‘துப்பறிவாளன்-2’ ஷூட்டிங் குறித்து அப்டேட் வெளியிட்ட விஷால்

07 டிசம்பர் 2021, 05:05 PM

2017ஆம் ஆண்டு மிஷ்கின் இயக்கத்தில் விஷால் நடிப்பில் வெளியான படம் ‘துப்பறிவாளன்’. இதில் விஷாலின் நண்பனாக பிரசன்னா நடிக்க விஷாலுக்கு வில்லனாக வினய் நடித்திருந்தார். மேலும் அனு இமானுவேல், ஆண்ட்ரியா, பாக்கியராஜ், சிம்ரன் ஆகியோரும் முக்கிய கதாப்பாத்திரத்தில் நடித்திருந்தனர். இந்த படத்திற்கு கிடைத்த வரவேற்பை தொடர்ந்து படத்தின் இரண்டாம் பாகத்தின் வேலைகளை துவங்கினர். 2019ல் துவங்கிய இந்த படத்தின் ஷூட்டிங் வேலைங்களின் போது விஷாலுக்கும் இயக்குனர் மிஷ்கினுக்கும் இடையில் ஏற்பட்ட கருத்து வேறுபாடு காரணமாக ’துப்பறிவாளன் 2’ படத்தை இயக்கும் பொருப்பில் இருந்து மிஷ்கின் விலகினார். இதனை தொடர்ந்து படத்தின் இயக்குனர் பொருப்பையும் ஏற்றுக்கொண்டார் விஷால். அதன்பின் இரண்டு வருடங்களாக இந்த படம் குறித்து எந்த ஒரு அறிவிப்பும் வெளியாகவில்லை. இதனிடையே 2022 ஜனவரியில் இந்த படத்திற்கான ஷூட்டிங்கை துவங்க அவர் திட்டமிட்டுள்ளதாக தகவல்கள் வெளியாகின. இந்நிலையில் இந்த படத்தின் படப்பிடிப்பு ஏப்ரல் மாதம் 2022ல் இருந்து துவங்கும் என்றும், அதற்கு முன் ஷூட்டிங் நடைபெறும் இடங்களை தேர்வு செய்யும் பணி இலண்டனில் வரும் ஜனவரி 2022ல் துவங்கும் என்றும் விஷால் ஃட்விட்டரில் அறிவித்துள்ளார்.

Geared up for the Mega HUNT!!! All set for the recce of #Thupparivaalan2 this #Jan2022 in #London. Shoot to commence from #April2022.GB