காதல் ஜோடியாக நடிக்கும் சுரேஷ் கோபி, ஆஷா சரத்!!

18 செப்டம்பர் 2020, 07:52 PM

மலையாள திரையுலகில் தொடர்ந்து ராணுவ பின்னணி கொண்ட படங்களையே இயக்கி வருபவர் மேஜர் ரவி. ஆனால் தற்போது முதன்முறையாக தனது பாதையில் இருந்து முற்றிலும் மாறி, காதல் படம் ஒன்றை இயக்க உள்ளார் மேஜர் ரவி.

பள்ளிப்பருவத்தில் காதலுடன் பிரிந்த இருவர், 34 வருடங்கள் கழித்து சந்தித்துக் கொள்வதும், அதன்பின்னர் அவர்களுக்குள் நடக்கும் சுவாரஸ்யங்களும் தான் படத்தின் கதை என கூறப்படுகிறது.

இந்த காதல் ஜோடியாக சுரேஷ் கோபியும் ஆஷா சரத்தும் நடிக்க இருக்கிறார்கள். த்ரிஷ்யம் படம் மூலம் தனது அதிரடி நடிப்பால் ரசிகர்களின் கவனம் ஈர்த்தவர் ஆஷா சரத் என்பது இங்கு குறிப்பிடத்தக்கது.