பிரபாஸின் அடுத்த திரைப்படத்தில் கமலின் பழம்பெரும் வெற்றிப்பட இயக்குனர்!

22 செப்டம்பர் 2020, 07:07 AM

மகாநடி படத்தை இயக்கிய நாக் அஸ்வின் இயக்கத்தில் பிரபாஸின் 21வது திரைப்படம் உருவாகி வருவதாக கூறப்படுகிறது.

தீபிகா படுகோனே கதாநாயகியாக நடிக்கும் இந்தப்படத்தை வைஜெயந்தி மூவிஸ் தயாரிக்கிறது. இந்தநிலையில் மூத்த இயக்குனர் என்கிற வகையில் இந்தப்படத்தின் படக்குழுவினருக்கு ஒரு வழிகாட்டியாக இணைந்துள்ளார் பிரபல இயக்குனர் சிங்கிதம் சீனிவாசராவ். இவரது 50 வருட திரையுலக பயணமும், அவரது கிரியேட்டிவ் அனுபவங்களும் தங்களது படத்திற்கு மிகப்பெரிய உறுதுணையாக இருக்கும் என அறிவித்துள்ளது தயாரிப்பு நிறுவனம்.

கமலின் 100வது படமான ராஜபார்வை படத்தை இயக்கியவர் தான் இந்த சிங்கீதம் சீனிவாசராவ். அதுமட்டுமல்ல, அபூர்வ சகோதரர்கள், மைக்கேல் மதன காமராஜன் உள்ளிட்ட சில படங்களையும் இயக்கியுள்ளார்.