­யில் எச்­ச­ரித்­துள்ள விஷ­யத்­துக்கு என்ன செய்­வது? அது­வெல்­லாம் ஒன்­று­மில்லை, துாசி­யாக பறந்­து­வி­டும். வெளி­யூர் தொழில் தொடங்­க­லாமா? ஆயத்­த­மாகி விட்­டீர்­கள் அதி­லென்ன கேள்வி!

எனவே 40 சத­வீ­தம் தனுசு ராசி­யி­னர் அனை­வ­ரும் பரி­கார ராசிக்கு உட்­பட்­ட­வர்­க­ளாக இந்த காலக்­கட்­டத்­தில் இருந்­தா­லும், மிகப்­பெ­ரிய அற்­புத மாற்­றங்­க­ளும், இந்­தப் பெயர்ச்சி தொட்டு தான் நிக­ழப் போகி­றது.

பூராட நட்­சத்­தி­ரத்­தி­ன­ருக்கு இந்­தச் சனிப்­பெ­யர்ச்சி தொடங்­கி­ய­தி­லி­ருந்து வரு­கிற 2021, ஏப்­ரல் மாத 17ம் தேதி வரை மிகப்­பெ­ரிய சந்­தோஷ சம்­ப­வங் களும், சுப­கா­ரிய குதுா­க­லங்­க­ளும், திரு­மண நிறை­வேற்­றங்­க­ளும், குல­தெய்வ பிரார்த்­தனை நிறைவு சந்­தோ­ஷங்­க­ளும் உண்டு இனி­மேல்.

மூலம் நட்­சத்­தி­ரத்­தி­ன­ருக்கு இந்­தச் சனி­ப­க­வான் பெயர்ச்­சி­யா­ன­தி­லி­ருந்து சனி­ப­க­வா­னால் கிடைக்க வேண்­டிய சுப­யோக சுபிட்ச பலன்­கள் எல்­லாம் வரு­கிற 2021, மார்ச் மாத 2ம் தேதி­யி­லி­ருந்து தான் படு தடா­ல­டி­யான யோக வளர்ச்­சி­களை கொடுக்­கப் போகி­றது. எந்த வித தொல்லை தொந்­த­ர­வும் இருக்­காது.

உத்­தி­ராட நட்­சத்­தி­ரத்­தி­னர் தற்­கா­லமே ஆரோக்­கிய வகை சிக்­க­லா­லும், அறுவை சிகிச்சை சம்­பந்­தப்­பட்ட சங்­க­டத்­தா­லும், இதய நோய் கோளா­றா­லும் அவ­திப்­பட்­டுக் கொண்டி ருக்­கி­றார்­கள். இந்த நிலை­மைக்­கெல்­லாம் விடு­தலை வரு­கிற 2021, மார்ச் மாத 14ம் தேதி­யி­லி­ருந்து ஒரு வழி­யாக கிடைத்து விட இருக்­கி­றது.

எனவே இந்­தச் சனிப்­பெ­யர்ச்­சி­யால் எந்த வித உள்­மன கிலே­ச­மும் அடைய வேண்­டா­மென தனுசு ராசி­யி­னர் அனை­வ­ருக்­குமே சொல்ல வேண்­டியி ருக்­கி­றது. இந்த ராசி­யி­ன­ருக்கு பாத­சனி நடந்­துக் கொண்­டி­ருப்­ப­தால் நிச்­ச­ய­மாக கை, கால்­க­ளில் எதிர்­பா­ராத காயம் ஏற்­பட, விபத்­து­க­ளால் வாய்ப்­புண்டு!

பெண்களுக்கும், இல்லத்தரசிகளுக்கும் மிக யோகமான காலம் உருவாகியிருக்கிறது. எல்லா வகையிலும் பெரியதொரு திருப்தி நிச்சயமாக கிடைக்கும். இவர்கள் இழந்த இழப்புகள் அனைத்தும் ஈடுகட்டப்பட இருக்கிறது.

விவசாயிகள் குறிப்பாக பூராடத்தினர் அடுத்து வருகிற அறுவடை காலங்களில் மாபெரும் மகிழ்ச்சிகளை ஏகபோகமான லாபமாக அனுபவிக்கப் போகிறார்கள்.  மூலம் மற்றும் உத்திராட நட்சத்திரத்தினர் வருகிற சித்திரை மாதம் தொட்டு தான் சிறப்பான லாப வளர்ச்சிகளை சந்திக்கப் போகிறார்கள்.

மாணவ - மாணவிகள் குறிப்பாக மூலம் மற்றும் உத்திராடத்தினர் தங்களது கல்வி விஷய நடவடிக்கைகள் அனைத்திலும் வருகிற 2021, மார்ச் மாத 27ம் தேதி வரை சிரத்தையோடு கவனப்படுத்திக் கொள்ளணும். அதன்பிறகு கல்வி நலன் அதிகரிக்கும்.

தொழிலதிபர்கள் உள்ளூர் தொழிலை விட்டு, அயலுாரில், அயல் தேசத்தில் தொழில் தொடங்கக்கூடிய காலக்கட்டம் உதயமாகிவிட்டது. புதிய வி.ஐ.பி.கள் கூட்டாளிகளாக உங்களது நிர்வாகத்தில் பெரிய பட்ஜெட்டில் இணையப் போகிறார்கள். பெரிய லாபத்தை சந்திக்க ஆரம்பித்து விடலாம். பூராடத்தினருக்கு இப்போதே ஏகபோகமான லாப உயர்வுகள் கிடைத்துக் கொண்டிருக்கின்றன.

அரசியல்வாதிகள் இந்தச் சனிப்பெயர்ச்சிக்கு பிறகு கொஞ்சம் போராடித்தான் தங்களது கட்சிப்பணி ரீதியாக வெற்றியை சந்திக்க முடியும். அதே நேரம் வருகிற 2021, ஜனவரி 20ம் தேதிக்கு பிறகு சக கட்சியினரின் பதவிகள் பிடுங்கப்பட்டு, உங்களுக்கு தரப்படலாம்!.

இந்த 2½ ஆண்டு காலத்துக்குள் வருகிற உத்திராடம், திருவோணம், சதயம், ரேவதி, பரணி, ரோகிணி, திருவாதிரை மற்றும் பூரம், அஸ்தம் நட்சத்திரம் வரும் தினங்களிலும் சஷ்டி மற்றும் தசமி திதி வருகிற நாட்களிலும் ஏகபோக சுபிட்சங்கள் உயர்வுகரமாக கிட்டப் போகிறது. 

இந்த 2½ ஆண்டு காலத்துக்குள் வருகிற புதன், சனி மற்றும் வெள்ளிக்கிழமைகள் எல்லாம் சூப்பர் உயர்வுகளை கொடுக்கப் போகிறது. இந்த 2½ ஆண்டு காலத்துக்குள் வருகிற தமிழ் மாதங்களான வைகாசி, புரட்டாசி, ஐப்பசி மற்றும் மாசி மாதங்கள் வெகு அற்புதமாக இருக்கப் போகிறது. வருகிற பங்குனி மாதம் மட்டும் சற்றே கவனமாக இருக்க வேண்டியது அவசியம்.

இந்த 2½ ஆண்டும் தொடர்ச்சியாக தனுசு ராசிக்காரர்கள் நவக்கிரக செவ்வாயையும், சனியையும் அததற்கு உரிய கிழமைகளில் தொடர்ச்சியாக வழிபட நினைத்த காரியம் அனைத்தும் சித்தியாகும். உங்களது ஜென்ம நாளில் அதாவது நீங்கள் பிறந்த கிழமையில் திருநள்ளாறு சென்று ஸ்ரீதர்பாரண்யேஸ்வரரை வழிபாடு செய்ய நலன்கள் கண்டிப்பாக சித்திக்கும்.

மகரம்

மகரம்

(உத்திராடம் 2,3,4ம் பாதம், திருவோணம், அவிட்டம் 1,2ம் பாதம்

மகரம் ராசி வாச­கர்­களே!

இந்த ராசி­யி­னர் 1970ம் ஆண்­டுக்கு பிறகு ஒன்­பது ஆண்­டு­க­ளுக்­குள் பிறந்­தி­ருப்­பின், இந்த ஏழ­ரை­யின் விரய சனி காலம் 2018ம் ஆண்டு ஆரம்­பித்­த­தி­லி­ருந்து நல்­ல­ப­டி­யா­கத்­தான் செழிப்­பாக, அதிர்ஷ்­ட­மாக, உயர்­வாக வைத்­தி­ருக்­கி­றார். வீடு வாசல் யோகத்தை கொடுத்தி ருப்­பார். திரு­மண தாம­தத்தை விலக்கி திரு­மண நிறை­வேற்­றத்தை உண்­டாக்­கி­யி­ருப்­பார். எதிர்­பா­ராத பல மேன்மை சுபிட்­சங்­களை அடுக்­க­டுக்­காக கொடுத்­தி­ருப்­பார்.

நிக­ரில்லா ராசி!, சிக­ரம் தொடும் ராசி!, வழக்கை அறுத்து விடும் ராசி! என்­ற­ப­டி­யெல்­லாம் உங்­கள் ராசிக்­காக வர்­ண­னை­கள் செய்து வைத்­தா­லும்,  3 ½ ஆண்டு கால­மாக நீங்­கள் பட்ட அல்­லல்­கள் உங்­க­ளுக்கே வெளிச்­சம்! சனி­ப­க­வான் உங்­கள் மீது சொந்­தம் கொண்­டாடி, 3 ½ ஆண்­டு­க­ளாக உங்­க­ளைப் போட்டு புரட்டி எடுத்­துக்­கொண்­டி­ருக்­கி­றார். சில நேரம் மறை­மு­க­மாக அடிக்­கி­றார்! பல நேரம் நேர­டி­யா­கவே வந்து தாக்­கு­கி­றார். விர­யம் என்­றால் அப்­படி ஒரு விர­யம்! கடன்­கள் உயர்வு என்­றால் சொல்­லவே வேண்­டாம்! இந்த நிலை­மை­யில் கண்­க­ளில் உங்­க­ளுக்கு ரத்­தம் வராத குறை­தான் என்று சொல்­லி­வி­ட­லாம்! அதி­கா­லை­யில் நீங்­கள் விழித்­துக் கொண்­டீர்­களோ இல்­லையோ, எல்­லா­ருக்­கும் முன்­ன­தாக உங்­க­ளுக்கு கடன் கொடுத்­த­வர் விழித்து, வீட்­டு­வா­ச­லில் வந்து நிற்­கும்­போ­து­தான் உங்­க­ளது ரத்­தமே சுண்­டி­யி­ருக்­கும்.

ஆனால், பொது­வாக 56 வயதை கடந்­தி­ருப்­ப­வர்­க­ளுக்கு 2018ம் ஆண்டு முதல் அல்­லல்­களோ அல்­லல் என்று இவர்­க­ளது சங்­க­டங்­க­ளை­யெல்­லாம் கூவிக்­கூவி விற்­கும் படி­யாக கூடை நிறைய பிரச்­னை­கள் ஏற்­பட்­டுக் கொண்­டே­யி­ருக்­கின்­றன. தாக்­குப்­பி­டிக்­கி­றார்­கள், தாக்­குப் பிடித்­துக் கொண்­டி­ருக்­கி­றார்­கள், இன்­ன­மும் தாக்­குப் பிடிப்­பார்­கள்.

இப்­ப­டி­யா­கத்­தான் இவர்­க­ளது எந்­தக் கதையை கேட்­பது என்­ற­ப­டி­யாக சனி­ப­க­வான், குரு­ப­க­வா­னு­டன் சேர்ந்து கேது­வு­ட­னும் கூட்­டணி வைத்து, கடந்த 11 மாதங்­க­ளாக பந்­த­யத்­துக்கு தண்­ணீ­ரில் மூழ்கி மூச்சை அடக்­கி­னால், மிகப்­பெ­ரிய பரிசு காத்­தி­ருக்­கி­றது என்று சொல்­லி­விட்டு, நீரில் மூழ்­கி­யப் பிறகு, இவர்­களை ஈட்­டி­யைக் கொண்டு குத்­தி­ய­து­போல இவர்­க­ளது சோகம் படு துய­ர­மா­னது!.

இப்­போது  நிக­ழப் போகிற ஜென்­மச்­ச­னி­யால் என்­ன­வெல்­லாம் நடக்­கும் இவர்­க­ளுக்கு!  நல்­ல­தும் நடக்­கும், இடை­யி­டையே இடை­யூ­றும் ஏற்­ப­டும். ஆனால் பாத­கம் ஏதும் ஏற்­பட்டு விடாது! விருந்து பந்­தி­யில் அம­ர­லாம். ஆனால் இனிப்பு இருக்­காது என்­ற­படி தான் நக­ரும்.

அதே நேரம் 2020, ஏப்­ரல் மாதத்­தி­லி­ருந்து திரு­வோ­ணத்­திற்­கும், அவிட்­டத்­திற்­கும் ஓர­ளவு சுபிட்­ச­மான நற்­ப­லன்­க­ளும், சுப விர­யங்­க­ளும், திரு­மண சுப­கா­ரிய சந்­தோ­ஷங்­க­ளும் ஏற்­பட்­டுக் கொண்டு வரு­கி­றது. அதே நேரம் 2020, ஏப்­ர­லில் இருந்து உத்­தி­ரா­டத்­தி­னர் அனை­வ­ரும் மிகப்­பெ­ரிய சச்­ச­ர­வு­க­ளுக்­கும், தொல்லை தொந்­த­ர­வு­க­ளுக்­கும் ஆளா­கிக் கொண்­டி­ருக்­கி­றார்­கள்.

மருத்­து­வ­ம­னை­யி­லி­ருந்து மிகப்­பெ­ரிய ஆபத்­துக்­காக படுத்து எழுந்­தி­ருக்­கி­றார்­கள். கையில், காலில் கட்டை  போட்­டுக்­கொண்டு பல­ரது பணி­வி­டை­க­ளை­யும் எதிர்­பார்த்­தி­ருந்­தார்­கள்.

பொது­வாக மகர ராசிக்கு, இந்த ஜென்­மச்­ச­னிக் காலத்­தில், ஜென்ம குரு­வின் நேரத்­தில் காப்­பாற்­றப் போகிற ஒரே கிர­கம் 11ல் அமர்ந்­தி­ருக்­கிற உச்ச கிர­க­மான கேதுவே! அதோடு மகர ராசி­யி­னர் அனை­வ­ருக்­கும் எப்­போ­துமே கேது கிர­கத்­தால் தடா­ல­டி­யான உயர்வு சந்­தோ­ஷங்­கள், லாப வர­வு­கள், திடீர் அதிர்ஷ்­டங்­கள் பரிசு, பண ஆதா­யங்­கள் என்று எந்த     நேரத்­தில் கிடைக்­கும் என்று இவர்­க­ளுக்கே தெரி­யாது. என்­ப­தால் இந்த ஏழ­ரைச்­ச­னி­யின், ஜென்­மச்­ச­னிக்­கா­லத்தை கண்­டிப் பாக, கவ­லை­யாக மாற்­றிக் கொள்ள வேண்­டாம்.

அதற்கு வரு­கிற தமிழ் புது வரு­ட­மான பிலவ ஆண்டு துவங்க வேண்­டும். அதோடு இப்­போது ராசிக்­குள் இருக்­கிற குரு, சனி சேர்க்கை நீச பங்க ராஜ யோகத்தை ஏற்­ப­டுத்­து­வ­தால், அற்­பு­த­மான சிறப்பு சந்­தோ­ஷங்­கள் கண்­டிப்­பாக குரு­வால் உண்டு! அதா­வது திடீர் தன­யோ­கம் கிடைக்­கும். எதிர்­பா­ராத பண, ஆதாய வர­வு­க­ளும் உண்டு.

அடுத்­த­தாக 5ல் அமைந்­தி­ருக்­கிற ராகு­வால், சனி­ப­க­வா­னின் கெடு­பிடி பலன்­கள் குறைந்­து­வி­டும். ஏற்­ற­இ­றக்­க­மில்­லாத சீரான வாழ்வு நடை­போ­டும். மற்­ற­படி இந்த ஜென்­மச்­ச­னி­யின் காலத்­தில், அடுத்து வரு­கிற ஓராண்டு காலம் கழித்து, 2ம் இடத்­துக்கு குரு நகர்ந்த பிறகு பலப்­பல ஏற்­றங்­கள் எளி­தாக நிக­ழும்.

பிற­ருக்­காக வரிந்­துக் கட்­டிக்­கொண்டு பிரச்னை களத்­தில்  இறங்­கி­வி­டக் கூடாது. ஜாமீன் விவ­கார தலை­யீ­டு­கள் வேண்­டாம். நினைத்­தது நடக்­க­வில்லை என்­ப­தற்­காக சாத்­தி­ய­மில்­லாத நட­வ­டிக்­கை­க­ளில் குதித்து விடக்­கூ­டாது. உற­வு­க­ளின் பிரச்­னை­க­ளில் தலை­யி­டக்­கூ­டாது.  அத்­து­டன் சகோ­தர, சகோ­த­ரி­கள் உங்­க­ளி­ட­மி­ருந்து எவ்­வ­ளவு வாங்­கிக் கொள்ள முடி­யுமோ, அவ்­வ­ளவு  தொகை­க­ளை­யும் வாங்­கிக் கொண்டு விடு­வார்­கள்!,

மற்­ற­படி உத்­தி­ராட நட்­சத்­திர இளம் இரு­பா­ல­ரும், இந்­தச் சனிப்­பெ­யர்ச்சி தொட்டு, அடுத்து வரு­கிற 2 ½ மாதங்­கள் சர்வ கவ­ன­மாக பிற நட்பு விஷ­யத்­தி­லும், வாகன விஷ­யத்­தி­லும் கவ­ன­மாக இருக்­க­ணும். கவு­ரவ விஷ­யங்­க­ளில் கவ­ன­மாக இருக்­க­ணும். பண சேமிப்­பு­க­ளில் நாட்­டம் வைக்­க­ணும். அநா­வ­சிய, ஆடம்­பர நாட்­டங்­களை விலக்­க­ணும். 

பிற நட்­பு­க­ளின் பிரச்­னை­க­ளுக்­காக தலை கொடுக்­கக்­கூ­டாது. மருந்து, மாத்­திரை சம்­பந்­த­மா­ன­வை­க­ளி­லும், சிகிச்சை விஷ­யத்­தி­லும் கவ­னம் தேவை! மருத்­து­வ­ரின் ஆலோ­ச­னை­களை தட்­டக்­கூ­டாது.

சக ஊழி­யர்­க­ளி­டம் எந்த கருத்து விமர்­ச­னங்­க­ளை­யும் பரி­மா­றிக் கொள்­ளக் கூடாது. தவ­று­கிற பட்­சத்­தில் அதி­கப்­ப­டி­யான சச்­ச­ர­வு­களை சந்­திக்­கக்­கூ­டும் கவ­னம்!

தொழில், வியா­பார, நிர்­வாக பட்­ஜெட் விஷ­யங்­க­ளில் எல்­லாம் கண்­ணும், கருத்­து­மாக இருக்­க­ணும். புதிய முத­லீடு விஷ­யங்­க­ளி­லும் நிதா­ன­மாக இருக்­க­ணும். எதிர்ப்பு, வழக்கு,  கடன் விஷ­யங்­களை  சாது­ரி­ய­மாக  எதிர்­நோக்க கற்­றுக் கொள்­ள­ணும்.

அதே­ச­ம­யம், திடீர் பணம், பொருள் சேர்க்கை ஆதா­யங்­க­ளும் காத்­துள்­ளன. ஆப­ரண, வாகன விருத்­தி­க­ளும் ஏற்­ப­டும். இது­வெல்­லாம் 11ம் இட கேது தரு­கிற உங்­க­ளுக்­கான அதிர்ஷ்ட மாயங்­கள்!

சொத்­து­பத்து சம்­பந்­த­மான தீர்­வு­கள் கிடைக்­கப் போகி­றது. உங்­க­ளுக்கு உரி­மை­யாக கிடைக்­கக்­கூ­டிய பங்­கு­பாக விஷ­யங்­க­ளில் இந்­தச் சனிப்­பெ­யர்ச்சி தொட்டு 1 ¼ ஆண்டு கழித்து, திடீ­ரென்று உங்­கள் பக்­கம் சொத்து திரும்பி விட இருக்­கி­றது.

பெண்களுக்கும், இல்லத்தரசிகளுக்கும் இந்தச் சனிப்பெயர்ச்சி தொட்டு, 55 சதவீத சாதக திருப்திகள் உண்டு. நெடுமாதங்களாக இருக்கிற குடும்ப ஒற்றுமை பிரச்னை தீரப் போகிறது. வாழ்க்கைத்துணையுடன் பரஸ்பர அன்யோன்யம் அதிகரிக்கப் போகிறது என்றாலும் அது பட்டும் படாமலும்தான் நீடிக்கும். அடுத்து இந்த ராசி இளம் பெண்களுக்கு திடீர் திருமணம் ஏற்படுகிற காலம்.

விவசாயிகளுக்கு இந்தப் பெயர்ச்சி தொட்டு, குறிப்பாக அவிட்டத்தினருக்கு ஐந்து மாதங்களுக்குள் விசேஷகரமான திருப்பங்கள், உற்பத்தி சார்பான திருப்திகள், பெரிய ஆதாயங்கள், லாப முன்னேற்றங்கள், புதிய நிலபுலன் சேர்க்கை கண்டிப்பாக உண்டு!

மாணவ, மாணவிகள் இந்தப் பெயர்ச்சி தொட்டு, பெற்றோர்களின் பேச்சையும், கட்டளைகளையும் மீறக்கூடாது. குறிப்பாக உத்திராடத்தினர் கல்வியில் மட்டும் நாட்டம் வைக்கணும்.

தொழிலதிபர்கள் இந்தப் பெயர்ச்சி தொட்டு 1 ½ மாதத்துக்குள் குறிப்பாக அவிட்டத்தினரும், திருவோணத்தினரும் மிகப்பெரிய லாப முன்னேற்றங்களை தொடப் போகிறார்கள். இந்த நிலைமை வருகிற 2021, ஜூன் மாதம் வரை நீடிக்கும்.

அரசியல்வாதிகள் உத்திராடத்தினர் மட்டும் கட்சி சார்பாக லேசாக செயல்பட்டுக்கொண்டிருக்க வேண்டும். இந்தச் சனிப்பெயர்ச்சி அவ்வளவு விசேஷகரமாக 50 சதவீதம் இல்லை. அதே தருணம் இந்த ராசி 41 வயது முதல் 47 வயதுக்குள் இருப்பவர்களுக்கு அட்டகாசமான திருப்பங்கள் உண்டு.


இனி வருகிற தமிழ் மாதங்களான பங்குனி, வைகாசி, ஆனி, ஆவணி, ஐப்பசி கார்த்திகை மாதங்கள் வெகு துாக்கலான சந்தோஷ உயர்வுகளை கொடுக்கப் போகிறது, உயர்த்தப் போகிறது.

அத்துடன் இந்த ஆண்டு காலக்கட்டத்துக்குள் வருகிற சதயம், ரேவதி, அஸ்வினி, ரோகிணி, திருவாதிரை, பூசம், மகம் மற்றும் சுவாதி நட்சத்திர தினங்கள் வெகு களேபரமான யோக சவுபாக்கியங்களையும், மகிழ்ச்சிகளையும், பணம், பொருள் வரவுகளையும் கொடுக்கப் போகிறது. பொன், ஆபரணச் சேர்க்கை நிகழப் போகிறது.

இந்தச் சனிப்பெயர்ச்சி தொடங்கி வருகிற 2½ ஆண்டும் ஸ்ரீவெங்கடாஜலபதி வழிபாட்டையும், ஒரு முறை ஸ்ரீஐயப்பன் தரிசனமும் செய்வது நலம், உயர்வுகளை தரும், சங்கடங்களைப் போக்கும். இனம்புரியாத பிரச்னைகளிலிருந்து வெளிவர வைக்கும். அதோடு  இருமுறை திருநள்ளாறு ஸ்ரீசனீஸ்வர பகவானை தரிசனம் செய்வது மிகப்பெரிய உன்னதம்!

கும்பம்

கும்பம்

(அவிட்டம் 3,4ம் பாதம், சதயம், பூரட்டாதி 1, 2, 3ம் பாதம்

கும்பம் ராசி வாச­கர்­களே!

கும்ப ராசி­யி­னர் அனை­வ­ருமே 2018 ஆரம்­பம் முதல் சனி­ப­க­வான் லாப ராசி­யான தனு­சுக்­குள் வந்து நின்­ற­போ­தும், அவ­ரால் ஆக வேண்­டிய அதிர்ஷ்­டங்­கள், கிடைக்க வேண்­டிய நற்­ப­லன்­கள், சந்­திக்க வேண்­டிய மகிழ்ச்­சி­கள் அனைத்­துக்­கும் மாறாக பல­வித இடர்­பா­டு­க­ளி­லும் உங்­களை தள்ளி, ஏதோ சொற்ப லாபங்­களை மட்­டும் கொடுத்­துக் கொண்­டி­ருந்­தார். 100 சத­வீத முயற்­சி­க­ளில்  60 சத­வீத நன்­மை­களை மட்­டும் செய்து கொடுத்­தார். அது­வும் பற்­றாக்­கு­றை­யா­கப் போனது. இந்த ராசி சில­ருக்கு தேவை­யற்ற சொத்து இழப்­பு­க­ளை­யும், காரிய முடி­வின்­மை­யை­யும், இழு­ப­றி­க­ளை­யும், விரோ­தங்­க­ளை­யும் ஏற்­ப­டுத்தி எதை­யும் நிம்­ம­தி­யாக அனு­ப­விக்க முடி­யா­மல்­தான் செய்­தி­ருப்­பார். கார­ணம் மகர ராசிக்கு 12ம் இடத்­தில் மறைந்­தார்.

இதற்­கி­டை­யில் 2019ம் ஆண்­டில் பிப்­ர­வரி மாத 13ம் தேதி ராகு-­கே­துக்­கள் 5, 11ஆக வந்து நின்­றன. அதே நேரம் அங்கே 10ம் இடத்­தில் குரு பக­வான் சரி­யில்­லாத நிலை­யில் அமர்ந்­தி­ருந்­தார். அதன்­பி­றகு 2019, மார்ச் மாத­வாக்­கில் குரு­ப­க­வான் தன்­னு­டைய லாப வீட்­டுக்கு வந்­தார்.அதன் பொருட்டு எல்லா விஷ­யங்­க­ளும் கொஞ்­சம் நல்­ல­ப­டி­யா­க­வும், அதே தரு­ணம்  கெடு­பி­டி­யா­க­வும் மாறி நடந்­தது.

ஆகவே 11ம் இடம் சனிக்கு உகந்த இட­மாக இது­வரை இருந்­தா­லும், நீங்­களோ சனி­ப­க­வா­னால் எந்த உகந்த நன்­மை­யை­யும் சரி­யாக அனு­ப­விக்க வில்லை என்­பதே உண்மை. இப்­போது வரு­கிற 2020, டிசம்­பர் மாத 27ம் தேதி முதல் லாப சனியை விட்டு, விரய சனி­யாக ஏழ­ரையை துவக்­கு­கி­றார். இதனை நினைத்து பெரும்­ப­டி­யாக நீங்­கள் பயந்­து­வி­டக்­கூ­டாது.

கார­ணம் ராசி­நா­தன் அல்­லவா! எனவே பெரிய விர­யங்­கள் எது ரூப­மாக ஆனா­லும், எல்­லாமே உப­யோ­க­க­ர­மான விர­யங்­கள்­தான் என்று சொல்ல வேண்­டும் கும்ப ராசிக்கு!

அதே நேரம் இந்த ராசி­யி­னர் 61 வயது முதல் 66 வய­துக்­குள் இருப்­பின், இந்த விரய சனி­யால் சில கெடு­பிடி பலன்­கள் ஏற்­ப­டத்­தான் செய்­யும். அத­னால் இவர்­க­ளா­கவே முன் வந்து தங்­க­ளது நிர்­வாக விஷ­யங்­களை சரி­செய்து கத்­த­ரித்து, நிர்­வாக வட்­டத்தை சற்றே சுருக்­கிக் கொள்­வது நலம். இல்­லை­யெ­னில், தங்­க­ளது வாரி­சு­க­ளின் பொறுப்­பில் நிர்­வாக விஷ­யங்­கள் அனைத்­தை­யும் ஒப்­ப­டைப்­பது நலம். அதே வேளை இந்த ராசி­யி­னர் 1965, 1966, 1968, 1969ம் ஆண்­டு­க­ளில் பிறந்­தி­ருப்­பின்  இந்­தச் சனிப்­பெ­யர்ச்சி இவர்­க­ளுக் கான சூப்­பர் பெயர்ச்­சியே!

கும்ப ராசி­யி­னர் அனை­வ­ருக்­கும் இந்­தச் சனிப்­பெ­யர்ச்சி 70 சத­வீத மேன்­மை­க­ளையே கொடுக்­கப் போகி­றது. கார­ணம் ராசி­நா­த­னும், தன லாப அதி­ப­தி­யும் ஒரே இடத்­தில் சேர்­வது அட்­ட­கா­ச­மான அதிர்ஷ்ட அமைப்பு! இத­னைக் கொண்டு இந்த 2 ½ ஆண்­டு­களை செம்­மை­யாக பயன்­ப­டுத்­திக் கொள்­ள­லாம்.

இந்­தச் சனிப்­பெ­யர் ச்சிக்கு முன்­பா­கவே அவிட்­டம் மற்­றும் பூரட்­டாதி நட்­சத்­தி­ரத்­தி­ன­ருக்கு 2019 நவம்­ப­ரி­லி­ருந்து ஓர­ளவு சுப­மான சுப விஷ­யங்­கள், ஏற்­றங்­கள், விசேஷ வைப­வங்­கள், திரு­மண சந்­தோ­ஷங்­கள் என்று களை­கட்­டிக் கொண்­டி­ருக்­கி­ற­து­தான்!

எனவே இந்­தச் பெயர்ச்சி ஆன­வு­டன் வரு­கிற 2021, பிப்­ர­வரி 3ம் தேதி­யி­லி­ருந்து கும்ப ராசி­யி­னர் அனை­வ­ருக்­கும் சிறப்­பான நன்­மை­கள் உயர்­வா­கவே நடக்­கும். பழைய பிரச்­னை­க­ளுக்கு தீர்வு கிடைக்­கும். விட்­டது, போனது வந்­தது எல்­லாம் ஒரு வழி­யாக நல்ல முடி­வுக்கு வந்து இவர்­களை ஸ்திரப்­ப­டுத்­தப் போகி­றது.

ஆனா­லும் 4ம் இடத்­தில் ராகு­வும், 10ம் இடத்­தில் கேது­வும், ஒரே ராசி­யில் நீச குரு­வும் நிற்­பது சற்றே கொஞ்­சம் போராட்­ட­மான அமைப்­பு­தான். இதி­லி­ருந்து மீளக்­கூ­டிய முகாந்­தி­ர­மும் கும்ப ராசி­யி­ன­ருக்கு உண்டு.

அதோடு இந்­தச் சனிப்­பெ­யர்ச்சி தொட்டு, எந்த முக்­கி­ய­மான விஷ­யத்­தை­யும் எக்­கா­ர­ணம் கொண்­டும் தள்ளி போடக்­கூ­டாது. அவ­சி­ய­மான காரி­யங்­க­ளில் அலட்­சி­யம் கூடவே கூடாது. அதிக நெருக்­கம் இல்­லாத உற­வு­க­ளி­டம் பார்த்து கவ­ன­மாக பழக வேண்­டி­யது அவ­சி­யம். 

3ம் நபரை எக்­கா­ர­ணம் கொண்­டும், இல்­லத்­துக்­குள் அனு­ம­திப்­பதை தவிர்க்க வேண்­டிய காலக்­கட்­ட­மிது!

மதிப்­புள்ள மனையை, சொத்தை அவ­ச­ரப்­பட்டு விற்­ப­தற்கு முயற்­சிக்­கக் கூடாது. அதோடு எது கார­ண­மா­கவோ, சொந்த ஊரை விட்டு, வீட்டை விட்டு அய­லுா­ருக்கு குடி புக நேரும் பட்­சத்­தில், சொந்த இருப்­பி­டத்தை பிற­ரது பாது­காப்­பில் விட்­டுப் போவது நலம்!

மற்­ற­படி ஆரோக்­கிய வகை­யில் ஒரு மாதம் விட்டு ஒரு மாதம் ஏதே­னும் சின்ன சின்ன சச்­ச­ர­வு­கள் தோன்­றித்­தான் மறை­யும். ஆனா­லும் பெரி­ய­ளவு பாத­கம் எது­வும் ஏற்­பட்­டு­வி­டாது.

அடுத்­த­தாக  38 வயது முதல் 46 வய­துக்­குள் இருக்­கிற இந்த ராசி­யி­ன­ருக்கு பொங்­கு­சனி காலம். ஆகவே குறிப்­பாக சனிப்­பெ­யர்ச்சி ஆன­தி­லி­ருந்து  3½ மாதத்­துக்­குள் அவிட்ட நட்­சத்­தி­ரத்­தி­ன­ரின் இல்­லத்­துக்­குள் வெகு யோக­க­ர­மான உயர்வு சம்­ப­வங்­கள், புது வீடு அமை­தல், திடீர் பரிசு பண சேர்க்­கை­கள், தொழில் விருத்தி, கல்­யா­ணம் காட்சி நல்­ல­ப­டி­யாக ஈடே­றும். பூர்­வீக ஆஸ்­தி­கள் சேரு­தல், பாட்­ட­னார் வழி சொத்­துக்­கள் கைக­ளுக்கு கிடைத்­தல் என்று ஏக களே­ப­ர­மாக அனைத்து சுப சோபன சம்­ப­வங்­கள் நடக்­கப் போகிற உன்­னத மான காலம்.

அதே நேரம் இவர்­கள் வரு­கிற 2021, மார்ச் மாதத்­துக்கு பிறகு 13 மாதங்­கள் எல்லா விஷ­யத்­தி­லும் சர்வ கவ­ன­மாக இருக்­க­ணும். போட்டி பந்­த­யங்­க­ளில் ஈடு­பாட்டை குறைக்­க­ணும். உத்­தி­யோ­கம், பதவி விஷ­யங்­க­ளில் பொறுப்­பாக நடந்து கொள்­ள­ணும். அதி­கா­ரி­க­ளி­டம் அமை­தி­யாக பேச­ணும் என்று 12ல் மறைந்­தி­ருக்­கிற ராசி­நா­த­னான சனி சொல்­கி­றார்.

பூரட்­டா­தி­யி­ன­ருக்கு இந்­தச் சனிப்­பெ­யர்ச்சி தொடங்­கி­ய­தி­லி­ருந்து 8 மாதங்­கள் வெகு அற்­பு­த­மாக இருக்­கப் போகி­றது. எது நினைத்­தா­லும், திட்­ட­மிட்­டா­லும் சுப­மா­கவே நடந்து முடிய போகி­றது. வீடு வாங்­க­லாம், விர­யங்­களை தங்­க­ளுக்கு சாத­க­மாக பயன்­ப­டுத்­திக் கொள்­ள­ணும். போட்டி,  பொறாமை, எதிர்ப்­பு­க­ளில் வெற்றி கொள்­ள­லாம்.

சதய நட்­சத்­தி­ரத்­தி­னர் இந்த லாப சனி நேரத்­தி­லும் கொஞ்­சம் சரி­யில்­லாத மன­நி­லை­யோ­டும், காரண, காரி­ய­மற்ற அலைக்­க­ழிப்­போ­டும் விர­யங்­களை அதி­கப்­ப­டி­யாக சந்­தித்­துக் கொண்டு இருக்­கி­றார்­கள். கார­ணம் சனி­ப­க­வா­னின் தாரா­ப­லம் சரி­யாக கிடைக்­க­வில்லை இவர்­க­ளுக்கு! இப்­போது 2020, டிசம்­பர் 27ம் தேதி பெயர்ச்­சி­யா­கிற சனி இந்த நட்­சத்­தி­ரத்­தி­னரை 5 ½ மாதங்­கள் லேசாக கிலே­சப்­ப­டுத்­து­வார்­தான்!

பெண்களுக்கும், இல்லத்தரசிகளுக்கும் மிகப்பெரிய சந்தோஷ சவுகரியங்கள் நிரம்பி வழியப் போகிற காலக்கட்டம் உதயமாகி இருக்கிறது இந்த பெயர்ச்சி மூலம்! பல ஆண்டுகளாக நீடிக்கிற குடும்பச் சிக்கல்களும், வாழ்க்கைத்துணை ரீதியான கருத்து இடையூறுகளும் மாறப் போகிறது. ஆபரண இழப்புகளுக்கெல்லாம் நல்ல திருப்பம் ஏற்படப் போகிறது. இந்த ராசி சதய நட்சத்திர இளம் பெண்கள் சற்றே எல்லா விஷயத்திலும், பிற நட்பு விஷயத்திலும் இந்தச் சனிப்பெயர்ச்சி தொடங்கி ஏழு மாத காலம் கவனமாக இருக்கணும். குடும்பத்தாரின் அறிவுரைகளை மீறக்கூடாது,

விவசாயிகளுக்கு இந்தப் பெயர்ச்சி தொட்டு உற்பத்தி ரீதியான சங்கடங்கள், விரயங்கள் எல்லாம் தீர்ந்து விட இருக்கிறது. ஆதாய நிலைமை அபரிமிதமாகவே உயரும். புதிய நிலபுலன் சேர்க்கையை வருகிற 2021, மே மாதத்திற்கு பிறகு சந்திக்கப் போகிறார்கள்.

மாணவ, மாணவிகள் சதயத்தினர் மட்டும் இந்தச் சனிப்பெயர்ச்சி தொட்டு 4 ½ மாத காலம் கல்வியில் அதிக விழிப்போடு இருக்கணும். கொஞ்சம்கூட மனதில் அலட்சியம் என்பதே உதயமாக கூடாத தருணமிது! அவிட்ட நட்சத்திரத்தினருக்கு வருகிற 2021, பிப்ரவரி 10-ம் தேதிக்குள் கல்வி சார்பான அனைத்து தேவைகளும் நல்லபடியாக பூர்த்தியாகும் குடும்பத்தாரால்!

தொழிலதிபர்களுக்கு இந்த விரய சனிப்பெயர்ச்சியிலும் ஏகப்பட்ட சந்தோஷ உயர்வுகளை சனிபகவான் கொடுக்கப் போகிறார். மீள முடியாத நஷ்டத்திலிருந்து மீள வைக்கப் போகிறார். புதிய கூட்டாளிகளை இணைத்து வைக்கப் போகிறார். நுணுக்கமான தயாரிப்புகளிலும் இறங்கி பெரிய லாபத்தைக் கொடுக்கப் போகிறார்.

அரசியல்வாதிகள் குறிப்பாக பூரட்டாதியினர் துணிந்து களம் இறங்கப் போகிறார்கள். தங்களது கட்சியின் துணையால்!. இந்த சனிப்பெயர்ச்சி தொட்டு  77வது தினம் முடிவதற்குள் தடாலடியான உயர்வுகள் கட்சிரீதியாகவும், கட்சி மேலிட ரீதியாகவும் ஆச்சரியப்படும்படி கிடைக்கப் போகிறது.


இந்தப் பெயர்ச்சி தொட்டு, வருகிற 2½ ஆண்டுக்குள் வரும் மார்கழி, சித்திரை, ஆனி, ஆடி, கார்த்திகை மாதங்கள், வெகு அற்புதமாக இருக்கும். அடுத்ததாக இந்த காலக்கட்டத்துக்குள் வருகிற அவிட்டம், உத்திரட்டாதி, அஸ்விணி, ரோகிணி, திருவாதிரை, பூசம் நட்சத்திரம் வருகிற தினங்களிலெல்லாம் பணம், பொருள், வரவுகள், புத்திர பாக்கிய சந்தோஷங்கள், திருமண சுபகாரிய முடிவுகள் நடக்கப் போகிறது.

இந்தப் பெயர்ச்சி தொடங்கியவுடன் தொடர்ச்சியாக ஸ்ரீகாலபைரவர் வழிபாடும், ஸ்ரீசிவபெருமான் வழிபாடும் வைத்துக்கொள்வதும் நலம். செவ்வாய்க்கிழமைகளில் சித்தர் பீடங்களை நாடி பிரார்த்தனை செய்து கொள்வது நலம். குறைந்த பட்சம் மூன்று மாதங்களுக்கு ஒரு முறையாவது குலதெய்வ பிரார்த்தனைகள் முக்கியம்.

மீனம்

மீனம்

(பூரட்டாதி 4ம் பாதம், உத்திரட்டாதி, ரேவதி)

மீனம் ராசி வாச­கர்­களே!

எந்த ஒரு காரி­யத்­தை­யும், நேர்த்­தி­யா­க­வும், சுத்­த­மா­க­வும் செய்து முடிக்­கக்­கூ­டிய வல்­ல­மைப் படைத்த மீன ராசிக்­கா­ரர்­க­ளா­கிய உங்­க­ளுக்கு சூப்­பர் சனிப்­பெ­யர்ச்சி! இது.

அதோடு உங்­கள் ராசிக்கு  கெட்­ட­வ­ராக சுக்­கி­ர­னும், சூரி­ய­னும் இருப்­ப­தால் இவர்­கள் இரு­வ­ரும் இணைந்து லக்­னத்­திற்கு 2வது வீட்­டிலோ அல்­லது 10வது வீட்­டிலோ அமர்ந்து விடு­கிற பட்­சத்­தில், உங்­களை விட வச­திக் காரர்­கள் இந்த உல­கத்­தில் சற்றே யாரும் இருக்க முடி­யாது.

தேவ குரு­வான ஸ்ரீகு­ரு­ப­க­வா­னின் சொந்த வீட்டை ஆட்சி வீடாக கொண்ட மீனின் வடி­வத்தை ஆதிக்க ராசி­யாக அடைந்த மீன­ரா­சிக்­கா­ரர்­க­ளான, உங்­க­ளது மிகப்­பெ­ரிய கொள்கை, தாரக மந்­தி­ரமே கவு­ர­வம்! கவு­ர­வம்! சாத்­தி­ய­மா­னதை மட்­டும் செயல்­ப­டுத்­து­வீர்­கள், சாத்­தி­யம் இல்­லா­த­தி­லும் சில நேரம் இறங்கி கலக்கி விடு­வீர்­கள். பூரண ஆயு­ளுக்கு சொந்­தக்­கா­ரர்­கள்.

2018ம் ஆண்­டி­லி­ருந்து நீங்­கள் படா­த­பா­டில்லை! கார­ணம் மீன ராசிக்கு சனி­ப­க­வான் மிக கடும் பாவி ஆவார்! லாப அதி­பன் என்ற முறை­யில் மட்­டும் லேசாக அவ்­வப்­போது சில நன்­மை­களை செய்­வாரே தவிர, முழு­மை­யான யோக உயர்­வு­களை, அதிர்ஷ்­டங்­களை சனி­ப­க­வா­னால் கொடுக்க முடி­யா­து­தான்!.

சனி­ப­க­வான் 2017ம் ஆண்டு முதல் 10ம் இட­மான உங்­கள் ராசிக்கு தொழில் ஜீவன பதவி காரிய ஸ்தானத்­தில் அமர்ந்­தி­ருந்த நிலை­யால் உங்­களை நோக்கி பிரச்னை அஸ்­தி­ரங்­கள் ஒவ்­வொன்­றாக மாறி மாறி வந்து உங்­களை தாக்­கிக் கொண்டே இருந்­தன. உங்­களை உயரே ஏற விட்டு விட்டு, எவரோ வந்து ஏணியை எடுத்­து­விட்­டுப் போன கதை­யாக போனது!.

2018 பிப்­ர­வரி மாத 8ம் தேதி முதல் நடப்பு வரு­ட­மான 2020 வரை எந்த வித பெரிய நிவர்த்தி களை­யும், அவ­ரால் செய்­தி­ருக்க முடி­யாது. அதே நேரம் 2018, 6வது மாதத்­திற்கு பிறகு ஏற்­பட்ட  ராகு-­கேது பெயர்ச்­சி­யால் மட்­டும் கொஞ்­சம் லேசாக நிம்­மதி பெரு­மூச்சை விட்­டி­ருப்­பீர்­கள்! கார­ணம் 10ம் இட சனி­யின் கெடு­ப­லன்­களை கேது கிர­கம் தடுத்­தி­ருக்­கும்.

அடுத்­த­தாக ஏற்­பட்ட குருப்­பெ­யர்ச்­சி­யால் சனி­யின் தாக்­கு­தல் இன்­னும் சற்று குறைந்­தி­ருக்­கும். இனி லாப சனி­யாக வந்து அம­ரப்­போ­கி­றார்.

அதே நேரம் ஏற்­க­னவே 2020 நவம்­பர் மாத 15ம் தேதி, பெயர்ச்­சி­யா­கி­விட்ட ராசி­நா­த­னான லாப குரு­வாக நிற்­கிற குரு­ப­க­வா­னோடு வந்து இணை­யப் போகி­றார்.

குடும்­பத்­துக்­குள் நிலவி வரு­கிற அநா­வ­சிய கூச்­சல் குழப்­பங்­க­ளை­யெல்­லாம் துடைத்­தெ­றி­யப் போகி­றார். சனி­ப­க­வா­னுக்கு உகந்த இடங்­க­ளான 3, 5, 6, 9,11ல் 11ம் இடம் மட்­டும் வெகு சிறப்­பான சனிக்கே உரிய இடம்!

அத­னால் இது­வரை என்­னென்ன சங்­க­டங்­கள் உங்­களை தொட்­டதோ, அத்­த­னை­யும் விட்டு போகப் போகி­றது. உற­வு­க­ளால் உதா­சீ­னப்­ப­டுத்­தப்­பட்ட நீங்­கள் இனி­மேல் அனை­வ­ரை­யும் துச்­ச­மாக பார்க்­கிற பார்வை உங்­க­ளுக்கு சொந்­த­மா­கப் போகி­றது. குறிப்­பாக சொல்­லப்­போ­னால் 12 ராசி­க­ளில் இப்­போது அதிக ராஜ­யோக கிரக பலத்­து­டன் அதிர்ஷ்ட ராசி­யாக மீன ராசி­தான் முத­லி­டத்­தில் நிற்­கி­றது. கார­ணம் ராசிக்கு 3ம் இடத்­தில் ராகு, 9ம் இடத்­தில் கேது, 11ம் இடத்­தில் குரு, சனி சேர்க்கை என்ற கிரக சேர்க்கை கலந்த இந்­தப் பெயர்ச்சி!

 இந்த அற்­பு­த­மான கிரக அமைப்பை பயன்­ப­டுத்­திக் கொண்டு அக­லக்­கால் வைக்­கா­மல், நினைத்­ததை உடனே களம் இறங்கி செய்­யக்­கூ­டிய முயற்­சி­யு­டன் இருப்­ப­தும், அநா­வ­சிய கடன் வாங்­கு­வதை தவிர்ப்­பது நலம்.

குடும்­பத்­தா­ரின் நலன்­களை மட்­டும் தற்­கா­லம் கருத்­தில் கொண்டு, மிச்­ச­மி­ருக்­கிற நேரத்­திற்கு அடுத்­த­வர் நலனை பாராட்­டு­வது நலம்.

அடுத்­த­தாக குரு­ப­க­வான் முயற்சி ஸ்தானத்­தை­யும், பூர்வ புண்­ணிய ஸ்தானத்­தை­யும், வாழ்க்­கைத்­து­ணை­யின் ஸ்தானத்­தை­யும் பார்த்­துக் கொண்­டி­ருப்­ப­தும், தற்­கா­லம் சனி­ப­க­வான் 11ம் இடத்­தில் நின்று இஷ்­டப்­பட்ட லாபங்­க­ளை­யெல்­லாம் தொடர்ச்­சி­யாக வழங்­கப் போவ­தும் உங்­க­ளுக்­கான மிகப்­பெ­ரிய சாதக அதிர்ஷ்ட அமைப்பு என்­ப­தால், இந்­தப் பெயர்ச்­சி­யின்­போது இருக்­கிற உல­வு­கிற கிரக நிலை­கள் போல், அடுத்து வரும் காலக்­கட்­டம் அமை­யுமா? என்­பது சற்றே சந்­தே­கமே!

இந்த 2½ ஆண்டு காலம் போதும் உங்­க­ளது ஒட்டு மொத்த வளர்ச்­சிக்­குமே! அதோடு இனி­மேல் உங்­களை எளி­தாக யாரும் ஏமாற்றி விட்டு ஓடி விட முடி­யாது. இது­வல்­லா­மல் குடும்­பமே, உற­வு­களே, சில நேரம் அநா­வ­சி­ய­மாக உங்­க­ளுக்கு எதி­ரி­யாகி இருக்­க­லாம். இந்த நிலை­மை­யும் வாழ்க்­கைத் துணை உங்­களை புரிந்து கொள்­ளா­மல், உங்­க­ளது கஷ்ட நஷ்­டங்­களை உண­ரா­மல் ஏனோ­தானோ குடும்ப வாழ்க்­கையை உங்­க­ளு­டன் சேர்ந்­துக் கொண்டே விட்­டேத்­தி­யாக நடத்­திக்­கொண்டு வந்த நிலை­மை­யெல்­லாம் காற்­றோடு பறக்­கப் போகி­றது.

இல்­லத்­தார் வகை­யில் ஏற்­பட்ட உடல்­ந­லக் குறைவு சம்­பந்­த­மான மருத்­துவ விர­யங்­கள் அனைத்­திற்­கும் விடு­தலை கிடைக்­கப் போகிற நேரம் உரு­வாகி விட்­டது. அடுத்­தப்­ப­டி­யாக சமீ­பத்­தில் திரு­ம­ணம் முடிந்து வாழ்க்­கைத்­து­ணை­யால் பல­வித சஞ்­ச­லங்­க­ளுக்கு விடிவு உண்டு!

புது வீடு கட்­டத் துவங்கி, பாதி­யில் நின்­று­விட்ட கோளா­றுக்­கும், வீடு கட்­டு­வ­தற்கு உண்­டான வங்­கிக்­க­டன் முயற்­சிக்கு முட்­டுக்­கட்டை விழுந்­த­தற்­கும், தொழி­லில், வியா­பா­ரத்­தில் ஏற்­பட்ட நஷ்­டங்­க­ளை­யும், ஸ்தம்­பிப்பு களை­யும் சந்­தித்த கடு­மை­யான சூழல்­க­ளுக்­கும் புதிய விடி­வு­கா­லத்தை 11ம் இட சனி தரப்­போ­கி­றார். அதற்­காக வே லாபஸ்­தா­னத்­தில் வந்து அமர்ந்­தி­ருக்­கி­றார். அத­னால் 2018ம் ஆண்­டி­லி­ருந்து ஏற்­பட்ட பல சச்­ச­ர­வு­க­ளுக்­கும் சந்­தோஷ நிவர்த்­தி­கள் ஏற்­ப­டப் போகி­றது.

இனி­மேல் நினைத்­தது அனைத்­தை­யும் நடத்­திக்­கொள்ள முடி­யும், வாரி­சு­கள் சார்­பான சஞ்­ச­லங்­க­ளுக்கு நிம்­ம­தியை சந்­திக்க முடி­யும். உள்­ளூர் மரி­யாதை சரிந்­துக்­கொண்­டி­ருப்­பதை நிமிர்த்து விட முடி­யும். பெரிய கடன், கண்ணி விஷ­யங்­க­ளி­லி­ருந்து விடு­பட்டு வெளி­யில் வந்து விட முடி­யும். கொடுக்­கல்-­வாங்­கல் சச்­ச­ர­வு­கள் அனைத்­தும் தானா­கவே தீர்ந்து விடும்.

இந்­தப் பெயர்ச்சி ஆன­தி­லி­ருந்து பூரட்­டாதி நட்­சத்­தி­ரத்­தி­ன­ருக்கு புதிய சொத்­து­பத்து சேர்க்­கை­க­ளும், சுப­கா­ரிய சந்­தோ­ஷங்­க­ளும், திரு­மண நிறை­வேற்ற வைப­வங்­க­ளும் இவர்­க­ளுக்­கென மிக எளி­தாக நிறை­வே­றப் போகி­றது.

ரேவதி நட்­சத்­தி­ரத்­தா­ருக்கு 2020, ஜூன் மாதத்­தி­லி­ருந்தே சனி­ப­க­வா­னால் சுபிட்ச ஏற்­றங்­கள் நிறை­வாக கிடைத்­துக்­கொண்­டி­ருக்­கின்­றன. இல்­லத்­துக்­குள் திடீர் சுப வைப­வங்­க­ளும், பொரு­ளா­தார வளர்ச்­சி­க­ளும் கரை­பு­ரண்டு கொண்­டி­ருக்­கின்­றன. இந்த நிலைமை இவ­ரது மகர ராசிக்­குள் பெயர்ச்­சி­யா­கிற நிலை­மை­யால் இன்­னும் கூடு­த­லான உயர்­வு­களை அதி­கப்­ப­டி­யாக கொடுக்­கக்­கூ­டிய பெயர்ச்­சி­யாக இருக்­கப் போகி­றது.

சட்­டென்று வாரி­சு­க­ளின் திரு­ம­ணக்­க­னவு, உத்­தி­யோ­கக் கனவு மற்­றும் முத­லாளி கனவு போன்­றவை களை இவர்­க­ளது சொந்த பொறுப்­பில் நின்று நிறை­வேற்றி விட இருக்­கி­றார்­கள். அடுத்­த­தாக சொத்­து­பத்து சமாச்சா ரங்­க­ளெல்­லாம் ஒழுங்­கான முடி­வுக்­கும் வரும்.

உத்­தி­ரட்­டா­தி­யி­ன­ருக்கு இவ­ரது சஞ்­சார நட்­சத்­திர ரீதி­யாக 2020, மே மாதத்­தி­லி­ருந்தே சற்றே சரி­யில்லை! இந்த நிலைமை இவர் பெயர்ச்­சி­யா­னப் பிற­கும்  54 தினங்­கள் நீடிக்­க­லாம். அத­னால் ஒவ்­வொரு விஷ­யத்­தை­யும் கொஞ்­சம் கொஞ்­ச­மாக சரி­செய்ய அதி­லி­ருந்து வெளி­வர முயற்­சித்­துக்­கொண்­டி­ருந்­தால் போது­மா­னது. இவர்­க­ளுக்கு இந்த 54 தினங்­கள் கடந்த பிறகு 14 மாதங்­கள் சனி­ப­க­வா­னால் அற்­பு­த­மான உயர்வு ஏற்­றங்­கள், சுபிட்­சங்­கள், சுப­கா­ரிய திருப்­தி­கள் கண்­டிப்­பாக உண்டு. ஆனா­லும் இந்த 2 ½ ஆண்­டுக் கால­மும் அதா­வது 2023, மார்ச் மாத 20ம் தேதி வரை பொன்­னான கால­மா­கத்­தான் இவர்­க­ளுக்கு சுழ­லப் போகி­றது!

ரேவதி நட்­சத்­திர இளம் தம்­ப­தி­யி­ன­ருக்கு குறிப்­பாக 1985-86, 1989-90-ம் ஆண்­டு­க­ளில் பிறந்­த­வர்­க­ளுக்கு இந்­தச் சனிப்­பெ­யர்ச்சி அதிர்ஷ்­ட­க­ர­மான புத்­தி­ரப் பாக்­கி­யத்தை வழங்­கி­விட்டு செல்­லப்­போ­கி­றது.

இந்த ராசி பெண்மணிகளுக்கு பொன், பொருள், ஆபரணச்சேர்க்கைகளும், வீடு வாகன சந்தோஷங்களும் தங்களது பெயரில் சொத்து-பத்து பதிவாகப் போவதும், பல ஆண்டுகளாக தாய்வழி சொத்துக்காக கோர்ட், போலீசில் போராடி வருகிற போராட்ட வழக்குகளுக்கெல்லாம் வெற்றியும் கிடைக்கப் போகிறது.

தொழிலதிபர்கள் தங்களது நிலை உயரப் பெற இருக்கிறார்கள் மிக மிக அற்புதமான அதிர்ஷ்ட மேன்மைகளுடன்! அதோடு பெரிய பட்ஜெட் விஷயங்களும், அயலுார், அயல்மாநில, அயல்தேச தொழில் தொடக்கங்களும் இந்த சனிப்பெயர்ச்சி தொட்டு வெகு அற்புதமாக வளர இருக்கிறது. தொழில் கூட்டாளிகளால் ஏற்படும்.

விவசாயிகளுக்கு புதிய சந்தோஷங்கள் நிலபுலன்களுக்கு அரசு சார்ந்த சகாயங்கள், தேவைப்பட்ட பொருளாதாரம் உற்பத்திக்காக சரளமாகப் போவது போன்றவைகள் நடந்து புதிய விவசாய நிலபுலன் சேர்க்கைகளுக்கும் சாத்தியமிருக்கிறது. குறிப்பாக உத்திரட்டாதி மற்றும் ரேவதியினருக்கு!

மாணவ - மாணவிகளுக்கு இந்த சனிப்பெயர்ச்சி தொட்டு தான் தனக்கென தனிப்பட்ட யோசனை எதிர்காலத்துக்கென உதயமாகி அதற்கான களத்தில் கால்வைத்து கல்வி ரீதியான சாதனையை படைக்கப் போகிறார்கள். தாங்கள் விருப்பப்படுகிற உயர்க் கல்விக்கு அரசாங்க ரீதியாக உண்டு.

அரசியல்வாதிகள் இதுநாள் வரை கட்சிக்காக, பொது வாழ்க்கைக்காக பாடுப்பட்ட நிலைமைகளுக்கு ஏற்ற புகழை, அந்தஸ்தை, புதியதொரு உயர்வை, தலைமையைக் கொடுக்கப் போகிறது.

இந்தச் சனிப்பெயர்ச்சி தொட்டு வருகிற 2023ம் ஆண்டு வரை வருகிற தமிழ் மாதங்களான வைகாசி, ஆடி, ஆவணி, கார்த்திகை, மார்கழி, தை மாதங்கள் அனைத்தும் வெகு அற்புதமான யோக உயர்வு பலன்களை, சுபகாரிய சந்தோஷங்களை, புத்திர பாக்கிய மகிழ்ச்சிகளை, தரப்போகிறது.

இந்த 2023 வரை வருகிற, தமிழ் மாதங்களான பங்குனி, சித்திரை, ஆனி, புரட்டாசி மாதங்கள் அனைத்து விஷயத்திலும் சற்றே கவனமாக நடைபோட வேண்டியது அவசியம். அதோடு இந்த 2½ ஆண்டு காலக்கட்டத்திற்குள் வருகிற பரணி, ரோகிணி, புனர்பூசம், பூசம், மகம், சுவாதி, கேட்டை, திருவோணம் வரும் நாட்களில் எல்லாம் அற்புதமான உயர்வு தடாலடி பலன்கள் கண்டிப்பாக காத்திருக்கிறது

இந்த 2½ ஆண்டும், மீன ராசியினர் தொடர்ச்சியாக ஸ்ரீசுப்ரமணியர் மற்றும் ஸ்ரீவெங்கடாஜலபதி வழிபாடுகளை தொடர்ச்சியாக செய்து வருவதும், பிரதி செவ்வாய்தோறும் எமகண்ட வேளையில் ஸ்ரீவிநாயகப் பெருமானுக்கு அருகம்புல் சாற்றி, சிதறு தேங்காய் அடித்து அர்ச்சனை செய்து வழிபடுவதும் ஏக சிறப்பாக இந்தச் சனிப்பெயர்ச்சிக் காலத்தை வைத்துக்கொள்ளும்.



சனி, சனீஸ்வரன் ஆன வரலாறு ?

நவக்கிரங்களில் ஒன்றான சனிபகவானை ‘சனீஸ்வரன்’ என்று சிவனின் நாமத்தையும் சேர்த்து வழிபடுகிறோம். ஏன் அப்படி வழிபடும் பழக்கம் ஏற்பட்டது? எப்படி சனி, ‘சனீஸ்வரன்’ ஆனார்?

சூரியனுக்கு உஷாதேவி (சுவர்க்கலா தேவி) சாயாதேவி என்று இரண்டு மனைவிகள். சாயாதேவிக்கு பிறந்த கிருதவர்மா என்ற மகன்தான் பின்னாளில் சனீஸ்வரபகவானாக மாறினார். கருமை நிறம் கொண்ட சனீஸ்வரனுக்கும் ஒளியாக மின்னும் சூரியனுக்கும் பகை உணர்வு ஏற்பட்டது.

சனிபகவானுக்கு, சிவன் மீதுதான் பக்தி அதிகமாக இருந்தது. சிவனுக்கு நிகரான நிலையை அடையவேண்டும் என்று விரும்பிய சனிபகவான் காசிக்குச் சென்று லிங்கம் ஒன்றை நிறுவி கடும் தவம் செய்தார். அவரது பக்தியைக் கண்டு மனம் இரங்கிய சிவபெருமான் “உனக்கு என்ன வரம் வேண்டும்” என்று கேட்டார்.

அதற்கு சனி, “எனக்கு என் தந்தை சூரியனை விட அதிக பலமும் பார்வையும் வேண்டும். என் பார்வையில் இருந்து யாரும் தப்பக்கூடாது. என் பார்வைப்பட்டால் மற்றவர்கள் தங்கள் பலத்தை இழந்து விட வேண்டும். நவக்கிரகங்களில் எனக்கு மட்டுமே அதிக பலம் வேண்டும்.

சுருக்கமாக சொல்லவேண்டுமானால் தங்களுக்கு அடுத்த இடத்தை எனக்கு தர வேண்டும்” என்றார். அவரது வேண்டுகோளை ஏற்றுக் கொண்ட சிவபெருமான் உனக்கும் ‘ஈஸ்வரன்’ என்ற பட்டம் தருகிறேன். இன்றுமுதல் நீ ‘சனீஸ்வரன்’ என்று அழைக்கப்படுவாய் என்றார். இப்படித்தான் சனிக்கு, ஈஸ்வர அந்தஸ்து கிடைத்தது.

 

சனிபகவான் அருள்பாலிக்கும் தலங்கள்!

சனிபகவான் என்றதுமே எல்லாருக்கும் திருநள்ளாறுதான் நினைவுக்கு வரும். திருநள்ளாறு மட்டுமல்ல, இன்னும் சில தலங்களில் சனீஸ்வர பகவான் அருள்புரிகிறார். அவற்றையும் தரிசிக்கலாமா?

திருநள்ளாறு

காரைக்கால் திருநள்ளாறு அருகே நள மகா சக்கரவர்த்தியின் ஏழரை நாட்டுச் சனி விலகிய தலம் இது. இங்குள்ள நளத்தீர்த்தம் விசேஷம் மிக்கது. இந்த குளத்தில் நீராடி, தர்ப்பா ரண்யேஸ்வரரையும், சனி பகவானையும் வழிபாடு செய்தால், சனி தோஷங்கள் விலகும்.

குச்சனுார்

தேனி மாவட்டம், உத்தமபாளையத்தில் உள்ளது குச்சனுார். இங்கு சனிபகவான் சுயம்பு மூர்த்தியாய் அருள்கிறார். கல் துாணாக பூமியில் இருந்து தோன்றிய மூர்த்தம் இது. நீதியை வழங்குபவராகவும், வயிற்று வலி நீக்குபவராகவும் இந்த குச்சனுார் சனீஸ்வரன் திகழ்கிறார்.

எட்டியத்தளி

புதுக்கோட்டை, அறந்தாங்கியில் இருந்து 5 கி.மீ. துாரத்தில் உள்ளது எட்டியத்தளி. அகத்தியமுனிவர், காசி விஸ்வநாதரை வணங்கிவிட்டு, இத்தலத்திற்கு வருகை தந்தார். அப்போது அஷ்டமச்சனியால் பாதிக்கப் பட்டிருந்த தொண்டை மண்டல மன்னன் காளிங்கராயன், தன்னுடைய சனிதோஷம் நீங்குவதற்காக திருநள்ளாறு தலத்திற்கு இந்த வழியாகச் சென்றார். அந்த மன்னனை அகத்தியர் தடுத்து நிறுத்தி, அஷ்டமச்சனிக்கு பரிகாரமாக தான் பூஜித்த அகத்தீஸ்வரருக்கும் அகிலாண்டேஸ்வரிக்கும், இங்கு ஒரு கோயில் அமைத்து வழிபடும்படி அறிவுறுத்தினார். நவக்கிரகங்களையும் பிரதிஷ்டை செய்யும்படியும், ஈசனின் ஈசான பார்வை சனி பகவானின் மீது படும்படியும் கோயிலமைக்கக் கூறினார். அதன்படியே செய்த மன்னனின் சனிதோஷம் நீங்கியது. சிறந்த சனிதோஷ பரிகாரத் தலங்களில் எட்டியத்தளியும் ஒன்றாக விளங்குகிறது.

மங்கம்மாபேட்டை

ராணிப்பேட்டை மாவட்டம், அரக்கோணம் அருகே உள்ளது மங்கம்மாபேட்டை. இந்தத்தலத்தில் சனிபகவான், தன்னுடைய மனைவி நீலாதேவியை மடியில் அமர்த்தியபடி கல்யாண சனீஸ்வரராக காட்சியளிக்கிறார். எனவே இந்த ஆலயத்தில் இங்கே சஷ்டியப்தபூர்த்தி, சதாபிஷேகம், பீமரதசாந்தி போன்ற சுப விசேஷங்களையும் செய்கிறார்கள்.

திருவாதவூர்

இத்தலத்தில் வேதபுரீஸ்வரரும், வேதநாயகி அம்மனும் அருள்பாலிக்கிறார்கள். இங்கு சனிபகவானுக்கு தனிச் சன்னிதி இருக்கிறது. மாண்டவ்ய முனிவரின் சாபத்தால் சனிபகவானுக்கு முடக்கு வாத நோய் ஏற்பட்டது. அந்த நோய் நீங்குவதற்காக, சனிபகவான், இத்தலத்தில் உள்ள இறைவனையும், இறைவியையும் வழிபட்டார். இதையடுத்து அவரது வாத நோய் நீங்கியது. இதனால் தான் இத்தலத்திற்கு ‘திருவாதவூர்’ என்று பெயர் வந்ததாகக் கூறப்படுகிறது. மதுரைக்கு வடகிழக்கே 20 கி.மீ. துாரத்தில் திருவாதவூர் உள்ளது.

பொழிச்சலுார்

சென்னை பல்லாவரத்தை அடுத்துள்ளது பொழிச்சலுார். இங்கு பழமையான அகஸ்தீஸ்வரர் கோயில் அமைந்திருக்கிறது. இங்கு சனிபகவானும் ஒரு வரப்பிரசாதியாக இருந்து அருள்பாலிக்கிறார். சனீஸ்வர பகவான் நேரடியாக இத்தல இறைவனை பூஜித்ததாகவும், இங்குள்ள நள்ளாறு தீர்த்தத்தில் நீராடி, தன்னுடைய தோஷத்தைப் போக்கிக் கொண்டதாகவும் தல வரலாறு சொல்கிறது.

சோழவந்தான்

சோழவந்தானில் இருந்து குருவித்துறைக்குப் போகும் பாதையில் உள்ளது இந்த சனிபகவான் கோயில். இத்தலத்தில் தனது மேல் கரங்களில் ஆயுதங்கள் தரித்து, கீழ் வலது கரம் அபய ஹஸ்தமாகவும், கீழ் இடது கரம் கதாயுதம் ஏந்தியும் சனிபகவான் காட்சி தருகிறார். அருகில் காக வாகனம் உள்ளது. இத்தலம் சனிதோஷம் நீக்குவதற்கும், விசாக நட்சத்திரத்தில் பிறந்தவர்களுக்கு பரிகார தலமாகவும் இருக்கிறது.