பேய்க்காதல்!

16 ஏப்ரல் 2019, 05:26 PM

விண்டோபாய் பிக்சர்ஸ் வி. பாலகிருஷ்ணன், ஆர். சோமசுந்தரம் மற்றும்  மாரிசன் மூவீஸ் இணைந்து தயாரிக்கும் படத்திற்கு ‘பியார்’ என்று பெயரிட்டுள்ளனர். இந்த படத்தில் முன்னணி நடிகர்  கதாநாயகனாகவும் முன்னணி நாயகி கதாநாயகியாகவும் நடிக்கிறார்கள். அதற்காக பேச்சுவார்த்தை நடந்து கொண்டிருக்கிறது. முக்கிய வேடத்தில் யோகி பாபு நடிக்கிறார்.

கதை, திரைக்கதை, வசனம் எழுதி இயக்குகிறார் மில்கா எஸ். செல்வகுமார். இவர் ராகவா லாரன்சிடம் உதவியாளராக பணியாற்றியவர். தற்போது நட்ராஜ், மனிஷா யாதவ் நடிக்க முடிவடையும் நிலையில் உள்ள ‘சண்டி முனி’ என்ற படத்தை இயக்கிக் கொண்டிருக்கிறார்.

‘‘வழக்கமாக ஒரு ஹீரோ காதலர்களைத்தான் சேர்த்து வைப்பார். இந்த படத்தில் வித்தியாசமாக ஒரு ஹீரோ இரண்டு பேய்க் காதலர்களை சேர்த்து வைக்கிறார். அதாவது பேயை, பேயுடன் சேர்த்து வைப்பதுதான் இதன் கதை’’ என்கிறார் இயக்குனர் மில்கா எஸ்.செல்வகுமார்.