ஆப்பிள் தோட்டங்களால் உணவு உற்பத்தி பாதிப்பு அபாயம்!

காஷ்­மீர் மாநி­லத்­தில் சோபி­யன் நக­ரத்­தில் இருந்து 15 கி.மீ தொலை­வில் உள்ள கிரா­மம் மோகன்­புரா. இந்த கிரா­மத்­தில் ஆப்­பிள் தோட்­டத்­தில் பஷிர் அக­மது தார் (52), மனைவி, மகன், இரண்டு மகள்­க­ளு­டன் வேலை செய்து கொண்­டுள்­ளார். இவ­ருக்கு 28 கெனால் நிலம் சொந்­த­மாக உள்­ளது. ( 1 கெனால் என்­பது0.8 ஏக்­கர்) அவர்­கள் ஆப்­பிளை பறித்து விற்­ப­னைக்கு அனுப்­பு­வ­தில் மும்­மு­ர­மாக ஈடு­பட்­டுள்­ள­னர். மோகன் புரா கிரா­மம் முழு­வ­தும் நெல் வயல்­க­ளாக இருந்­தது. 1980களில் நெல் வய­லில் ஆப்­பிள் தோட்­டம் போட ஆரம்­பித்­த­னர். நெல் பயி­ரிட்டு வந்த விவ­சா­யி­கள் ஒரு­வர் பின் ஒரு­வ­ராக ஆப்­பிள் தோட்­டத்­திற்கு மாறி­விட்­ட­னர் என்று கூறு­கின்­றார் பஷிர் அக­மது தார்.

இங்கு 2014–15ம் ஆண்­டில் ஒரு ஹெக்­டே­ருக்கு 3.98 டன் நெல் உற்­பத்­தி­யா­னது. சென்ற வரு­டம் ஒரு ஹெக்­டே­ரில் 11.65 டன் ஆப்­பிள் விளைந்­துள்­ளது. ஆப்­பிள் மரங்­கள் அதிக நெருக்­க­மாக இருப்­ப­தால், வரும் ஆண்­டு­க­ளில் ஆப்­பிள் உற்­பத்தி பல மடங்கு அதி­க­ரிக்க வாய்ப்பு உள்­ளது. ஜம்­மு–­காஷ்­மீர் மாநில நில வரு­வாய் சட்­டம் மற்­றும் ஜம்­மு–­காஷ்­மீர் விவ­சாய நில பயன்­பாடு மாற்ற சட்­டத்­தின்­படி விவ­சாய நிலத்தை வீட்டு மனை­யா­கவோ, தோட்ட பயிர் செய்­யயோ மாற்­றக்­கூ­டாது. இவ்­வாறு சட்­டம் இருந்­தா­லும், மோகன்­புரா கிரா­மத்­தில் நில பயன்­பாட்­டில் நெல் பயி­ரி­டும் நில­மா­கவே உள்­ளது. நில பயன்­பாடு ஆவ­ணங்­க­ளில் மாற்­றம் செய்­யப்­ப­ட­வில்லை. இத­னால் உணவு உற்­பத்தி குறித்து ஒவ்­வொரு துறை­யி­லும் உள்ள ஆவ­ணங்­க­ளில் வெவ்­வேறு மாதி­ரி­யாக கணக்கு உள்­ளது. காஷ்­மீர் டிவி­ஷ­னில் பட்­காம் தவிர மற்ற மாவட்­டங்­க­ளில் நெல் பயி­ரி­டும் நிலங்­கள் ஆப்­பிள் தோட்­டங்­க­ளாக மாற்­றம் அடைந்­தி­ருப்­பது கண்­கூ­டாக தெரி­கி­றது.

ஜம்­மு–­காஷ்­மீர் நுகர்­வோர் விவ­கார துறை அமைச்­சர் சவுத்ரி ஜூல்­பி­கர் அலி, “தேசிய உணவு பாது­காப்பு சட்­டத்­தின் கீழ் 7 லட்­சத்து 51 ஆயி­ரம் டன் நெல் இறக்­கு­மதி செய்­துள்­ளோம். அத்­து­டன் பல்­வேறு திட்­டங்­க­ளில் பல மாநி­லங்­க­ளில் இருந்து 5 லட்­சம் டன் நெல் இறக்­கு­மதி செய்­துள்­ளோம். மாநில அரசு உள்­ளூர் விவ­சா­யி­க­ளி­டம் இருந்து நெல் கொள்­மு­தல் செய்­வ­தில்லை. உள்­ளூர் விவ­சா­யி­கள் நெல்லை சொந்த பயன்­பாட்­டிற்கு வைத்­துக் கொள்­கின்­ற­னர். அல்­லது வியா­பா­ரி­க­ளி­டம் அதிக விலைக்கு விற்­பனை செய்­கின்­ற­னர் என்று தெரி­வித்­தார். 2008ல் காஷ்­மீர் டிவி­ஷ­னில் நெல் உற்­பத்தி 5 லட்­சம் டன்­னாக இருந்­தது. இது 2011–12ல் 5 லட்­சத்து 61 ஆயி­ரம் டன்­னாக அதி­க­ரித்­துள்­ளது. இருப்­பி­னும் ஜம்மு– காஷ்­மீர் மாநி­லத்­தில் போதிய அளவு உணவு தானி­யம் கிடைக்­க­வில்லை. 2008ல் சுப்­ரீம் கோர்ட் கமி­ஷ­னர் சமர்ப்­பித்த அறிக்­கை­யில், உணவு பாது­காப்பு சட்­டத்தை நாடு முழு­வ­தும் அமல்­ப­டுத்­தும்­படி கூறி­யது. 1990--–91ம் ஆண்டு மாநி­லத்­தில் உணவு உற்­பத்­தி­யில் தன்­னி­றைவு அடைந்து இருந்­தது. இது படிப்­ப­டி­யாக குறைந்து 2000–01ம் ஆண்­டு­க­ளில் பற்­றாக்­குறை 35 சத­வி­கி­த­மாக அதி­க­ரித்­தது. அதற்கு பிறகு தொடர்ந்து பற்­றாக்­குறை அதி­க­ரித்த வண்­ணம் உள்­ளது.

நெல் உற்­பத்தி குறைந்­த­தற்கு கார­ணம் பரு­வ­நிலை மாற்­றத்­தால் ஒரு போகம் மட்­டுமே பயி­ரிட முடி­கின்­றது. இத­னால் உற்­பத்தி குறைந்­துள்­ளது என்று அதி­கா­ரி­கள் கரு­து­கின்­ற­னர். 1950ல் ஷேக் அப்­துல்லா அர­சில் நில எஸ்­டேட் ரத்து சட்­டம் கொண்டு வரப்­பட்­டது. இத­னால் நிலம் சிறிய அள­வில் கூறு­போ­டப்­பட்­டது. கிரா­மப்­பு­றங்­க­ளில் நெல் விவ­சா­யத்­திற்கு பதி­லாக தோட்ட விவ­சா­யத்­திற்கு மாறி­னர். ஸ்ரீந­கரை ஒட்­டி­யுள்ள பகு­தி­க­ளில் நெல் வயல்­க­ளில் பெரு­ம­ளவு கட்­டி­டங்­கள் கட்­டப்­பட்­டது. இவ்­வாறு நெல் வய­லில் வீடு கட்­டி­யுள்ள தார் என்­ப­வர் கூறு­கை­யில், நாங்­கள் நெல் பயி­ரிட்ட போது போதிய அளவு விளைச்­சல் கிடைக்­க­வில்லை. இவர் இரண்டு மாடி வீடு கட்­டி­யுள்­ளார். இவ­ரது உற­வி­னர்­க­ளும் வீடு கட்­டி­யி­ருப்­ப­தா­க­வும் கூறு­கின்­றார்.

1950ல் நில சீர்­தி­ருத்த சட்­டம் இயற்­றப்­பட்­ட­தில் இருந்து காஷ்­மீர் மாநி­லத்­தில் ஆப்­பிள் தோட்­டம் அமைப்­பது தொடங்­கி­யது. 1952ல் வடக்கு காஷ்­மீ­ரில் சோப்ரி பகு­தி­யில் 12 ஆயி­ரம் ஹெக்­டே­ரில் ஆப்­பிள் தோட்­டம் அமைக்­கப்­பட்­டது. பத்து வரு­டத்­திற்கு பிறகு அதா­வது 1962ல் தோட்­டக்­க­லைத் துறை தொடங்­கப்­பட்­டது. 1982ல் ஷீர்–­இ–­காஷ்­மீர் விவ­சாய விஞ்­ஞா­னம் மற்­றும் தொழில்­நுட்ப பல்­க­லைக்­க­ழ­கம் ஆப்­பிள் தோட்­டங்­க­ளாக மாறு­வ­தற்கு ஊக்­க­ம­ளித்­தது. 2 லட்­சத்து 19 ஆயி­ரம் ஹெக்­டேர் நிலப்­ப­ரப்­பில் ஆப்­பிள் தோட்­டம் அமைக்­கப்­பட்­டது. ஆப்­பிள் உற்­பத்­தி­யில் 7 லட்­சம் குடும்­பத்­தைச் சேர்ந்த 33 லட்­சம் பேர் நேர­டி­யா­க­வும், மறை­மு­க­மா­க­வும் ஈடு­பட்­டுள்­ள­னர்.

1990ம் ஆண்­டு­க­ளில் 68,723 ஹெக்­டேர் பரப்­பில் ஆப்­பிள் தோட்­டங்­கள் அமைக்­கப்­பட்டு இருந்­தது. இது 2016ல் 1 லட்­சத்து 85 ஆயி­ரம் ஹெக்­டே­ராக அதி­க­ரித்­துள்­ளது. இந்த வரு­டம் 17 லட்­சம் டன் ஆப்­பிள் விளைந்­துள்­ளது. தோட்­டக்­க­லைத்­து­றை­யைச் சேர்ந்த மூத்த அதி­காரி மன்­சூர் அக­மது பட், “ ஆப்­பிள் விளைச்­சல் பற்­றிய கணக்கு மாறக்­கூ­டி­யது. தெற்கு காஷ்­மீ­ரில் மூன்டா சோதனை சாவ­டியை கடந்து செல்­லும் ஆப்­பிள் ஏற்­றிய லாரி­கள் கணக்­கி­டப்­ப­டு­கி­றது. காஷ்­மீ­ரில் 7 லட்­சம் பேர் ஆப்­பிள் தோட்ட விவ­சா­யத்­தில் ஈடு­பட்­டுள்­ள­னர். இதில் நான்கு லட்­சம் தொழி­லா­ளர்­கள் வேலை செய்­கின்­ற­னர். இவர்­க­ளில் பெரும்­பா­லோர் வெளி மாநி­லங்­க­ளைச் சேர்ந்­த­வர்­கள். இவர்­கள் பூச்சி கொல்லி மருந்து அடித்­தல், ஆப்­பிளை மரத்­தில் இருந்து எடுத்­தல், பேக்­கிங் செய்­தல் போன்ற வேலை­க­ளில் ஈடு­பட்­டுள்­ள­னர் என்று தெரி­வித்­தார்.

ஷீர்–­இ–­காஷ்­மீர் விவ­சாய விஞ்­ஞா­னம் மற்­றும் தொழில்­நுட்ப பல்­க­லைக்­க­ழ­கத்­தைச் சேர்ந்த பேரா­சி­ரி­யர் சபீர் அக­மது, “ ஆப்­பிள் விவ­சா­யி­கள் போதிய குளிர்­ப­தன கிடங்­கு­கள் இல்லை என்று கூறு­கின்­ற­னர். சீசன் இல்­லாத நேரங்­க­ளில் குளிர்­சா­தன வசதி செய்­யப்­பட்ட லாரி­க­ளில் டில்லி உட்­பட மற்ற மாநி­லங்­க­ளுக்கு ஆப்­பிள் கொண்டு செல்­லப்­ப­டு­கி­றது. 4 லட்­சத்து 80 ஆயி­ரம் ஆப்­பிள் மரங்­கள் உள்­ளன. மொத்­தம் 7 கோடி பழ மரங்­கள் உள்­ளன. 1 லட்­சத்து 30 ஆயி­ரம் லாரி­கள் மூலம் 8 கோடி பெட்டி ஆப்­பிள்­களை வெளி­மா­நி­லங்­க­ளுக்கு அனுப்­பு­கின்­றோம். இதன் மூலம் ரூ.8 ஆயி­ரம் கோடி வர்த்­த­கம் நடை­பெ­று­கின்­றது. இதில் உள்ள பிரச்னை தேவைக்­கும்– விளைச்­ச­லுக்­கும் இடையே பற்­றாக்­குறை உள்­ளது. அக்­டோ­பர், நவம்­பர் மாதங்­க­ளில் அதிக அளவு ஆப்­பிள்­கள் விற்­ப­னைக்கு வரும். டில்­லி­யில் உள்ள ஆஜாத்­பூர் மண்டி, காஷ்­மீ­ரீல் உள்ள சோப்ரி பழ மண்­டி­யில் அதிக அளவு விற்­பனைக்கு வரும். அதிக அளவு விற்­ப­னைக்கு ஆப்­பிள்­கள் குவி­வ­தால், இதன் விலை சரி­கின்­றது என்று தெரி­வித்­தார். பாது­காத்து வைத்­தி­ருந்து கோடை காலத்­தில் விற்­பனை செய்­வ­தற்கு வச­தி­யாக தேவை­யான அளவு குளிர்­சா­தன கிடங்­கு­கள் இருந்­தால், நல்ல விலை கிடைக்­கும் என்று ஆப்­பிள் விவ­சாயி தார் கூறு­கின்­றார்.  

முன்பு சரா­ச­ரி­யாக ஒரு கெனால் பரப்­பில் 12 ஆப்­பிள் மரங்­கள் வள­ரும். 2016ல் மாநில அரசு மிக நெருக்­க­மாக வள­ரும் வகை­யில் ஆப்­பிள் செடி­களை விவ­சா­யி­க­ளுக்கு கொடுத்­துள்­ளது. இவற்றை  ஒரு கெனால் பரப்­பில் 111 முதல் 116 வரை வளர்க்க முடி­யும். இந்த புதிய ரகம் ஒரு மரத்­திற்கு சரா­ச­ரி­யாக 25 கிலோ பழங்­கள் வரை கிடைக்­கும்.

இந்த புதிய ரகம் விளைச்­சல் கொடுக்க தொடங்­கும் போது காஷ்­மீர் கிரா­மப்­புற பொரு­ளா­தா­ரத்­தில் பெரும் வளர்ச்சி ஏற்­ப­டும் என்று நிபு­ணர்­கள் கூறு­கின்­ற­னர். “இந்த புதிய ரகத்தை விவ­சா­யி­கள் வளர்க்­கும் போது, நாம் ஆப்­பிள் உற்­பத்­தி­யில் அமெ­ரிக்­காவை முந்தி விட­லாம்” என்று புல்­வாமா மாவட்­டத்­தில் உள்ள ராஜ்­புரா தோட்­டக்­கலை அதி­காரி நிசார் அக­மது கனானி தெரி­வித்­தார்.

இந்த மாநி­லத்­தில் உள்ள ஒவ்­வொ­ரு­வ­ரும், இந்த மாற்­றத்­தால் பலன் கிடைக்­கும் என்று கரு­த­வில்லை. நெல் வயல்­கள் எல்­லாம் ஆப்­பிள் தோட்­டங்­க­ளா­க­வும், வீட்டு மனை­க­ளா­க­வும் மாறி­னால், எதிர்­கா­லத்­தில் உணவு தானிய பற்­றாக்­குறை ஏற்­ப­டும் ஆபத்து இருப்­ப­தாக நிபு­ணர்­கள் எச்­ச­ரிக்­கின்­ற­னர்.

ஷீர்–­இ–­காஷ்­மீர் விவ­சாய விஞ்­ஞா­னம் மற்­றும் தொழில்­நுட்ப பல்­க­லைக்­க­ழ­கத்­தின் டீன் பேரா­சி­ரி­யர் பரூக் அக­மது ஜாகி, “1950களில் ஜம்­மு–­காஷ்­மீர் மாநி­லத்­தில் நில பயன்­பாடு பற்­றிய சட்­டம் இருந்­தது. இதன்­படி நிலத்­தின் பயன்­பாட்டை மாற்­று­வ­தும், நிலத்தை விற்­பனை செய்­வ­தும் கடி­னம். இதன் நோக்­கம் உணவு தானிய உற்­பத்­தி­யில் தன்­னி­றைவு அடை­வதே. வேறு இடங்­க­ளில் இருந்து உணவு தானி­யங்­களை கொண்டு வரு­வ­தற்கு போக்­கு­வ­ரத்து செல­வும் அதி­க­மா­கும்.

சரி­யாக திட்­ட­மி­டப்­ப­டாத கார­ணத்­தால் பெரு­ம­ளவு விவ­சாய நிலங்­கள் வீட்டு மனை­க­ளாக மாறி­விட்­டன. கிரா­மப்­பு­றங்­க­ளில் இருந்து ஸ்ரீந­க­ரில் பெரு­ம­ளவு மக்­கள் குடி­யேற்­றம், கடந்த 30 ஆண்­டு­க­ளில் மற்ற பகு­தி­க­ளும் நக­ர­ம­ய­மாகி விட்­டன. காஷ்­மீ­ரில் ஒவ்­வொரு அங்­குல நில­மும் விளைச்­சல் நிலம். இதில் வீடு­கள் கட்­டு­வது கவ­லையை அளிக்­கி­றது என்று அவர் கூறி­னார்.

ஆனால் விவ­சாய துறை இயக்­கு­நர் சையத் அல்­டாப் அஜாச் ஆன்­டி­ராபி, “ விவ­சா­ய­மும், தோட்­டக்­க­லை­யும் ஒன்­று­டன் ஒன்று இணைந்­தவை. நாம் இதில் ஏதா­வது ஒன்றை நிறுத்த முடி­யாது என்று கூறு­கின்­றார். பஞ்­சாப் அதிக அளவு நெல் உற்­பத்தி செய்­கின்­றது. இதை காஷ்­மீர் இறக்­கு­மதி செய்­ய­லாம். இப்­போது சாலை வசதி நன்­றாக உள்­ளது. ரயில்வே பாதை­யும் வரப்­போ­கின்­றது. நாம் உணவு பாது­காப்பு பற்றி கவ­லைப்­பட தேவை­யில்லை.

 நமது பொரு­ளா­தா­ரத்­தில் ஆப்­பிள் முக்­கிய பங்கு வகிக்­கின்­றது. இதை ஊக்­கு­விக்க வேண்­டும் என்று அவர் தெரி­வித்­தார். ஜம்­மு–­காஷ்­மீர் அரசு அதிக விளைச்­சல் கொடுக்­கும் ஆப்­பிள் ரகத்தை ஊக்­கு­விக்­கின்­றது. காஷ்­மீ­ரின் நெல் களஞ்­சி­யம் என்று அழைக்­கப்­ப­டும் தெற்கு காஷ்­மீ­ரில், விவ­சாய அமைச்­ச­கம் அதிக விளைச்­சல் கொடுக்­கும் நெல் ரகத்தை ஊக்­கு­விக்­கின்­றது. ஆனால் விவ­சா­யி­கள் நெல் பயி­ரிட விரும்­ப­வில்லை.

ஸ்ரீந­க­ரில் இருந்து 25 கி.மீட்­டர் தொலை­வில் உள்­ளது புர்­காம் மாவட்­டம். இந்த மாவட்­டம் மிக­வும் பின்­தங்­கிய நிலை­யில் இருந்­தது. இந்த மாவட்­டத்­தில் ஆப்­பிள் தோட்­டம் அமைக்க ஊக்­கப்­ப­டுத்­தி­ய­து­டன், அதற்கு வங்­கி­க­ளும் கடன் கொடுத்­தன. இப்­போது ஏழ்­மை­யில் இருந்த புர்­காம் மாவட்­டம் செல்­வச் செழிப்­பான மாவட்­ட­மாக வளர்ச்சி அடைந்­துள்­ளது. அதே நேரத்­தில் விவ­சா­யி­கள் ஆப்­பிள் மர கன்று கிடைக்­க­வில்லை என்று புகார் கூறு­கின்­ற­னர்.

இது பற்றி தோட்­டக்­க­லைத்­துறை இயக்­கு­நர் மல்­கோத்ரா மசூம், “ அதிக ஆப்­பிள் காய்க்­கும் நவீன செடி­களை வழங்க டெண்­டர் விடப்­பட்­டுள்­ளது. கூடிய விரை­வில் எல்லா இடங்­க­ளி­லும் கிடைக்­கும். தோட்­டக்­க­லைத்­து­றைக்கு கொள்­கை­களை அறி­விக்க உள்­ளோம். தோட்­டக்­க­லைத்­துறை பல்­க­லைக்­க­ழ­கத்­தை­யும் நிறுவ உள்­ளோம். வரும் காலத்­தில் கிரா­மப்­பு­றங்­க­ளில் என்ன மாதி­ரி­யான மாற்­றங்­கள் ஏற்­ப­டப் போகின்­றது என்­பதை பார்க்க போகின்­றீர்­கள் என்று அவர் தெரி­வித்­தார்.

காஷ்­மீ­ரில் நெல் வயல்­கள் ஆப்­பிள் தோட்­டங்­க­ளாக மாறு­வது நல்­லதே. ஆப்­பிள் தோட்ட விவ­சா­யத்­தில்­தான வரு­வாய் கிடைக்­கின்­றது. அரசை விட விவ­சா­யி­க­ளுக்கு இது பற்றி நன்கு தெரி­யும். ஆனால் விவ­சாய நிலங்­க­ளில் கட்­டி­டங்­களை கட்ட நாங்­கள் அனு­ம­திக்க மாட்­டோம்” என்று விவ­சாய துறை இயக்­கு­நர் சையத் அல்­டாப் அஜாச் ஆன்­டி­ராபி  தெரி­வித்­தார்.

காஷ்­மீர் மாநி­லத்­தில் நெல் வயல்­கள் ஆப்­பிள் தோட்­டங்­க­ளாக மாறி­விட்­டன. இத­னால் உணவு பாது­காப்­பிற்கு ஆபத்து ஏற்­ப­டும் என்று ஒரு சாரார் எச்­ச­ரிக்­கின்­ற­னர். அதே நேரத்­தில் இந்­தி­யா­வில் காஷ்­மீர் மாநி­லத்­தில் மட்­டுமே ஆப்­பிள் தோட்­டங்­களை அமைக்க முடி­யும். அதற்­கான மண் வள­மும், சீதோஷ்ண நிலை­யும் காஷ்­மீர் மாநி­லத்­தில் மட்­டுமே உள்­ளது.

நஷ்­டம், போதிய வரு­வாய் இல்­லாத நெல் விவ­சா­யத்தை விட, ஆப்­பிள் தோட்­டத்­தில் வேலை வாய்ப்பு, விவ­சா­யி­க­ளுக்கு வரு­மா­னம் கிடைக்­கின்­றது.

ஆப்­பிள் பழங்­களை நீண்ட நாட்­கள் கெடா­மல் பாது­காக்க மத்­திய, மாநில அர­சு­கள் தேவை­யான குளிர்­ப­தன கிடங்­கி­கள் அமைக்க வேண்­டும். குளிர்­சா­தன வசதி உள்ள லாரி, டிரக்­கு­களை அறி­மு­கப்­ப­டுத்த வேண்­டும். அப்­போ­து­தான் காஷ்­மீர் மாநில பொரு­ளா­தார வளர்ச்­சிக்கு பலன் கிடைக்­கும்.

நன்றி:அவுட்­லுக் வார இத­ழில் நசீர் கனாய்.