சினிமா ரசிகர்களுக்கு சர்ப்ரைஸ்! இன்று மாலை ஆறு மணிக்கு...

16 செப்டம்பர் 2020, 11:18 AM

மாநகரம், கைதி ஆகிய வெற்றி படங்களை தொடர்ந்து விஜய் மற்றும் விஜய் சேதுபதி நடிப்பில் மாஸ்டர் எனும் திரைப்படத்தை இயக்கி முடித்துள்ளார் லோகேஷ் கனகராஜ்.

தியேட்டர்கள் மூடப்பட்டு உள்ளதால் படம் வெளிவருவதில் தாமதம் தொடர்ந்து வருகிறது.

இதனை அடுத்து ரஜினிகாந்த், கமல்ஹாசன் இணைந்து நடிக்கும் படத்தை லோகேஷ் இயக்க உள்ளதாக தகவல்கள் வெளியாகின.  

இந்தப் படத்தை கமல்ஹாசனின் ராஜ்கமல் பிலிம்ஸ் தயாரிக்க இருப்பதாகவும், ரஜினிகாந்த் நடிக்கும் கடைசிப் படமாக இது இருக்கும் என்றெல்லாம் செய்திகள் வெளியானது. மேலும் கைதி படத்தின் இரண்டாம் பாகத்தை இயக்க உள்ளார் என மற்றும் ஒரு தகவலும் பரவி வருகிறது.

இந்நிலையில் தான் இயக்கும் அடுத்த படத்தின் அறிவிப்பை இன்று மாலை அதிகாரப்பூர்வமாக லோகேஷ் கனகராஜ் அறிவிக்க இருக்கிறார். இது ரசிகர்களிடையே அதிக எதிர்பார்ப்பை ஏற்படுத்தியுள்ளது.