TIKTOK ரசிகர்களை வம்புக்கு இழுத்த மாளவிகா! அவரின் ஹாட் போட்டோக்களுக்கு தாறுமாறு கமெண்ட்களை பதிவிடும் ரசிகர்கள்!

04 ஜூலை 2020, 08:00 AM

சூப்பர் ஸ்டார் ரஜினிகாந்தின் பேட்ட திரைப்படத்தில் அறிமுகமாகி தற்போது விஜய்க்கு ஜோடியாக மாஸ்டர் படத்தில் நாயகியாக நடித்துள்ளார்.

இவர், அடிக்கடி கவர்ச்சியான படங்களை சமூகவலைதளங்களில் வெளியிட்டு பரபரப்பை ஏற்படுத்தி வருபவர்.

தற்போது டிக்டாக் பற்றி வெளியிட்ட டுவீட்டால் சர்ச்சைக்கு ஆளாகியுள்ளார்.

கடந்த சில தினங்களுக்கு முன்னர் இந்திய அரசு டிக்டாக் உள்ளிட்ட 59 மொபைல் ஆப்களை தடை செய்தது. இதனால் டிக்டாக் ரசிகர்கள் சோகத்தில் உள்ளனர். இந்த சூழ்நிலையில், 'இதுவரை டிக்டாக்கில் மூழ்கியிருந்தவர்கள் இனி அதைவிடக் கொஞ்சம் குறைந்த அளவு மோசமான ஆப்-ஐத் தேடிச் செல்வார்கள்' என டிக்டாக் தடை பற்றி மாளவிகா டுவீட் ஒன்றை வெளியிட்டிருந்தார்.

மாளவிகாவின் இந்தப் பதிவைப் பார்த்து டிக்டாக் பயனர்கள் கடும் கோபமாகி விட்டனர். மாளவிகாவை பதிலுக்கு பழி வாங்கும் வகையில் அவரது நடிப்பை விமர்சித்தும், அவரது ஹாட் போட்டோஷூட்கள் பற்றியும் அவர்கள் கமெண்ட்களை வெளியிட்டு வருகின்றனர்.