கொரோனா விழிப்புணர்வு படப்பிடிப்பிலேயே திடீரென மயங்கி விழுந்து நடிகர் உயிரிழப்பு!

15 செப்டம்பர் 2020, 04:43 PM

கொரோனா ஊரடங்கு தளர்வால் படப்பிடிப்புகள் ஆரம்பமாகி விட்ட நிலையில், கொச்சியில் நடைபெற்ற விழிப்புணர்வு படத்தின் படப்பிடிப்பில் கலந்து கொண்ட நடிகரும், டப்பிங் பிரபீஷ் திடீரென மயங்கி விழுந்து உயிரிழந்த சம்பவம் மலையாளத் திரையுலகத்தில் அதிர்ச்சிக்குள்ளாக்கியுள்ளது.

தன்னுடைய காட்சிகளில் நடித்து முடித்ததும் குழுவில் இருந்த நண்பர்களுடன் சேர்ந்து புகைப்படம் எடுத்துக் கொண்டிருக்கும் போது மயங்கி விழுந்த பிரபீஷை படக்குழுவினர் மருத்துவமனைக்கு கொண்டு சென்றுள்ளனர்.

ஆனால் அங்கு அவரைப் பரிசோதித்த மருத்துவர்கள் அவர் ஏற்கனவே உயிரிழந்து விட்டதாக தெரிவித்துள்ளனர். இதனால் படக்குழுவினர் அதிர்ச்சி அடைந்துள்ளனர்.

மரணமடைந்த பிரபீஷுக்கு 44 வயதாகிறது. மனைவியும், ஒரு மகளும் உள்ளனர் என்பது குறிப்பிடத்தக்கது.