உனக்கு தெரியுமா? 21 வருடங்களுக்கு முன்பு... காதல் மனைவி ஷாலினிக்கு கொடுத்த வாக்கை இன்று வரை காப்பாற்றும் தல அஜித்...!

14 பிப்ரவரி 2020, 09:26 AM

தமிழ் சினிமாவில் நடித்த சில நடிகர், நடிகைகள் தங்களுடன் நடித்தவர்களையே காதலித்து வாழ்க்கை துணையாக கைபிடித்துள்ளனர். அந்த வகையில் தமிழ் ரசிகர்கள் மனதில் முதலிடத்தில் இருப்பது அஜித் - ஷாலினி ஜோடி தான்.

இன்று  உலகம் முழுவதும் காதலர் தினம் கொண்டாடப்பட உள்ள நிலையில், இந்த காதல் தம்பதி குறித்த  தகவல் ஒன்று வெளியாகியுள்ளது. அதாவது 21  வருடங்களுக்கு முன்பே தல அஜித்திடம் ஷாலினி சத்தியம் ஒன்றை வாங்கியுள்ளாராம். திருமணத்திற்கு பிறகு ஒரே நேரத்தில் ஒன்றுக்கும் மேற்பட்ட படங்களில் நடிக்க கூடாது... எவ்வளவு பிசியாக நடித்தாலும் மாதத்தில் 15 நாட்கள் ஷூட்டிற்கு, 15 நாட்கள் குடும்பத்திற்கு என்று ஒதுக்க வேண்டும்... என்பது தான் அது.


அமர்களம் படத்தின் போது தொடங்கிய  காதல், இருவருக்கும் இடையே இன்றளவும் கொளுந்து விட்டு எரிந்துக்கொண்டிருக்கிறது. தமிழ் சினிமாவின் முன்னணி ஹீரோவான அஜித், எவ்வளவு பிசியாக இருந்தாலும் குடும்பத்திற்கு முக்கியத்துவம் கொடுத்து நேரம் ஒதுக்குவதே அதற்கு சாட்சி.