இந்தியா-பாக்., கிரிக்கெட் போர்...! * மான்செஸ்டரில் கோஹ்லி படை ‘ரெடி’

பதிவு செய்த நாள் : 15 ஜூன் 2019

மான்செஸ்டர்


உலக கோப்பை தொடரில் உலகமே ஆவலோடு எதிர்பார்க்கும் இந்தியா&பாகிஸ்தான் இடையேயான போட்டி மான்செஸ்டரில் இன்று நடக்கிறது.

சர்வதேச கிரிக்கெட் கவுன்சில் (ஐ.சி.சி.,) நடத்தும் 12வது உலக கோப்பை ஒருநாள் கிரிக்கெட் தொடர் இங்கிலாந்து மற்றும் வேல்சில் நடைபெற்று வருகிறது. இதில்,  நடப்பு சாம்பியன் ஆஸ்திர«லியா, 2வது இடத்தைப் பிடித்த நியூசிலாந்து, இந்தியா, இங்கிலாந்து, பாகிஸ்தான், வெஸ்ட்இண்டீஸ், இலங்கை, தென் ஆப்ரிக்கா,  வங்கதேசம், ஆப்கானிஸ்தான் உள்ளிட்ட உலகின் ‘டாப்&10’ அணிகள் பங்கேற்கின்றன. முதலில் போட்டிகள் ‘ரவுண்ட்ராபின்’ லீக் முறையில் நடக்கிறது. இதில்,  ஒவ்வொரு அணியும் மற்ற அணியுடன் ஒருமுறை மோதும். இதன் பின் அதாவது லீக் சுற்றின் முடிவில் புள்ளிகள் அடிப்படையில் முதல் நான்கு இடத்தைப் பிடிக்கும்  அணிகள் அரைஇறுதிக்கு முன்னேறும்.

லண்டனில் நாளை பிற்பகல் 3 மணிக்கு நடக்க உள்ள 22வது லீக் போட்டியில் முன்னாள் சாம்பியன்களான இந்தியா, பாகிஸ்தான் அணிகள் பலப்பரீட்சை  நடத்துகின்றன. தவரிசையில் இந்தியா 2, பாகிஸ்தான் 6வது இடத்தில் உள்ளன.

மூன்றாவது முறையாக கோப்பையை கைப்பற்ற வேண்டும் என்ற துடிப்புடன் களமிறங்கியுள்ள இந்திய அணி தென் ஆப்ரிக்காவுக்கு எதிரான துவக்க ஆட்டத்தில் 6  விக்கெட் வித்தியாசத்தில் வெற்றி பெற்று அசத்தியது. இதை தொடர்ந்து உலக சாம்பியன் ஆஸி.,யை எதிர்கொண்ட இந்தியா 36 ரன்னில் வெற்றி பெற்று சாதித்தது.  உலக கோப்பை வரலாற்றில் ஆஸி.,யை முதல்முறையாக இந்தியா வீழ்த்தி வரலாற்று சாதனை படைத்தது. ஆஸி.,க்கு எதிரான வெற்றி மனரீதியில் இந்திய வீரர்களை  வலிமையடையச் செய்துள்ளது. துவே பாகிஸ்தானுக்கு எதிரான போட்டியில் சாதிக்க உதவும். தவிர உலக கோப்பை தொடரில் பாகிஸதானிடம் இந்தியா தோற்றதில்லை. இதுவரை இவ்விரு அணிகள் மோதிய 6 ஆட்டத்திலும் இந்தியாவே வெற்றி பெற்றுள்ளது.

நியூசிலாந்துக்கு எதிரான மூன்றாவது போட்டி மழையால் ரத்தானது. இதையடுத்து இரு அணிக்கும் தலா ஒரு புள்ளி கிடைத்தது. இதன் மூலம் இந்திய அணி  இதுவரை விளையாடிய 3 ஆட்டத்தில் 2 வெற்றி, ஒரு போட்டி ரத்து என மொத்தம் 5 புள்ளிகளுடன் புள்ளிப் பட்டியலில் நான்காவது இடத்தில் நீடிக்கிறது.   தற்போது இந்திய அணி சூப்பர் பார்மில் உள்ள நிலையில், நியூசி.,க்கு எதிராக 2 புள்ளி கிடைக்காதது ஏமாற்றமே.

இந்திய அணி பேட்டிங், பவுலிங் இரண்டிலும் சமபலத்துடன் உள்ளது. இருந்தும் காயம் காரணமாக தவான் விலகியது அணிக்கு பின்னடைவை ஏற்படுத்தியுள்ளது.  ஆஸி,,க்கு எதிரான தவான் அடித்த சதம்தான் வெற்றிக்கு முக்கிய காரணமாக இருந்தது. தவான் இல்லாத நிலையில், ரோகித்துடன் லேகேஷ் ராகுல் துவக்க வீரராக  களமிங்க உள்ளார். இந்த ஜோடி முதல்முறையாக இணைகிறது. தென் ஆப்ரிக்காவுக்கு எதிராக சதம் அடித்த ரோகித், ஆஸி,.க்கு எதிராக அரைசதம் அடித்து சூப்பர்  பார்மில் உள்ளார். தவிர, கேப்டன் கோஹ்லி, தோனி, பாண்ட்யா ஆகியோரும் சிறப்பான ஆட்டத்தை வெளிப்படுத்தி வருகின்றனர். தவான் இடத்தில் விஜய் சங்கர்  அல்லது தினேஷ் கார்த்திக் சேர்க்கப்படலாம். இதனால், இந்திய அணியின் மிடில் ர்டர் பேட்டிங் வலிமையடையும்.

பந்துவீச்சைப் பொறுத்தவரை வேகத்தில் பும்ரா மிரட்டுகிறார். டெத் ஓவர்களில் சிறப்பாக பந்துவீசும் இவர் தேவைப்படும் போது விக்கெட் வீழ்த்தி அசத்துகிறார்.  கட;ட்த ரண்டு போட்டிகளிலும் புவனேஷ்வர் குமார் பந்து வீச்சு சிறப்பாக இருந்தது. இவர் பந்தை ஸ்விங் செய்து எதிரணி பேட்ஸ்மேன்களுக்கு நெருக்கடி கொடுக்கிறார். ஆனால், பாண்ட்யா பந்துவீச்சில் முன்னேற்றம் தேவைப்படுகிறது. ‘சுழல்’ இரட்டையர்களான சகால், குல்தீப் இருவரும் சிறப்பாக செயல்படுகின்றனர்.  குறிப்பாக சகலா பந்துவீச்சு அபாரமாக இருக்கிறது. இரண்டு போட்டியில் இவர் 6 விக்கெட்டுகளை வீழ்த்தியுள்ளார். பந்துவீச்சுக்கு பலமாக பீல்டிங் இருப்பது கூடுதல்  பலம். மான்செஸ்டர் மைதானம் சிறியது என்பதால் இன்றைய போட்டிக்கான இந்திய அணியில் ஒருசில மாற்றத்தை எதிர்பார்க்கலாம். தவான் இடத்தில் விஜய்  சங்கர், குல்தீப் இடத்தில் முகமது ஷமி தேர்வாக வாய்ப்புள்ளது. பேட்டிங்கில் கூடுதல் கவனம் செலுத்தினால் பாகிஸதானை வீழ்த்துவதில் சிக்கல் ஏதும் இருக்காது.

பாகிஸ்தானைப் பொறுத்தவரை இந்த தொடரில் சிறப்பான துவக்கம் கிடைக்கவில்லை. வெஸ்ட்இண்டீசுக்கு எதிரான துவக்க ஆட்டத்தில் படுதோல்வியை சந்தித்த பாகிஸ்தான் அணி பின் எழுச்சி பெற்று இங்கிலாந்தை வீழ்த்தி சாதித்தது. இலங்கைக்கு எதிரான போட்டி ரத்தான நிலையில், 4வது ஆட்டத்தில் ஆஸி.,யை எதிர்கொண்டது. இந்த போட்டியில் பாக்., எளிதாக வெற்றி பெற வாய்ப்பு இருந்த நிலையில், பேட்ஸ்மேன்கள் சொதப்ப பரிதாபமாக தோற்றது. இதுவரை விளையாடிய நான்கு போட்டிகளில் பாகிஸ்தான் அணி ஒரு வெற்றி, 2 தோல்வி, ஒரு ஆட்டம் ரத்து என 3 புள்ளிகளுடன் புள்ளிப் பட்டியலில் பின்தங்கி உள்ளது.  பாகிஸ்தானைப் பொறுத்தவரை இன்றைய போட்டியில் வெற்றி மிகவும் முக்கியம்.

பேட்டிங்கில் சற்று வலிமையாக காணப்படும் பாகிஸ்தான் அணிக்கு பகார் ஜமான் அவசரப்பட்டு ஆட்டமிழந்து நெருக்கடி கொடுக்கிறார். இமாம் உல் ஹக், இளம்  வீரர் பாபர் ஆசம், முகமது ஹபீஸ், கேப்டன் சர்பராஸ் அகமது ஆகியோர் சிறப்பாக பேட் செய்து வருகின்றனர். இருந்தும் இந்த அணியின் மிடில் ஆர்டர்  பலவீனமாக இருக்கிறது. ஆஸி,.க்கு எதிராக முன்னறி பேட்ஸமேன்கள் சொதப்ப கடைசி கட்ட வீரர்கள் கைகொடுத்தனர். ஷசன் அலி, வகாப் ரியாஸ் இருவரும்  திரடியாக விளையாடி அசத்தினர். இங்கிலாந்துக்கு எதிரான போட்டியில் 3 வீரர்கள் அரைசதம் கடந்து கைகொடுக்க பாக்., 348 ரன்கள் குவித்தது. அனுபவ வீரர்  சோயப் மாலிக் பார்மில் இல்லை

.

பாகிஸ்தான் அணியின் பந்துவீச்சு சற்று பலவீனமாக உள்ளது. முகமது அமீர் மட்டும் வேகத்தில் மிரட்டுகிறார். ஆஸி.,க்கு எதிராக இவரது பந்து பிரமிப்பாக இருந்தது. இவருக்கு ஆதரவாக வகாப் ரியாஸ், ஹசன் அலி இருவரும் பந்துவீசாதது அணிக்கு பின்னடைவை ஏற்படுத்தி உள்ளது. இந்த அணியின் சுழற்பந்து வீச்சும்  பெரிய அளவில் தாக்கத்தை ஏற்படுத்தவில்லை. அதே நேரம் சோயப் மாலிக், ஹபீஸ் போன்ற பார்டைம் பவுலர்கள் அணியில் இருப்பது சற்று கூடுதல் பலத்தை    கொடுத்துள்ளது. தவிர, பலவீனமான பந்துவீச்சுக்கு பலம் சேர்க்கும் வகையில் பீல்டிங் இல்லை. இந்த தொடரில் பாகிஸ்தான் வீரர்கள் பல கேட்ச்சுகளை  தவறவிட்டனர். ஆஸி.,க்கு எதிராக துவக்கத்தில் வாரர்னருக்கு கேட்சை தவறவிட்டனர். இதைப் பயன்படுத்தி வார்னர் சதம் அடித்தார். பேட்டிங், பவுலிங்  இரண்டிலும் சிறப்பாக செயல்பட்டால் மட்டுமே இந்திய அணிக்கு நெருக்கடி கொடுக்க முடியும்.

கிரிக்கெட்டில் பரமஎதிரிகளான இந்தியா, பாகிஸ்தான் மோதும் இப்போட்டி ரசிகர்கள் மத்தியில் பெரும் எதிர்பார்ப்பை ஏற்படுத்தி உள்ளது.


நேருக்கு நேர்: இவ்விரு அணிகளும் இதுவரை 131 முறை மோதி உள்ளன. இதில், பாகிஸ்தான் அதிகபட்சமாக 73 போட்டிகளில் வெற்றி பெற்றள்ளது. 54 ஆட்டத்தில்  மட்டுமே இந்தியா தனது வெற்றியை பதிவு செய்துள்ளது. 4 ஆட்டம் ரத்தாகி உள்ளது. அதே நேரம் உலக கோப்பையில் இவ்விரு அணிகளும் 6 முறை மோதியுள்ளன. இந்த 6 ஆட்டத்திலும் இந்தியாவே வெற்றி பெற்றுள்ளது குறிப்பிடத்தக்கது.