ஊரடங்கு முடிந்த பிறகு இதை செய்தால் நாட்டின் வளர்ச்சி கூடும் ஐடியா தந்த பிரபல நடிகை

06 ஏப்ரல் 2020, 02:16 PM

உலகையே அச்சுறுத்தி வரும் கொரோனா வைரசால் இந்தியாவிலும் நாளுக்கு நாள் பாதிக்கப்பட்டவர்கள் எண்ணிக்கை அதிகரித்த வண்ணம் உள்ளது. கொரோனாவால் இந்தியாவில் 21 நாட்கள் ஊரடங்கு உத்தரவு பிறப்பிக்கப்பட்டுள்ளது. இதனால் மக்கள் வீடுகளிலேயே தங்க வேண்டிய சூழல் உருவாகியுள்ளது. 

இந்த ஊரடங்கால் வணிகத் துறையினர் கடும் பாதிப்பை சந்தித்துள்ளனர்.

இந்நிலையில் நடிகை காஜல் அகர்வால், வணிகர்கள் இழப்பிலிருந்து மீள ஐடியா கொடுத்துள்ளார். 

இதுகுறித்து அவர் தனது இன்ஸ்டாகிராம் பக்கத்தில் கூறியுள்ளதாவது: கொரோனா ஆபத்து முற்றிலும் நீங்கிய பிறகு நாட்டுக்காக நாம் சிலவற்றை செய்ய வேண்டும். 

அது என்னவெனில், நம் விடுமுறையை உள்நாட்டில் செலவிடலாம். 

உள்ளூர் உணவகங்களில் சாப்பிடலாம். நம் நாட்டில் விளையும் காய்கறி மற்றும் பழங்களை வாங்கலாம். இந்தியாவில் தயாரிக்கப்பட்ட ஆடை மற்றும் காலணிகளை வாங்கி அணியலாம். 

இது நம் நாட்டு வணிகர்களுக்கு உதவியாக இருக்கும். 

இவ்வாறு ஒருவருக்கொருவர் உதவினால் நாடு மென்மேலும் வளர்ச்சி அடையும் என்று அவர் கூறியுள்ளார்.