அக்டோபர் ரிலீஸை உறுதிப்படுத்திய ‘ராஜவம்சம்’ படக்குழு...

13 செப்டம்பர் 2021, 12:31 PM

சசிகுமார் நடிப்பில் அடுத்தடுத்து ‘ராஜவம்சம்’, ‘எம்.ஜி.ஆர். மகன்’, ‘பகைவனுக்கு அருள்வாய்’, ‘கொம்பு வச்ச சிங்கம்டா’, ‘நாநா’, ‘உடன் பிறப்பே’ என ஆறு படங்கள் ரிலீஸுக்கு தயாராகி வருகிறது. இதில் புதுமுக இயக்குனர் கதிவேலு இயக்கத்தில் உருவாகிருக்கும் படம் ‘ராஜவம்சம்’. 

சசிகுமாருக்கு ஜோடியாக நிக்கி கல்ராணி நடித்திருக்கும் இந்த படத்தில் சதீஷ், யோகி பாபு, ராதாரவி, தம்பி ராமையா, விஜயகுமார், கும்கி அஸ்வின், சிங்கம்புலி, நிரோஷா, மனோபாலா, சாம்ஸ், ஆடம்ஸ் உள்ளிட்ட பலரும் முக்கிய கதாபாத்திரங்களில் நடித்துள்ளனர். 

மொத்தம் 49 நடிகர், நடிகைகளுடன் உருவாகும் ராஜவம்சம், தலைப்புக்கு ஏற்றார்போல் குடும்பங்கள் கொண்டாடும் படமாக தயாராகியுள்ளது. கடந்த மார்ச் மாதமே ரிலீசாக இருந்த இப்படம் கொரோனா இரண்டாவது அலை காரணமாக தள்ளிவைக்கப்பட்டது. இந்நிலையில், தற்போது இப்படத்தின் புதிய ரிலீஸ் தேதி அறிவிக்கப்பட்டு உள்ளது. அதன்படி இப்படம் வருகிற அக்டோபர் 1-ந் திரையரங்குகளில் வெளியாகும் என தெரிவிக்கப்பட்டு உள்ளது.