லவ்விலிருந்து திரில்லருக்குத் தாவிய டைரக்டர்!

23 டிசம்பர் 2015, 02:06 PM

'‘எனக்கு 20 உனக்கு 18’, ‘கேடிமுதலான படங்களை இயக்கிய ஜோதி கிருஷ்ணா அடுத்து தெலுங்கில் ஒரு படத்தை இயக்குகிறார். ‘ஆக்சிஜன்என்று பெயரிடப்பட்டிருக்கும் இப்படத்தில் தெலுங்கு சினிமாவின் முன்னணி நடிகர்களில் ஒருவரான கோபிசந்த் கதாநாயகனாக நடிக்க, அவருக்கு ஜோடியாக ரிஷி கன்னா நடிக்கவிருக்கிறார். இதுவரை காதல் படங்களை இயக்கிய ஜோதி கிருஷ்ணா இப்படத்தை ஒரு ஆக்ஷன் திரில்லர் படமாக இயக்கவிருக்கிறார். அஜித்தை வைத்துஆரம்பம்’, ‘என்னை அறிந்தால்’, ‘வேதாளம்ஆகிய படங்களைத் தயாரித்த .எம்.ரத்னத்தின் மகனான ஜோதி கிருஷ்ணா, இதுவரை அப்படங்களின் வேலைகளில் படு பிசியாக இயங்கி வந்ததால் படங்களை இயக்குவதில் ஒரு பிரேக் எடுத்துக் கொண்டாராம்! ஜோதி கிருஷ்ணா அடுத்து இயக்கவிருக்கும்ஆக்சிஜன்படத்தின் படப்பிடிப்பு அடுத்த மாதம் முதல் வாரத்தில் துவங்கவிருக்கிறது.