சாதனை புரிந்த தமிழ் படங்கள் – 424– எஸ்.கணேஷ்

24 டிசம்பர் 2019, 01:57 PM

நடி­கர்­கள் : வினய் ராய், கே.எஸ். ரவிக்­கு­மார், பிரேம்ஜி அம­ரன், அர­விந்த் ஆகாஷ், சத்­யன் சிவ­கு­மார், லஷ்மி ராய், சாம்ஸ், கீதா சிங் மற்­றும் பலர். இசை :   கே, ஒளிப்­ப­திவு: செல்­லத்­துரை, எடிட்­டிங்:    பி. சாய்­சு­ரேஷ், தயா­ரிப்பு : எஸ். சிவ­கு­மார், ஆர். சிவ­கு­மார், திரைக்­கதை, இயக்­கம் :   பி.டி. செல்­வ­கு­மார்.

இனிய முகூர்த்த வேளை­யில் மண­ம­கனை காணா­மல் திரு­ம­ண­ மண்­ட­பத்­தில் பர­ப­ரப்பு ஏற்­ப­டு­கி­றது. மாப்­பிள்ளை குருவை (சாம்ஸ்) பற்றி விசா­ரிப்­ப­தற்­காக மண­ம­கள் குரு­வின் நண்­பன் பில்­லா­வுக்கு (வினய் ராய்) போன் செய்­கி­றாள். குருவை தேடி­ய­லை­யும் பில்­லா­வின் பார்­வை­யில் பிளாஷ்­பேக் கண்­முன் விரி­கி­றது. அவ­ர­வர் வாழ்க்­கை­யில் ஏற்­ப­டும் பிரச்­னை­க­ளி­லி­ருந்து தப்­பு­வ­தற்­காக பில்லா மற்­றும் நண்­பர்­கள் ரங்கா (சத்­யன் சிவ­கு­மார்), கோச்­ச­டை­யான் (அர­விந்த் ஆகாஷ்) ஆகி­யோர் பேச்ச­லர்­க­ளாக வாழ முடி­வெ­டுக்­கி­றார்­கள். தங்­க­ளது நெருங்­கிய நண்பன் குரு­வை­யும் அழைக்க அனை­வ­ரு­மாக கொண்­டாட்­டத்­திற்­காக பெங்­க­ளூ­ருவுக்கு செல்­கி­றார்­கள். தங்­க­ளுக்கு திரு­ம­ண­மா­னதை மறைத்து பேச்­சலர்­க­ளாக வாழ்­வ­தென்று சப­தம் எடுக்­கி­றார்­கள். கல்­லுா­ரி­யில் தங்­க­ளு­டன் படித்து தற்­போது கோடீஸ்­வ­ர­னாக இருக்­கும் சார்­லஸை சந்­திக்­கி­றார்­கள். கல்­லுா­ரி­யில் இவர்­க­ளால் கேலிக்கு உள்­ளா­கிய சார்­லஸ் முத­லில் இவர்­களை பார்த்து மிரண்­டா­லும் பின்­னர் அவர்­க­ளுக்கு உதவ ஒப்­புக்­கொண்டு பார்ட்­டிக்கு அழைத்­துச் செல்­கி­றான். பார்ட்­டி­யில் மாடல் சஞ்­ச­னாவை (லஷ்மி ராய்) சந்­திக்­கும் நண்­பர்­கள் அவ­ளு­டன் நட­ன­மா­டு­கி­றார்­கள். சார்­ல­ஸின் பங்­க­ளா­வில் தங்­கும் நண்­பர்­கள் அங்கு சஞ்­ச­னாவை பார்த்து அவ­ளு­டன் நெருங்­கிப்­ப­ழக தனித்­த­னி­யாக முயற்­சிக்­கி­றார்­கள்.

திரு­ம­ணத்­திற்கு சில நாட்களே உள்ள நிலை­யில் குரு தனது திரு­ம­ணத்­திற்­காக பேச்சலர் பார்ட்டி தரு­கி­றான். அடுத்த நாள் காலை போதை தெளிந்த நிலை­யில் போலீஸ் உடை­யில் இருக்­கும் பில்லா, ரங்கா மற்­றும் கோச்­ச­டை­யான் டிஎஸ்பி பல்­ராம் நாயு­டு­வி­டம் (கே.எஸ். ரவிகு­மார்) மாட்­டு­கி­றார்­கள். மனை­வியை பிரி­யா­மல் காத­லோடு சேர்ந்து வாழு­மாறு நண்­பர்­க­ளுக்கு அறி­வுரை கூறி அனுப்­பு­கி­றார் பல்­ராம் நாயுடு. போதை­யில் செய்த அட்­ட­கா­சங்­கள் மறந்த நிலை­யில் மூவ­ரும் தங்­க­ளது நண்­பன் குருவை தேடு­கி­றார்­கள். கொட­வுன் ஒன்­றில் சஞ்­ச­னாவை கேங்க்ஸ்­ட­ராக பார்த்து அதிர்ச்­சி­ய­டை­கி­றார்­கள்.

குருவை கடத்தி வைத்­தி­ருக்­கும் சஞ்­சனா, காதலை ஏற்­றுக்­கொள்­ளு­மாறு மூவ­ரும் தன்­னி­டம் கெஞ்­சி­யதை வீடி­யோ­வாக எடுத்து வைத்து மிரட்­டு­கி­றாள். வீடியோ வெளி­யா­கா­மல் இருப்­ப­தற்­கும் திரு­மண மாப்­பிள்ளை குருவை ரிலீஸ் செய்­வ­தற்­கும் இரண்டு கோடி ரூபாய் கேட்­கி­றாள். பெரும்­போ­ராட்­டத்­திற்கு பிறகு நண்­பர்­கள் மூவ­ரும் பணத்­தைக் கொடுத்து குருவை மீட்­கி­றார்­கள். பெங்­க­ளூ­ருவிலி­ருந்து திரும்­பும் நண்­பர்­கள் இனி எப்­போ­தும் சஞ்­ச­னாவை சந்­திப்­ப­தில்லை என்­றும் தங்­கள் மனை­வி­க­ளின் அருமை புரிந்து அவர்­களை எப்­போ­தும் மகிழ்ச்­சி­யாக வைத்­துக்­கொள்­வது என்­றும் உறுதி எடுத்­துக் கொள்கிறார்­கள். முகூர்த்த நேரத்­தில் வந்து சேரும் நண்­பர்­கள் அனை­வ­ரை­யும் அமை­திப்­ப­டுத்தி குரு­வின் திரு­ம­ணத்தை நடத்த முயற்­சிக்­கி­றார்­கள். அங்கு வரும் பில்­லா­வின் மனைவி (கீதா சிங்) தன்னை தவிக்­க­விட்டு ஓடிய பில்­லா­வை­யும் நண்­பர்­க­ளை­யும் பழி­வாங்க தனது உட­லில் வெடி­குண்டை கட்­டி­ய­படி வந்து திரு­ம­ணத்தை நிறுத்­து­கி­றாள். மனை­வி­யின் அன்பை புரிந்து கொண்ட பில்லா அவளை சமா­தா­னப்­ப­டுத்தி ஏற்­றுக்­கொள்­கி­றான். திரு­ம­ணம் முடிந்து நண்­பர்­கள் அனை­வ­ரும் தங்­க­ளது துணை­யு­டன் இருக்­கும்­போது மண்­ட­பத்­திற்கு சார்­ல­ஸும் தனது புது­ம­னை­வி­யு­டன் வரு­கி­றான்.  மகிழ்ச்­சி­யான நேரத்­தில் மறு­ப­டி­யும் நண்­பர்­கள் அனை­வ­ரும் காணா­மல் போக, மறு­ப­டி­யும் பழை­ய­படி நண்­பர்­கள் போதை­யில் தங்­களை மறந்­தி­ருக்க, மறு­ப­டி­யும் நண்­ப­னின் மனைவி தனது கண­வ­னைத்­தேடி பில்­லா­வுக்கு அழைக்­கி­றாள். கலாட்­டாக்­கள் தொடர்­கி­ன்றன.