காவல்துறையை பெருமைப்படுத்தி திரைப்படம் எடுத்ததற்காக மிக மிக வேதனைப்படுகிறேன்! - ஹரி

29 ஜூன் 2020, 08:06 AM

கோவில்பட்டியில் உள்ள கிளைச் சிறையில் விசாரணைக் கைதிகளாக இருந்த சாத்தான்குளத்தை சேர்ந்த ஜெயராஜ் மற்றும் அவரது மகன் பென்னிக்ஸ் இருவரும் அடுத்தடுத்து மரணம் அடைந்த சம்பவம் தமிழகத்தையே வேதனைக்கு உள்ளாக்கி உள்ளது. 

ஊரடங்கு விதிகளை மீறி கடையை திறந்து வைத்ததாக கூறி போலீசார் வழக்கு பதிவு செய்து, அடித்துக் கொன்றதாக உறவினர்கள் மற்றும் ஊர் மக்கள் குற்றம்சாட்டி உள்ளனர்.

இந்த சம்பவத்திற்கு கண்டனம் தெரிவிக்கும் வகையில் பல பிரபலங்களும் சினிமா துறையிலும் கண்டனம் தெரிவித்து வருகின்றனர். இந்நிலையில், இயக்குனர் ஹரி இதுதொடர்பாக வெளியிட்டுள்ள அறிக்கையில் குறிப்பிட்டுள்ளதாவது:

"சாத்தான்குளம் சம்பவம் போல் இனி ஒரு கொடூரம் தமிழக மக்களுக்கு நடந்துவிட கூடாது. அதற்கு ஒரே வழி சம்பந்தப்பட்ட குற்றவாளிகள் அனைவருக்கும் அதிகபட்ச தண்டனை வழங்குவதே. காவல்துறையில் உள்ள சிலரின் இந்த அத்துமீறல் அந்த துறையையே இன்று களங்கப்படுத்தி உள்ளது. காவல் துறையை பெருமைப்படுத்தி ஐந்து படம் எடுத்ததற்காக இன்று மிக மிக வேதனைப்படுகிறேன்" 

என குறிப்பிட்டுள்ளார்.