ஆர்ஆர்ஆர்' - மோஷன் போஸ்டர் வரவேற்பு !

01 ஏப்ரல் 2020, 01:49 PM

ராஜமவுலி இயக்கத்தில், ஜுனியர் என்டிஆர், ராம்சரண், அஜய் தேவகன், ஆலியா பட் மற்றும் பலர் நடிக்கும் படம் 'ஆர்ஆர்ஆர்'. நேற்று தெலுங்கு வருடப் பிறப்பை முன்னிட்டு இப்படத்தின் மோஷன் போஸ்டர் தமிழ், தெலுங்கு, கன்னடம், மலையாளம், ஹிந்தி ஆகிய மொழிகளில் வெளியிடப்பட்டது.

ராஜமௌலி இதற்கு முன் இயக்கிய 'பாகுபலி, பாகுபலி 2' ஆகிய இரண்டு படங்களுக்கும் இந்தியா முழுவதும் பெரும் வரவேற்பும், வசூலும் கிடைத்தது. அடுத்து அவர் இயக்கி வரும் 'ஆர்ஆர்ஆர்' படத்திற்கு எப்படியான வரவேற்பு கிடைக்கும் என்பதற்கு உதாரணம்தான் நேற்று வெளியான மோஷன் போஸ்டர்.

இந்த மோஷன் போஸ்டர்களில், தெலுங்கு மோஷன் போஸ்டருக்கு 47 லட்சத்திற்கும் மேற்பட்ட பார்வைகள் கிடைத்துள்ளன. அதற்கு அடுத்து ஹிந்தி மோஷன் போஸ்டருக்கு 37 லட்சம், கன்னடத்திற்கு 8 லட்சம், தமிழுக்கு 5 லட்சம், மலையாளத்திற்கு 3 லட்சம் பார்வைகள் கிடைத்துள்ளன. மொத்தமாக 1 கோடி பார்வைகளைக் கடந்துள்ளது.